JEREMÍAS 11:9 - Dios Rimashca Shimicunami

⁹ Mandaj Diosca ñucamanca cashnapishmi nirca: “Judá llajtapi, Jerusalén pueblopi causajcunaca ñucatamari c'ariyangapaj jatarincuna.

JEREMÍAS 11:9 Iomraidhean Croise

JEREMÍAS 5:31

Huillajcunapish, llullashpallami huillancuna. Curacunapish, paicuna munashca shinami yachachincuna. Ñuca agllashcacunapish chaitamari munancuna. Chashna cashcamantaca, llaqui chayamui punllaca ¿imatataj ruranguichigari?” ninmi.

JEREMÍAS 6:13

Cunanca ashtahuan uchillacunamanta callarishpa, ashtahuan jatuncunacama tucuicunami jahuanpi jahuanpi charijyanallata yuyancuna. Ñucamanta huillajcunamanta callarishpa, curacunacama tucuicuna umajcunami.

JEREMÍAS 8:10

Paicunapaj huarmicunatapish, chagracunatapish cai llajtata quichunaman shamujcunamanmi cugrini. Jatuncunamanta callarishpaca, ashtahuan uchillacunacamami jahuanpi jahuanpi charinallata yuyancuna. Ñucamanta huillajcunamanta callarishpa, curacunacama tucuicuna umajcunami.

OSEAS 6:9

Siquemman rina ñanpi shuhuacuna tandanacushca chapashpa maijanta huañuchij shinami, tandanacushca curacunapish huañuchincuna. Chashna rurashpami paicunaca yallitaj millananata rurancuna.

MIQUEAS 3:11

Paicunata mandajcunaca camarita japishpallami, millaita rurajcunataca mana imata nincuna. Curacunapish cullquiraicullami imatapish yachachincuna. Dios ima nishcata huillajcunapish cullquiraicullami huillancuna. Chai jahuamari paicunaca: “Mandaj Diosca ñucanchijhuanmari. Ima llaquipish mana tiyangachu” nishpa, Mandaj Diospi shunguta churancuna.

Mateo 26:15

“Jesusta huañuchichun ñuca entregajpica ¿imatataj cusha ninguichij?” nijpi paicunaca, quimsa chunga cullquitami cushun nishpa curcacuna.

Juan 11:53

Chai punllamantami, Jesustaca huañuchinatajmi nishpa yuyarinacurcacuna.