Biblia Todo Logo
Bìoball air-loidhne

- Sanasan -




JEREMÍAS 12:16 - Dios Rimashca Shimicunami

16 Chai llajtacunapi causajcunami ñuca runacunataca: Baalpish ricucunmi ninata yachachircacuna. Q'uipataca chai shinallataj paicunapish ñuca agllashcacunaman ñuca cushca yachanata yachachuncuna. Tucui shunguhuan chaita yachashpa, ñucatapish: Mandaj Dios ricucunmi nichuncuna. Chashnaca ñuca agllashcacunapurapi causangallacunami.

Faic an caibideil Dèan lethbhreac




JEREMÍAS 12:16
28 Iomraidhean Croise  

Tucui huarmicunamanta yalli sumaj huarmilla. Can mana yachashpaca, canlla ovejacuna sarushcata catilla. Michijcunapaj chugllacuna c'uchupi cambaj malta huarmi chivocunata michigrilla.


Achca llajtacuna shamushpami cashna ningacuna: “Shamuichij, Mandaj Diospaj urcuman huichiyashunchij. Jacobpaj Diospaj huasiman jacuchij. Paimi paipaj ñancunapi purinata yachachinga. Paipaj ñancunallapimi purishun. Mandaj Diospaj Mandashcaca Sionmantami llujshinga. Mandaj Diospaj shimica Jerusalenmantami llujshinga”.


“Mandaj Dios ñucami cantaca cashcata ruraj cachun cayarcani. Ñucallatajmi cantaca cuidasha, cambaj maquimantami pushasha. Cantami ñuca agllashcacunahuan ñuca ari ninacushcata rurachun churasha. Llajtacunapaj luz cachunmi churasha.


Ñucatajmi chashnatajmi rurasha nircani. Cashcatataj rurana shimicunaca ñuca shimimantami llujshin. Chashna nishcaca mana huashaman tigrarishcachu canga. Ñuca ñaupajpica tucuicunami cunguringacuna. Tucuicunami ñuca shutipi imatapish rurashun ningacuna.


Paimi cashna nin: “Jacobpaj huahua huahuacunata jatarichij, mana huañushca israelcunata tigrachimuj, ñucapajta ruraj cachunllaca mana churanichu. Ashtahuanpish tucui mama llajtacunapaj luz cachun, tucui cai pachapi causajcunata quishpichij cachunmi churani” ninmi.


Cai pachapi maijanpish allicunata cuchun nishpaca, imatapish pajtachij Diospaj shutipimi chaitaca ninga. Cai pachapi maijanpish imatapish chashnataj cashcatami huillani nishpapish, imatapish pajtachij Diospaj shutipimi chashnatajmi ninga. Ñaupaman llaquita apashcacunataca cungarishcami canga. Tucui llaquimi ñuca ñaupajmantaca ña illanga.


Mandaj Dioslla, canmari ñucata pacajpish, ñucaman fuerzata cujpish cangui. Llaquihuan cajpipish, canmari huaquichihuangui. Tucui cai pacha llajtacunapi causajcuna cambajman shamushpamari, cashna ningacuna: “Ñucanchij yayacunaca imata mana rurai tucuj, yanga dioscunallatamari charishcacuna. Chaicunaca imata mana cui tucuncunachu.


Shina cashpapish, ñuca tucuchisha nicushca llajta runacuna millaita ruranata saquishpa cutirijpica, mana llaquichinichu. Paicunapaj cachasha nicushca llaquitaca, jarcarishpa mana cachanichu.


Ashtahuanpish chai punllacunapica Jerusalentamari: Mandaj Dios mandashpa causana pueblo ningacuna. Tucui llajtacunamanta Jerusalenman shamushpamari, Mandaj Dios ñucataca alabangacuna. Ña mana paicunapaj millai sinchi shungucuna yuyachishcata rurangacunachu.


