JEREMÍAS 12:12 - Dios Rimashca Shimicunami

¹² Shitashca pamba tucui lomacunatamari cai llajtata tucuchingapajca, millai runacuna shamuncuna. Ñuca, Mandaj Diostajmi cai llajta runacunataca shuj lado urimanta callarishpaca, caishuj lado uricama ñuca espadahuan tucuchigrini. Chaipica pipaj mana sumaj causai tiyangachu.

JEREMÍAS 12:12 Iomraidhean Croise

ISAÍAS 34:6

Mandaj Diospaj espadaca, yahuarhuan junda, huirahuan jundami. Malta c'ari ovejacunapaj, chivocunapaj yahuarpi pambashca shina, carnerocunapaj riñón huirapi pambashca shinami canga. Mandaj Diosca Bosra pueblopica sacrificiotami ruranga. Edom llajtapica achca gentecunatami huañuchinga.

ISAÍAS 57:21

“¡Mandaj Diosta mana rijsijcunapajca, sumaj causaica mana tiyangachu!” ninmi ñuca Taita Diosca.

JEREMÍAS 15:2

¿Maimantaj rishunri? nijpica, cashna ningui: Mandaj Diosca cashnami nin: Ungüihuan huañuna tiyacujcunaca, ungüihuan huañugrichijlla. Espadapi huañuna tiyacujcunaca, espadapi huañugrichijlla. Yaricaihuan huañuna tiyacujcunaca, yaricaihuan huañugrichijlla. Prezu apana tiyacujcunaca, prezu richijlla ninmi ningui” nircami.

JEREMÍAS 16:5

Mandaj Diosca ñucataca cashnapishmi nirca: “Maijan huañushcamanta huacacujcunapaj huasimanca ama yaicunguichu. Paicunapaj shungu samarichun imallatapish ama ninguichu. Huañushcamantapish ama huacanguichu. Cai runacunamantaca ñucatajmi sumaj causaita anchuchircani. Ña mana llaquisha, mana nanarishapishchu. Mandaj Dios ñucatajmi chashna nini.

JEREMÍAS 25:11

Cai tucui llajtami mancharina jatun llaqui tucunga. Cai llajtacunapi causajcunaca, canchis chunga huatatami Babilonia llajtata jatun mandajta servishpa causangacuna.

JEREMÍAS 3:2

Tucui urcucunata huichilla ricuyari. Maijan lomata ricujpipish, can huainayashcaca ricunallami tiyacun. Cambaj c'uyashcacunahuan tupangapajmi, shitashca pambapi árabe runa chapashpa tiyacuj shina ñan c'uchupi tiyarij carcangui. Chashna huainayashpa, millaita rurashpamari tucui llajtata mapayachingui.

JEREMÍAS 3:21

¡Lomacunapica caparirishcamari uyaricun! Israelcunamari alli ñanmanta llujshishpa, ñuca, paicunata Mandaj Taita Diosta cungarishcacuna. Chaimantamari llaquichun nishpa huacashpa mañacuncuna.

JEREMÍAS 30:5

Mandaj Diosca cashnami nirca: “Sumajta causacushcamanta cushicushpa caparijtaca mana uyanchijchu. Jatun manchaihuan chujchushpa caparicujtami uyanchij.

JEREMÍAS 34:17

Cancuna chashna rurashcamantami, Mandaj Diosca cashna nin: “Cancunaca ñucata mana cazushpami, cancunapaj familiacunataca servichicushcamanta mana cacharishpa cachanguichij. Chaimantami ñucapish espadahuan huañuchijcunatapish, jatun yaricaitapish, ungüitapish cancunata llaquichichun cachagrini. Chai jatun llaquihuanmi cancunataca, tucui cai pacha llajtacunapaj chaupipi jatunta pingachigrini. Ñuca, Mandaj Diostajmi chashna nini.

JEREMÍAS 4:27

Ñaupamanmi Mandaj Diosca cashna nirca: “Tucui llajtatami chushajllata saquisha. Shina cashpapish, tucuitajca mana chingachishachu.

