JEREMÍAS 12:1 - Dios Rimashca Shimicunami

¹ Mandaj Dioslla, canca ñuca imata nijpipish cashcata cutichinguillami. Shina cajpipish caitamari cantaca tapusha nipani: ¿Imamantataj canta mana cazujcuna cashpapish, alli causanllacunari? Canmanta anchurijcunapish sumajta causanllacunamari.

JEREMÍAS 12:1 Iomraidhean Croise

GÉNESIS 18:25

Cashcata rurajcunata Diosta mana rijsijcunahuan llaquichinaca canpica mana tiyanchu. Nunca mana chashna ruranguichu. Canca tucui cai pachapaj Juez cashcamanta imatapish cashcatatajmi rurangui– nircami.

ESDRAS 9:15

Mandaj Dios israelcunapaj Dioslla, quiquinca cashcata ruraj cashpami, cai ashacunallapish miticushpa cunancama causachun saquishcangui. Ñucanchijca yallitaj juchayuj cashcamanta cambaj ñaupajpi mana caipaj cashpapish, cambaj ñaupajpimi canchij” nishpami, Diosta mañarcani.

NEHEMÍAS 9:33

Quiquinca cashcata ruraj cashpami, ñucanchij ima shina cashca shinallataj ñucanchij jahuaman llaquicunata cachashcangui. Ashtahuanpish ñucanchijmari mana allita rurashcanchij. Quiquinca imata mana pandata rurashcanguichu.

JOB 12:6

Shuhuacunapaj huasicunapirajmi achca allicunapish tiyan. Taita Diosta p'iñachijcunarajmi, imata mana manchashpa causan. Paicuna mashnata charishcataca paicunapaj maquicunapimi churashca.

JOB 13:3

Ashtahuanpish ñucaca Tucuita Rurai Tucuj Dioshuanca rimaimanmi. Taita Dioshuanca yuyaita japinata munaimanmi.

JOB 24:12

Yaricaihuan huañucujcuna pueblomanta caparishpa huacacujpipish, huañunalla chugrishcacuna caparicujpipish, Taita Diosca paicuna mañashcataca manataj uyanchu.

JOB 24:23

Diosca imata mana manchashpa, paipi shunguta churana yuyaitami cun. Paipaj ñahuicunaca paicuna purishcatami chaparacun.

JOB 8:17

Paipaj sapicunapish yacu c'uchupi cashpaca, caita chaita ahuarishpa rinllami. Rumilla allpaman chayangacamami suniashpa huiñan.

SALMOS 116:5

Mandaj Diosca llaquijmi, cashcata rurajmi. Ñucanchij Taita Diosca llaquijtajmari.

SALMOS 119:137

Mandaj Dioslla, quiquinca cashcata rurajmi cangui. Quiquin mandashcacunapish ima mana pandamari.

SALMOS 119:75

Mandaj Dioslla, quiquin mandashcacunaca cashcata ruraj cashcataca yachanimi. Quiquinca chaitataj pajtachij cashca shinallatajmi llaquichircangui.

SALMOS 145:17

Mandaj Diospaj ñanca tucui imapipish cashcata rurajmi. Imata rurashpapish llaquij cashcahuanmi ruran.

SALMOS 37:1

Millaita rurajcunamantaca ama p'iñarichu. Millaita rurajcunapajtaca ama munaichu.

SALMOS 37:35

Diosta mana rijsijtaca yallitaj jatun tucushcatami ricurcani. Verdijlla laurel yura shina yallitaj caita chaita mirarijtami ricurcani.

SALMOS 51:4

Quiquintaca p'iñachishcanimari. Juchallishpaca p'iñachishcanimari. Quiquinpaj ñaupajpica millaitamari rurashcani. Chaimanta rimashpaca rimana cajllapitajmi rimashcangui. Manapish rimana cajpica mana rimashcanguichu.

SALMOS 51:6

Quiquinca mana llullatami yallitaj c'uyangui. Yachaj canataca pacallapimi yachachishcangui.

SALMOS 92:7

Diosta mana rijsijcunaca q'uihua shina yallitaj huiñashpapish huiñaipaj chingachishca canapajllami. Millaita tucui rurajcunaca mana jahualla sumajtami sisan. Ashtahuanpish huiñaipaj chingachishca canapajllamari.

PROVERBIOS 1:32

Upacunataca paicunapaj panda causaillatajmi huañuiman chayachin. Rumi shungucuna cushicushpa causashcaca, chingarinaman apanllami.

ECLESIASTÉS 8:14

Huaquinpica cai pachapica, imapish manapish cana tucunllami. Cashcata rurajcunamari, Diosta mana manchaj cashca shina llaquita apancuna. Diosta mana manchajcunarajmi, cashcata rurajcuna shina cushicushpa sumajta causancuna. Chaipish mana cana yangami ninimi.

ISAÍAS 41:21

Mandaj Diosca rurashcalla dioscunataca: “Cancuna imalla rurashcata ricuchichigari” ninmi. “Jacobpaj Jatun Mandajca cancuna imalla rurashca chashnataj cashcataca alli ricuchichigari” ninmi.

ISAÍAS 48:8

Cancunaca nunca manaraj uyarcanguichijchu, nunca manaraj yacharcanguichijchu. Cancunapaj rinrinca uyanapajca manaraj pascarishcachu carca. Canca imatapish manataj pajtachij cashpa, mana cazuj cajpimi mamapaj huijsamanta pacha cantaca: Caica mana cazujmi nishpa shutichircani.

