JEREMÍAS 11:16 - Dios Rimashca Shimicunami

¹⁶ Mandaj Dios ñucaca sarun huatacunaca cantaca: “Sumaj granocunata aparishca, p'angasapa jatun olivo yura nijmi carcani. Ashtahuanpish cunanca sinchita culun nishcahuan ninata japichishpami tucui p'angacunata rupachishpa, tucui ramacunata p'aquigrini.

JEREMÍAS 11:16 Iomraidhean Croise

JOB 8:16

Millaita rurajca, intipi mana chaquirij verdijlla yura shinami. Paipaj ramacunapish tucui huertata tapacuj yallitaj jatunmi.

SALMOS 52:8

Ashtahuanpish ñucaca Taita Diospaj huasipica, verdijlla olivo shinamari cani. Taita Dios c'uyaj cashcapimi huiñaimanta huiñaicama shunguta churasha.

SALMOS 80:16

Ninahuan rupachishpa ñutuchishcamari siricun. Chashna rurajcunataca sinchita rimashpa chingachihuayari.

SALMOS 80:17

Quiquinpaj alli ladopi caj runapaj jahuapi quiquinpaj maqui cashca cachun. Quiquinpajlla cachun rurashca runapaj jahuapi quiquinpaj maqui cashca cachun.

SALMOS 83:2

Quiquinta p'iñajcunaca mana jahuallatamari capariricuncuna. Quiquinta mana ricunachijcunaca uma alzashcacunamari.

ISAÍAS 27:11

Chai yura ramacuna chaquijpica, p'aquishcami canga. Huarmicuna shamushpami ninata japichingacuna. Cai Israelcunaca mana yuyaita charijcunami. Chaimanta paicunata rurajca mana llaquingachu. Paicunata rurajca manataj llaquingachu.

JEREMÍAS 2:21

Ñucaca cancunataca alli uva muyumanta huiñashca yuracunatamari tarpurcani. Ima sacha yurahuan chagruta mana tarpurcanichu. ¿Imamantataj sacha uva shina tucurcanguichigari?

JEREMÍAS 21:14

Ñucamari cancuna millaita rurashcamanta llaquichina shinataj llaquichigrini. Ñucamari paipaj jatun sachacunataca tucui rupachichisha. Tucui muyundijpi ima tiyajcunatapishmi rupachichisha ninmi Mandaj Diosca ningui” nircami.

JEREMÍAS 7:20

Chashna cashcamantaca, Mandaj Diosca cashnapishmi nin: “Cunantajca jatunta p'iñarishpami, cai llajtapica jatun llaquita talligrini. Runacunapaj jahuapi, animalcunapaj jahuapi, yuracuna jahuapi, grano chagracuna jahuapimi mana huañuj lunyacuj ninata shina shitagrini” ninmi.

OSEAS 14:6

Paicunapaj ramacunaca yallitajmi suniyanga. Olivo shina sumajmi canga. Líbano urcu shina mishquiman ashnacujmi canga.

Mateo 3:10

Ashtahuancarin hachatamari ña yuracuna sapipi churashca. Mana p'ucuj yuracunataca tucuitami p'itishpa ninapi shitanga.

Juan 15:6

Mana p'ucuj ramataca p'itishpa canllaman shitajpi, chaquirijpica tandachishpa rupachinmi. Maijanpish ñucapi cashpapish ñucahuan mana shuj shinalla cajtaca, chai ramata shinallatajmi rurashca canga.

DEUTERONOMIO 28:40

Tucui cancunapaj allpacunapimi olivos yuracunata charinguichij. Ashtahuanpish olivos grano tucui urmajpimi cancuna llihuiringapajca ima aceiteta mana charinguichij.

Apocalipsis 11:4

Chai huillajcunaca, cai pachata mandaj Diospaj ñaupajpi shayacuj ishqui olivocuna, ishqui candelerocunapishmi.