JEREMÍAS 46:10

Chai punllaca, tucuita Mandaj Dios llaquichina punllamari canga. Paita p'iñajcunata japishpa llaquichina punllamari canga. Chai janaj llajtapi caj Éufrates yacu uripica, tucuita Mandaj Diosman cushpamari, paicunataca espadahuan huañuchingacuna. Espadaca, paicunapaj yahuarpimari tucui pambaringa.

JEREMÍAS 47:6

Mandaj Diospaj espadalla, ¿ima horastaj samarigringuiyari? Canta huaquichinapi yaicushpa samariyari.

JEREMÍAS 48:2

Cunanca Moabpi causajcunaca, ña mana jatun tucungacunachu. Paicunata p'iñajcunaca Hesbón pueblopimari: Jacuchij chai llajtata tucuchishunchij nishpa yuyarinacushca. Madmena pueblolla, canpish tucuringuillatajmi. Canpi causajcunataca espadahuanmari huañuchigringacuna.

JEREMÍAS 8:15

Sumaj causaitamari shuyacurcanchij. Ashtahuanpish ima alli mana tiyanchu. Cai jatun nanaita jambichunmari shuyacurcanchij. Ashtahuan mancharina llaquillami tiyan.

LAMENTACIONES 3:17

Sumaj causai tiyashcataca ña cungarinimi, cushicui tiyashcataca mana yuyarinillapishchu.

EZEQUIEL 14:17

Mana cashpaca espadata cai llajtaman apamushpaca: Espada, cai llajtapi causaj runacunatapish, animalcunatapish huañuchi nishpa huañuchichicujpica,

EZEQUIEL 21:28

Huañujlla aichayuj runalla, amonitacuna imalla tucunata ñuca Mandaj Jatun Dios nishca shina cashna nishpa huillai: Cungata p'itishpa tucuchingapajmari, espadaca huaquichinamanta llujshichishca achij nicuj tiyacun.

EZEQUIEL 21:4

Chaimanta caipi causajcunataca cashcata ruraj cajpipish, ñucata mana manchaj cajpipish huañuchishatajmi. Ura ladomanta janaj ladocama tucuicunata huañuchingapajmi, ñuca espadataca huaquichinamanta llujshichisha.

EZEQUIEL 21:8

Mandaj Diosca ñucataca cashnapishmi nirca:

EZEQUIEL 21:9

“Huañujlla aichayuj runalla, cashna huillai: Mandaj Jatun Diosca cashnami nin: Espadaca, espadaca ñamari filosapa tiyacun. Achijllata rurashcapishmari tiyacun.

EZEQUIEL 5:2

Macanacuna punllacuna ña tucurijpica, quimsapi chaupishca shuj mirgataca, chai pueblo chaupillapitaj ninahuan rupachingui. Caishuj mirgataca, chai pueblo muyundijpi espadahuan p'itingui. Caishuj mirga ajchataca, tsirapashpa huairapi cachangui. Ñucami paicunataca espadahuan catishpa risha.

LEVÍTICO 26:33

Cancunataca shujtaj llajtacunamanmi urajta janajta cachasha. Espadata llujshichishpa catirashpa llaquichishpami chashna rurasha. Cancunapaj llajtapish chushajllami saquiringa. Cancunapaj pueblocunapish shitashca pambacunami saquiringa.

AMÓS 9:4

Paicunata p'iñajcuna prezu apashpa huatashcata shina charicujpipish, espadahuanmi huañuchichisha. Ñucaca paicunata ricushpapish, llaquichingapajllami ricusha. Allita rurangapajca, mana ricushachu” ninmi.

SOFONÍAS 2:12

Etiopía llajtapi causajcuna, cancunatapish ñuca espadahuanmi huañuchisha.

DEUTERONOMIO 32:42

Ñuca puntajlla caspicunataca yahuarpimi pambasha. Ñuca espadaca aichacunatami millpunga. Huañushcacunapaj, prezucunapaj yahuartami millpunga. Ñucata p'iñaj mandajcunapaj umacunatami p'itinga' ningami.

Apocalipsis 6:4

Chaipica shujtaj pucajlla caballomi llujshirca. Chai caballopi tiyacujmanca, shuj jatun espadata cushpami, tucui cai pachapi sumajta causanata anchuchi tucunatapish, caishuj chaishujmanta huañuchinacuipi churai tucunatapish curca.