JEREMÍAS 11:11 - Dios Rimashca Shimicunami

¹¹ Chaimantami pai Mandaj Diostaj cashnapish nin: “Cunanca paicunapajca mana llujshi tucuipaj jatun llaquitami apamugrini. Chai llaquita apacushpa ñucata mañajpipish, manataj uyashachu.

JEREMÍAS 11:11 Iomraidhean Croise

2 REYES 22:16

Mandaj Diosca cashnami nin: Judá llajtata jatun mandaj chai libropi rezajpi llaquicuna tiyanata ricushca shinallatajmi cai llajtamanpish, chaipi tucui causajcunapajpish jatun llaquita apamugrini.

2 CRÓNICAS 34:24

Judá llajtata jatun mandaj chai libropi rezajpi llaquicuna tiyanata ricushca shinallatajmi cai llajtamanpish, chaipi tucui causajcunapajpish jatun llaquita apamugrini.

JOB 35:13

Yanga shimicunallataca, Diosca manataj uyangachu. Tucuita Rurai Tucuj Diosca mana ricungallapishchu.

SALMOS 18:41

Paicuna caparicujpipish pi quishpichij mana tiyarcachu. Mandaj Diosta caparijpipish mana uyarcachu.

SALMOS 66:18

Ñuca shungupi millaita huaquichij cajpica, Jatun Diosca mana uyanmanchu carca.

PROVERBIOS 1:28

Chashna tucushpaca ñucata cayangacunami, ashtahuanpish ñucaca manataj cutichishachu. Utcata jatarishpa mashcashpapish, ñucataca manataj japingacunachu.

PROVERBIOS 29:1

Jarcacushca jahua mana cazuj runaca, ñapish chingaringallami. Paipajca ima jambi mana tiyangachu.

ISAÍAS 1:15

Cancunapaj maquicunaca yahuarhuan jundamari. Chashna cashca cashpa ñucaman maquicunata chutajpipish ñuca ñahuitaca shujmanmi churani. Cancuna achcata mañacujpipish, manataj uyanichu.

ISAÍAS 24:17

¡Cai pachapi causajcuna mancharinami, jutcumi, linchimi cancunapajca ña chapacun!

JEREMÍAS 11:14

Chashna cashcamantaca, canca ama paicunamanta ñucata mañanguichu, ama ñucata caparinguichu. Ñucaca llaquipi cashpa, paicunataj mañajpipish mana uyashachu.

JEREMÍAS 11:17

Canta tarpuj, tucuita Mandaj Diostajmari cantaca llaquichishami nini. Israelcunapish, can Judá runacunapish Baalman inciensota cushpa rupachishpa, millaita rurashpa ñucata p'iñachishcamantami chashna ruragrini” nircami.

JEREMÍAS 14:12

Paicuna mana micushpa ñucata mañajpipish, manataj uyashachu. Animalcunata huañuchishpa tucui rupachijpipish, imata cujpipish manataj chasquishachu. Ashtahuanpish espadahuan, yaricaihuan, jatun ungüihuanmi tucuchisha” nircami.

JEREMÍAS 14:2

“Judá runacunaca, tucuicunami llaquirishpa huacacuncuna. Pueblo pungucunatapish, pi mana llujshishpa yaicushpa ricurinchu. Jerusalenpi causajcunaca llaquirishpa pambapi tiyarishpami, caparirishpa huacancuna.

JEREMÍAS 15:2

¿Maimantaj rishunri? nijpica, cashna ningui: Mandaj Diosca cashnami nin: Ungüihuan huañuna tiyacujcunaca, ungüihuan huañugrichijlla. Espadapi huañuna tiyacujcunaca, espadapi huañugrichijlla. Yaricaihuan huañuna tiyacujcunaca, yaricaihuan huañugrichijlla. Prezu apana tiyacujcunaca, prezu richijlla ninmi ningui” nircami.

JEREMÍAS 18:11

Chashna cashcamantaca cunanca tucui Judá runacunatapish, Jerusalenpi causajcunatapish cashna ni: Mandaj Diosca cashnami nin: Ñucaca cancunata llaquichinatamari yuyarircani. Ñamari alli yuyarishcata charicuni. Ama chaita rurachunca, tucuicuna millai causaita saquishpa cutirichigari. Allita rurai callarichigari ninmi nigri” nircami.

JEREMÍAS 19:15

“Tucuita Mandaj, can israelcunapaj Diosca cashnami nin: Ñucaca cai pueblopajpish, tucui caishuj pueblocunapajpish jatun llaquitami apamusha nircanimi. Ñami chai llaquitaca apamugrini. Chai pueblocunapi causajcuna rumi shungu tucushpa, ñuca imata rimajpipish manataj uyashcamantami, chashna llaquichigrini ninmi” nircami.