JEREMÍAS 11:20

Tucuita Mandaj Dioslla, ashtahuanpish canca tucui runacunapaj shungu yuyaita callarishpa ricujmi cangui. Tucui imamantapish cashcata ricushpa mitsajmi cangui. Cunanca ñucata cashna llaquichishun nicushcataca, cambaj maquipimi mingarini. Ñucamanta paicunata can llaquichishcatamari ricusha nini.

JEREMÍAS 12:6

Cambaj yayapaj familiapura cambaj quiquin huauquicunallatajmari canta huañuchingapaj jatarishcacuna. Paicunamari canta japingapaj caparinacushpa catincuna. Paicuna sumajta rimajpipish, ama shunguta churanguichu.

JEREMÍAS 3:20

Ashtahuanpish can israelcunaca shuj mana c'uyaj huarmi paipaj cusata shitaj shinamari ñucataca mana cazushpa shitarcanguichij. Mandaj Diostajmi chashna nini.

JEREMÍAS 3:7

Ñucaca: Chai tucuita rurashca q'uipaca, ñucapajman tigrangami yuyarcanimi. Ashtahuanpish paica manataj ñucapajman tigrarcachu. Paipaj ñaña mana cazuj Judapish chaitaca ricurcami.

JEREMÍAS 32:16

Ñucaman c'atushcata ricuchij quillcata Barucman cushca q'uipami, Mandaj Diostaca cashna nishpa mañarcani:

JEREMÍAS 5:11

Israelcunapish, Judá runacunapish paicunapaj yuyaimantatajmi ñucataca mana cazurcacuna” ninmi Mandaj Diosca.

JEREMÍAS 9:2

Mana cashpaca shitashca pambapi ñanta purijcuna llandurina shinallatapish ñuca causanapaj maijan cujpica, ñuca llajtapi causajcunata saquishpa chaimanchari riman. Chaipitajca paicunamanta ch'icanyaimanmi. Paicunaca tucuicuna huainayajcuna, mana cazujcunamari.

LAMENTACIONES 1:18

Mandaj Diosca cashcata rurajmi, ñucamari pai mandashcataca mana cazurcani. Tucui cai pachapi causajcuna, uyaichigari. Cunanca ñuca cashna jatun llaquihuan cajta ricuichigari. Ñuca huahuacunataca mosocunatapish, solteracunatapishmari prezu aparcacuna.

EZEQUIEL 18:25

Ashtahuanpish cancunaca: Mandaj Diosca ima allita mana ruranchu ninguichijmi. Israelcuna, caita alli uyaichij. ¿Ñucachu mana allita rurani imatagari? Cancuna rurashca mana alli cashcataca ¿manachu yachanguichij?

DANIEL 9:14

Chaimi Mandaj Diosca llaquichina yuyailla tucushpa, cai llaquicunataca ñucanchij jahuaman cachashca. Ñucanchijta Mandaj Taita Dios rurashcacunaca tucui imapish chashna rurana cajpitaj rurashcami. Ñucanchijmari pai rimashcataca mana cazushcanchij.

DANIEL 9:7

Jatun Dios, quiquinca cashcatami rurashcangui. Ashtahuanpish ñucanchijca quiquinpaj ñaupajpica ima ñahui mana ricuripajmi tucushcanchij. Cunan punllaca judacuna cashpapish, Jerusalenpi causajcuna cashpapish tucui israelcunami urata, janajta maitapish cachashca c'uchullapi cashpa carupi cashpa causacunchij. Quiquinta mana cazushcamantami chashna causacunchij.

OSEAS 6:7

Ashtahuanpish paicunaca, Adán shinallatajmi ari ninacushcata p'aquirca. Chashna juchallishpami ñucata llaquichirca.

HABACUC 1:4

Shinallataj mandashcapish mana allichu, imallata rurashcata ricujpipish mana chai shinallataj alli llujshinchu. Ashtahuanpish Diosta mana manchaj runaca, cashcata ruraj runataca llaquichinllami. Chashnami cashcata ruranataca manataj rurancuna.

SOFONÍAS 3:5

Mandaj Diosca, paicunapaj chaupipica cashcata rurajmi. Paica, ima millaitaca mana rurangachu. Paica cashcata ruranataca, achijman llujshichishpami ricuchinga. Cashcata ruranataca manataj cungaringachu. Ashtahuanpish millai runaca, pingai tucushcataca mana rijsirinchu.

MALAQUÍAS 2:17

Cancunaca rimacushpallami, Mandaj Diostaca shaicuchishcanguichij. Chaimantaca: “¿Ima shinataj paitaca shaicuchishcanchigari?” ninguichijmi. “Maijanpish mana allita rurashpami, Mandaj Diostaca cushichin, paipish paicunamantami cushicun. Mana cashpaca, ¿cashcata ruraj Diosca maipitagari?” nishpami shaicuchinguichij.

MALAQUÍAS 3:15

Chaimanta cunanca ñucanchijca cashnami ninchij: Jatun tucushpa causajcunarajmi cushijlla causancuna, millaita rurajcunaca mana paicunallataj imayuj tucuncunachu. Ashtahuanpish Diosta umashpami, ima llaquimantapish quishpirincuna ninguichijmi” ninmi.

DEUTERONOMIO 32:4

Paica ñucanchij miticuna jatun Rumimari. Pai rurashcacunapica ima panda mana tiyanchu. Paipaj ñancunapish ima mana pandachu. Paica mana llullaj Taita Diosmi. Paipica ima millai mana tiyanchu. Paica cashcata rurajmi, imata mana pandajmi.