JEREMÍAS 12:6 - Dios Rimashca Shimicunami

⁶ Cambaj yayapaj familiapura cambaj quiquin huauquicunallatajmari canta huañuchingapaj jatarishcacuna. Paicunamari canta japingapaj caparinacushpa catincuna. Paicuna sumajta rimajpipish, ama shunguta churanguichu.

JEREMÍAS 12:6 Iomraidhean Croise

JOB 6:15

Ashtahuanpish ñucataca, ñuca huauquicunallatajmari yacu jundai shamuj shina llaquichincuna. Manchanayaj jatun yacu shamushpa, pacashca shinallamari.

SALMOS 12:2

Tucuicunami caishujmanta chaishujmanta llullashpa parlanacun. Shimihuanca mishquijlla uyananquitami riman. Shungupica manapish pajtachina yuyaihuanmi.

SALMOS 12:3

Mandaj Diosca jahua shimilla uyananquita rimajcunataca tucuitami chingachinga. Jatun tucushpa rimarijcunatapish chingachingami.

SALMOS 69:8

Ñuca huauquicunapajca shujtaj llajta runami carcani. Ñuca mamapaj churicunapajca mana rijsishcami carcani.

PROVERBIOS 23:8

Micushca q'uipaca shungu tigraj shinami tucuimanta tigrachina tucungui. Can sumajta pagui nishcapish yangallamari canga.

PROVERBIOS 26:25

Sumajta rimajpica ama cringuillachu. Paipaj shungupica, canchis jatun millai yuyaicunahuan jundami.

ISAÍAS 31:4

Mandaj Diosca ñucamanca cashnami nirca: “León cashpa, uchilla león cashpapish ovejata huañuchishpa micucujpi tauca michijcuna tandanacushpa quichungapaj shamujpipish mana manchanchu. Caparinacushpa shamujpipish mana manchanchu. Tucuita Mandaj Diosca Sión urcu jahuapi, paipaj urcu jahuapi macanacunaman uriyamushpapish chashnallatajmi ruranga.

JEREMÍAS 11:19

Ñucataca: “Cai runataca alli granota aparishca yurata urmachij shina huañuchishunchij. Cai pachapi causajcunapuramanta anchuchishunchij. Chashna rurajpica, paitaca pi mana ashtahuan yuyaringachu” ninacushcami carca. Ashtahuanpish ñucaca huañuchinaman apacushca malta c'ari oveja shina, imata mana yachashcachu carcani.

JEREMÍAS 11:21

Anatot pueblopi causajcunaca ñucataca: “Mandaj Dios huillanaman cachashcataca ña ama huillaichu. Mana cashpaca canta huañuchishunmi” nircacunami. Chashna nij runacunatami Mandaj Diosca rimarca.

JEREMÍAS 20:10

Maipipish ñucamantaca achcacunami huashalla parlanacuncuna. “Maipipish manchachishpamari puricun, jacuchij mandajcunaman huillashunchij” ninacushpami, ñucahuan apanacujcunallataj imapi pandarijta chapancuna. “Ima shina umajta saquingapishchari. Chaipitajca japishcahuan huañuchishpa, ñucanchijmi mishashun” ninacuncunami.

JEREMÍAS 9:2

Mana cashpaca shitashca pambapi ñanta purijcuna llandurina shinallatapish ñuca causanapaj maijan cujpica, ñuca llajtapi causajcunata saquishpa chaimanchari riman. Chaipitajca paicunamanta ch'icanyaimanmi. Paicunaca tucuicuna huainayajcuna, mana cazujcunamari.

JEREMÍAS 9:3

Mandaj Diosca cashnami nin: “Paicunapaj c'alluhuanca puntajlla caspita arcohuan shitaj shinamari llullancuna. Cai llajtapi charijyashpapish, ima allitaca mana rurancunachu. Ashtahuanpish ashtahuan millaicuna tucushpami, ñucataca ña mana rijsincuna.

JEREMÍAS 9:4

Maijanpish: Ñucahuan apanacujhuanmi cani nishpa, ama cungailla purichun. Quiquin huauquillapitajpish ama shunguta churachun. Huauquillatataj umanllacunami, alli apanacujcunapish llullashpa llaquipi churanllacunami.

JEREMÍAS 9:5

Mana llullaca, shujllapish mana tiyanchu. Tucuicuna caishuj chaishuj umanacunllami. Paicunapaj c'alluca llullangapajca, mana huatarinchu. Millaita ruranallapimi yuyaita churancuna.

Mateo 10:21

Huauquita huañuchichunca huauquillatajmi japichinga. Yayaca churitami japichinga. Huahuacunapish, yaya mamata p'iñashpa jatarishpami huañuchichinga.

Marcos 12:12

Chai yuyachij parlohuanca paicunallatataj rimacushcata entendishpami, ima shinapish prezu japina yuyailla tucurcacuna. Ashtahuanpish tucui chaipi cajcunata manchashcamantami imata mana nishpa rircallacuna.

Juan 7:5

Paipaj huauquicunapish Jesustaca Quishpichij cashcataca mana crircacunachu.

Hechos 16:22

Chaita uyashpaca, tucui chaipi cajcunami Pablota Silasta llaquichingapaj jatarircacuna. Mandajcunapish: –Cai runacunataca lluchullata rurashpa caspicunahuan macaichij– nircacunami.

Hechos 18:12

Jatun mandaj churashca Galión Acayapi mandacui punllacunami judiocunaca, shuj yuyailla tucushpa Pablota japishpa chai mandajcunapajman pushashpaca,