JEREMÍAS 19:3

Cashna ningui: Judá llajtata jatun mandajcunapish, Jerusalenpi causajcunapish Mandaj Dios rimashcata uyaichigari. Tucuita Mandaj, can israelcunapaj Diosca cashnami nin: Cai llajtamanca jatun llaquitami cachagrini. Chai llaquita uyajcunaca, rinrinta nanachingacunami.

JEREMÍAS 23:12

Chaipica paicunapajca, jatun lluchca ñanta amsa tutapi puricushca shinami canga. Chashna lluchcapi cajpitaj, t'angashpa shitajpi shinami llaquipi urmangacuna.

JEREMÍAS 25:35

Chai punllaca shuj michijllapish mana miticui tucungachu. Oveja canllacunata pushajcunaca pi mana quishpiri tucungachu.

JEREMÍAS 35:17

Cancuna chashna cashcamantaca tucuita Mandaj, israelcunapaj Diosca cashnami nin: “Ñuca rimashcataca cai Judá llajtapi causajcunapish, Jerusalenpi causajcunapish manataj uyancunachu, cayajpipish manataj cutichincunachu. Chaimanta paicunapajca, ñuca imalla llaquicunata apamusha nishcatami apamugrini” ninmi.

JEREMÍAS 36:31

Millaita rurashpa causashcamantaca paitapish, paipaj huahuacunatapish, paita servij mandajcunatapishmi llaquichisha. Ñucaca jatun llaquicunatami cachagrini nishpami huillarcani. Shina nijpipish, cancunaca manataj cazurcanguichijchu. Chashna cashcamantaca ñuca huillashca chai tucui llaquicunatami cancunapaj jahuapipish, Jerusalenpi causajcunapaj jahuapipish, tucui Judá runacunapaj jahuapipish cachagrini ninmi ningui” nircami.

JEREMÍAS 6:19

Tucui cai pachapi causajcunapish uyaichij: Cai runacunapajca jatun llaquitami apamugrini. Paicunallataj ñuca rimashcata mana uyashun nishpa, ñuca mandashcacunata p'iñashpa millaita rurashcamantami, paicuna japina cashcata cugrini.

LAMENTACIONES 2:22

Mandaj Dioslla, tucui ladomanta llaquichijcunata pushamushpamari, ñucataca jatun manchaipi churahuarcangui. Chaicunataca ima jatun tandanacuiman shinamari tandachimurcangui. Can jatunta p'iñari punllapica, ñuca cuidashpa huiñachishca huahuacunaca pi mana quishpiri tucurcachu, pi mana causaihuan saquirircachu. Ñucata p'iñajcunaca tucuicunatamari huañuchirca.

EZEQUIEL 14:3

“Huañujlla aichayuj runa, cai runacunaca rurashcalla dioscunatami paicunapaj shungupica charicuncuna. Paicunaca millaita rurachichijcunapimari, paicunapaj ñahuitapish churashcacuna. Chashna rurajcunataca ¿maitataj ñucata tapunaman shamuchunca saquishari?

EZEQUIEL 7:5

Mandaj Jatun Diostajmi cashna nini: Riqui, jatun llaquimari chayamugrin, jatun llaquimari chayamugrin.

EZEQUIEL 8:18

Ñucapish jatunta p'iñarishpatajmi paicunataca llaquichisha, manataj perdonashachu, manataj llaquishachu. Paicunaca ñuca uyachun nishpaca caparingacunami. Chashna cajpipish, manataj uyashachu” nircami.

AMÓS 5:19

Chai llaqui punllapica, leonta miticunaman callpacushpapish, osohuanmi tupanga. Huasipi miticugrishpaca, pata quinripi huancarijpica, culebrami ñapish caninga.

MIQUEAS 3:4

Chashna yallitaj millaita rurashpa causashcamantaca, cancuna llaquipi cashpa Mandaj Diosta caparicujpipish, paica manataj cutichingachu. Ashtahuanpish chai llaqui punllapica, paipaj ñahuitaca shujtajmanmi churanga.

ZACARÍAS 7:13

Tucuita Mandajca cashnami nin: “Ima shinami paicunapish ñuca rimashcacunata mana uyarcacuna, chashnallatajmi paicuna mañashcatapish mana uyarcani.

1 Tesalonicenses 5:3

Tucuicuna: “Allitaj, sumajtami causacunchij” ninacucujpica, chichu huarmita nanai japij shinami paicunapajmanca, jatunta llaquichinaca ñapish shamunga. Chaimantaca manataj miticungacunachu.

Hebreos 1:3

Diosca achij nicuj sumaj cashcata, pai ima shina cashcatapish paipaj Churimi ricuchicun. Paipaj poderyuj rimaihuanmi, tucui ima tiyajtapish charicun. Paillapitaj ñucanchij juchacunata chuyayachishpami, jahua pachapi Jatun Mandajpaj alli ladopi tiyarirca.