JEREMÍAS 12:11 - Dios Rimashca Shimicunami

¹¹ Shujllapish mana yuyaita japishpa causajpimi, tucui llajtata llaquichircani. Jatunta llaquichichun saquijpimi, ñuca shitashcacunaca llaquinayajta huacancuna.

JEREMÍAS 12:11 Iomraidhean Croise

ECLESIASTÉS 7:2

Jatun micuita ruracun huasiman rinapaj randica, huañui tiyashca huasipi compañanaman rinami alli. Cai pachapi causajcunapajca, chai punllami tucui imapish tucurin. Causaj runaca chaita ricushpami yuyaringa.

ISAÍAS 42:25

Chaimantami nina sindirij shina p'iñarishpa israelcunapaj jahuapi paipaj p'iñarishcata tallishpa yallitaj jatun macanacuita jatarichishpa tucui Israelpi ninata japichirca. Ashtahuanpish paicunaca mana entendircacunachu. Nina lunyashpa tucuchicujpipish mana cazurcacunachu.

ISAÍAS 57:1

“Cashcata ruraj runa huañujpica, pipaj ima mana cashca shina saquirinllami. Dios yuyailla cajcunataca, cashcata ruraj cashcamanta llaquita ama ricuchun apashca cashcataca pi mana yuyanchu.

JEREMÍAS 10:22

Judá llajtapi caj tucui pueblocunata shitashcata saquingapajmari, janaj llajtamantaca caparirishpa shamuncuna. Chacal animalcuna causanatamari rurangacuna– nircanimi.

JEREMÍAS 10:25

Canta mana rijsijcunata, canta mana mañajcunata p'iñarishpa llaquichiyari. Paicunamari Jacobpaj huahuacunataca millpuncuna. Tucuicunatamari huañuchishpa tucuchincuna. Can causana huasitapish, shitashcatamari saquincuna.

JEREMÍAS 14:2

“Judá runacunaca, tucuicunami llaquirishpa huacacuncuna. Pueblo pungucunatapish, pi mana llujshishpa yaicushpa ricurinchu. Jerusalenpi causajcunaca llaquirishpa pambapi tiyarishpami, caparirishpa huacancuna.

JEREMÍAS 19:8

Cai pueblotaca tucuicuna mancharinatapish, chanzata rurashpa asinatapishmi rurasha. Pipish caita pasacushpa, cai pueblo tucui urmashca siricujta ricushpaca mancharingapish, chanzata rurashpa asingacunapishmi.

JEREMÍAS 23:10

Cai llajtaca huainayajcunahuan jundamari. Millaita ruranallatami yachancuna, mandanapipish shujtajcunata llaquichishpallami tiyacuncuna. Chaimanta Dios llaqui tucuchun nijpimi, allpapish shitashca pamba shina chaquishca, michina pambacunapish tucui chaquishcami.

JEREMÍAS 25:11

Cai tucui llajtami mancharina jatun llaqui tucunga. Cai llajtacunapi causajcunaca, canchis chunga huatatami Babilonia llajtata jatun mandajta servishpa causangacuna.

JEREMÍAS 4:20

Jahuanpi jahuanpi jatun llaquicuna shamunatamari huillancuna. Tucui llajtamari ima illaj llaquinayaj saquiricun. Ñucanchij carpa huasicunataca, shamushcahuan linsocunata lliquishpami urmachicuncuna.

JEREMÍAS 4:27

Ñaupamanmi Mandaj Diosca cashna nirca: “Tucui llajtatami chushajllata saquisha. Shina cashpapish, tucuitajca mana chingachishachu.

JEREMÍAS 4:28

Chai llaqui shamujpica, allpaca yanata churarishca shinami saquiringa. Jahua pachapish amsayangami. Chaitaca ñucatajmi chashnami rurasha nircani. Chashna ruranata yuyarishcataca, mana shujtajyachishachu. Ama chashna rurasha nishpa, mana saquishallachu” nircami.

JEREMÍAS 6:8

Jerusalenpi causajcunalla, alli tucuichigari. Chashna alli tucujpica, mana p'iñarishpa cancunamanta anchurishachu. Cai llajtapish mana chaquishca, shitashca pamba saquiringachu” ninmi.

JEREMÍAS 9:10

Urcucunapimi caparishpa huacasha. Chaquishca pambacunapipishmi huacagrisha. Cunanca chai michina pambacunataca, maijan purishpallapish mana ricurinca, huagracuna huacashcapish mana uyarinchu. Sacha animalcunapish, huairata purij pajarocunapishmari mancharishpa maitatajshi rishcacuna.

JEREMÍAS 9:11

Jerusalén pueblotaca rumi montonllatami saquisha. Judá llajtapi caj tucui caishuj pueblocunatapish chacal nishca animalcuna causanallatami rurasha. Shuj runallapish mana chaipi causangapaj saquiringachu.

JEREMÍAS 9:9

Chashna rurashcamantaca ¿manachu llaquichisha imatagari? Chashna millai runacunataca ¿manachu p'iñarishpa ñacachisha imatagari?” ninmi Mandaj Diosca.

JOEL 1:10

Chagracunaca llaquinayajmari. Tarpuna allpaca, chushaj yana allpallamari. Trigopish tucurishcamari, llullu vinopish chaquirishcamari, aceitepish chingarishcamari.

LEVÍTICO 26:32

Llajtatapish chushajllatami saquisha. Chaita ricushpami cancunata p'iñajcuna chai llajtapi causangapaj shamushcacunapish mancharinacungacuna.

ZACARÍAS 7:5

“Cai llajtapi causajcunatapish, curacunatapish cashna ni: Cancunaca canchis chunga huatacunataca, pichca quillapi, canchis quillapi ayunashca cashpapish, huacashca cashpapish mana ñucata yuyarishpatajchu chashna rurarcanguichij.

MALAQUÍAS 2:2

Tucuita Mandaj Diosca cashnami nin: “Ñuca mandashcata mana uyajpi, tucui shunguhuan ñucata jatunyachinguichij nishcata mana cazujpica, cancunataca llaquichishatajmi. Ñucata mana cazushcamantaca, cancunaman cushca ima allicunatapish quichushami. Cancunallataj imatapish mana tucui shunguhuan ñucapajta rurashcamantami, saruncunamanpish llaquichircani.

Romanos 8:22

Huachana nanaihuan huarmi aij nicuj shinami, Dios rurashca tucuicunaca shuj shinalla cunancama aij nicujta yachanchij.