Chaimantaca mana nij tucushpalla, alli yuyaihuantaj, tucui shunguhuantaj: Mandaj Diosca causacunmi nichigari. Chaipica shujtaj llajtacunapi causajcunapish, ñucamantamari allicunata chasquingacuna. Ñucahuanmari cushicungacuna” ninmi.


Maijancuna: Mandaj Dios ricucunmi nishpapish, yangallami chashna nincuna” ninmi.


“Paicunapaj huahuacunapish ñucamanta anchurishpami, manapish Dios cajta ñucanchij Dios nincuna. Ñuca paicunaman sajsajta carashpa charijpica, ashtahuanpish paicunaca chai dioscunahuanmari huainayancuna. Tandanacushpamari huainayaj huarmicunapaj huasiman rincuna. Chai juchamantaca ¿maitataj mana ima nishpa saquishallari?


Mandaj Diosca cashnami nirca: “Ñancuna callaripi shayarishpa cancunallataj alli ricuichij. Ñaupa ñancunamanta tapushpa, maijan alli ñan cajpica, chaita catichij. Chai ñanta purishpaca, samarinatami charinguichij” nirca. Ashtahuanpish cancunaca: “Ñaupa ñantaca manataj purishunchu” nircanguichijmi.


Huasi jahuaman huichiyashpa luzerocunata cungurijcunatapish, Mandaj Diospish, Milcom diospish ricucunmi nishpa llullashpa cungurijcunatapishmi chingachisha ninmi.


Ashtahuanpish cancunapaj yayacunamanca ñuca shimicunatapish, ñuca mandashcacunatapish ñuca ima nishcata huillaj runacunatami huillachun mandarcani. Ñuca mandashcacunaca, paicunapajmanmi chayarca. Chaimantami ñucapajman cutirircacuna. Paicunaca cashnapishmi nircacuna: Mandaj Diosca, ñucanchijtaca mana alli ñancunapi puricushcamantapish, millaita rurashcamantapishmi, chashna llaquichinataca yuyarirca. Pai rurasha nishca shinallatajmari ñucanchijtaca llaquichin nircacunami nishpa huillai” nircami.


Chai punllapica, Mandaj Dios ñucapajmanca, achca llajtacunamantami tandanacumungacuna. Chaimantaca ñucapajllami tucungacuna, ñucapish paicunahuanmi causasha” ninmi. Chashna rurashcata ricushpami, tucuita Mandaj Diosllataj ñucata cancunapajman cachashcataca yachanguichij.


Alli olivos yuramanta maijan ramacunata p'itishcapimi, cantaca sacha olivos rama cajpipish, chai alli olivos ramacunapaj randi churashcalla cangui. Chashna rurashca cashpami, canca alli olivos yura sapipaj sumaj yacullamanta causangui.


Cashnami quillcashca tiyacun: “Jatun Diosca ñucaca causacunimi ninmi. Tucuicunami ñuca ñaupajpi cungurishpa, paicunapaj shimihuan Taita Diosmi cangui” ningacuna.


Ñucanchijca, Diospajta paihuan rurajcunami canchij. Cancunaca Diospaj chagrami canguichij, Dios huasichicun huasipishmi canguichij.


Cancuna, causacun cai llajtapi causaj saquirishca mana israelcunahuan ama tandanacungapajmi chashna cana canguichij. Paicunapaj dioscunatapish ama adoranguichijchu. Chai dioscunapaj shutipipish ama imata ninguichijchu, chai dioscunapajtaca ama ruranguichijchu, paicunapaj ñaupajpipish, ama cunguringuichijchu.


Cunan tutaca caipi pacarilla. Caya punllami cambaj c'uchulla familia cambaj allita rurasha nishcata, mana rurasha nishcata tapusha. Cambaj allita pai mana rurasha nijpica, Mandaj Diospish ricucunpimi, cambaj allita rurangapaj ari nisha. Cunanca pacaringacama caipi samarilla– nirca.


Lean sinn:

Sanasan


Sanasan