JEREMÍAS 12:10 - Dios Rimashca Shimicunami

¹⁰ Achca michijcuna shamushpami, ñuca c'uyashca uva chagrataca saruchishpa tucuchincuna. Sumaj chagracunatamari tucui chingachishpa, shitashca pambata saquishcacuna.

JEREMÍAS 12:10 Iomraidhean Croise

ISAÍAS 3:14

Mandaj Diosca pai agllashcacunata cunaj yuyajcunata, jatun mandajcunata, ima shina paicuna rurashcata ricuchishpa llaquichingapajmari shamugrin. Cancunaca uva chagracunatamari millpurcanguichij. Huajchacunata quichushcacunapish, cancunapaj huasicunapimari tiyacun.

ISAÍAS 43:28

Chaimantami ñucapajlla ucupi mandajcunatapish yangata rurarcani. Jacobpaj huahua huahuacunataca llaqui tucushca cachunmi churarcani. Israelcunataca c'amishca asishca cachunmi saquircani” nircami.

ISAÍAS 63:18

Quiquin agllashca jucha illajcunaca asha huatacunallatami chaipi causarcanchij. Ñucanchijta p'iñajcunamari quiquinpaj huasita sarurcacuna.

JEREMÍAS 23:1

Mandaj Diosca cashnami nin: “Ñuca oveja canllata caita chaita cachashpa chingachij michijcunalla, ¡aij imachari tucunga!” ninmi.

JEREMÍAS 25:37

Mandaj Diosca jatunta p'iñarishpamari, michina sumaj pambacunataca tucui chingachinga.

JEREMÍAS 25:38

Shuj león paipaj jutcumanta llujshishca shinami rurarca. Paicunata p'iñajcuna shamushpami, tucui llajtata llaquichirca. Jatunta p'iñarishpami, tucuchirca ninmi nishpa huillai” nircami.

JEREMÍAS 25:9

Chaimanta cunanca tucui janaj lado llajtacunapi causaj ch'ican ch'ican aillucunatapish, Babilonia llajtata jatun mandaj ñucata servij Nabucodonosortapishmi caiman pushamugrini. Paitami cai llajtapi causajcunatapish, cai muyundij tucui llajtacunatapish llaquichishpa tucuchichun churagrini. Chashna huiñaipaj shitashcata saquishpami, chanzata rurashpa asinata rurasha. Ñuca Mandaj Diostajmi chashna nini.

JEREMÍAS 3:19

Ñucaca: ¿Ima shinataj cancunataca ñuca huahuacunata rurashpa, tucui llajtacunamanta yalli munananqui sumaj llajtata cushari? nishpami tapurcani. Shina nicushpapish ñucallatajmi: Ñucataca ñucanchij Yayitu nichijlla. Ñucamantaca amataj anchuringuichijchu nircani.

JEREMÍAS 39:3

Chashna t'unishpami, Babilonia llajtata jatun mandaj cachashca mandajcunaca, tucuicuna Jerusalenman yaicurcacuna. Chaimantaca chaupipi caj pungu pambapimi, carpa huasicunata shayachishpa tiyarircacuna. Chai mandajcunaca: Nergal-sarezer, Samgar-nebo, Rabsaris nishca Sarsequim, Rabmag nishca Nergal-sarezer shuti mandajcunapish, shujtaj mandajcunapishmi carcacuna.

JEREMÍAS 6:3

Paita llaquichingapajmari michijcunaca, paicunapaj ovejacunandij shamungacuna. Paicunaca paipaj muyundijpimi, carpa huasicunata shayachishpa tiyaringacuna. Tucuicunami maipi tiyarishcapi tucui michingacuna.

JEREMÍAS 9:10

Urcucunapimi caparishpa huacasha. Chaquishca pambacunapipishmi huacagrisha. Cunanca chai michina pambacunataca, maijan purishpallapish mana ricurinca, huagracuna huacashcapish mana uyarinchu. Sacha animalcunapish, huairata purij pajarocunapishmari mancharishpa maitatajshi rishcacuna.

EZEQUIEL 34:2

“Huañujlla aichayuj runalla, israelcunata michijcunata llaquichina cashcata huillai. Paicunataca cashna ningui: Mandaj Jatun Diosca cashnami nin: Israelcunata michijcunalla, cancunaca quiquinllatamari michiringuichij ¡aij imachari tucunguichij! Michijcunaca ovejacunataca cuidancunami.

EZEQUIEL 34:5

Paicunaca michij illashcamantami, musparishpa caita chaita purincuna. Sachapi causaj p'iña animalcuna japishpa micunallami puricuncuna, caita chaitami rishcacuna.

DANIEL 8:13

Chai q'uipaca jucha illaj shuj rimacujtami uyarcani. Caishuj jucha illajcunamanta shujca chai rimacujtaca: “Diosman punllanta animalcunata huañuchishpa cunata anchuchishcapish, Diosta adorana huasitapish, paipaj soldadocunatapish chai mandajpaj maquipi churashpa saruchishpa, cashna millai juchata rurachun saquishcaca ¿maicamataj cangari?” nishpami tapurca.

ZACARÍAS 7:14

Ashtahuanpish paicunataca, jatun acapanahuanmi llujshichishpa tucui llajtacunaman caita chaita cacharcani. Chaimantami paicuna causana llajtaca, llaquinayaj saquirirca. Pipish mana tigrashpa ricuipaj jatun llaquimi tucurca. Paicuna munashca allpaca, shitashcami saquirirca” ninmi.

Lucas 21:14

Paicunapaj ñaupajpica, imatataj nishun nishpa cancunapaj shungupica ama ñaupaman yuyaringuichijchu.

Apocalipsis 11:2

Diospaj huasi canllataca saquilla, ama midingui. Chaitaca, mana judiocunaman cushcami. Paicunami jucha illaj pueblotaca, chuscu chunga ishqui quillacunata llaquichishpa sarungacuna.