JEREMÍAS 10:7 - Dios Rimashca Shimicunami

⁷ Tucui llajtacunata Jatun Mandajlla, ¿cantaca pitaj mana manchangari? Tucui cai pacha llajtacunapi causaj jatun yachajcunapurapipish, tucui jatun mandajcunapurapipish can shina jatunca mana tiyanchu.

JEREMÍAS 10:7 Iomraidhean Croise

2 REYES 17:39

Ashtahuanpish Mandaj cancunapaj Diosllata manchanguichij. Paimi cancunata p'iñajcunapaj maquimantaca cacharichinga” nircami.

1 CRÓNICAS 16:25

Mandaj Diosca jatunmari, alabashca cana Diosmari. Shujtaj dioscuna shinaca mana canchu. Paica manchanataj Diosmari.

ESTER 1:13

Chashna p'iñarishpaca, mandashcapi nishca shina imata ruraipaj cashcata yachajcunatami tapurca. Jatun mandajca imata cashpapish, mandashcacunata alli yachajcunata paicunata tapuj cashcamantami chashna tapurca.

SALMOS 147:5

Ñucanchij jatun Diosca jatunmi. Pai tucuita rurai tucuj cashcaca yallitaj jatunmi. Pai yachaj cashcaca manataj tucurijmi.

SALMOS 22:28

Mandanaca Mandaj Diospajmi. Paimi tucui llajtacunata mandanga.

SALMOS 47:3

Paimi gentecunataca ñucanchij ucupi churanga. Llajtacunataca ñucanchij chaqui ucupimi churanga.

SALMOS 72:11

Tucui jatun mandajcunami paipaj ñaupajpi cumuringacuna. Tucui llajtacunami paipajta rurangacuna.

SALMOS 76:7

Quiquinca manchana Diosmari cangui. Nina sindirij shina quiquin p'iñarijpica ¿pitaj quiquinpaj ñaupajpi shayari tucungari?

SALMOS 86:8

Jatun Dios, dioscunapaj chaupipica quiquin shinaca pi mana tiyanchu. Quiquinpaj rurashcacunahuanca pi rurashcacunataj igualangari.

SALMOS 86:9

Jatun Dios, quiquin rurashca tucui llajtacunami quiquinpaj ñaupajman shamushpa adorangacuna. Quiquinpaj shutitami sumajyachingacuna.

SALMOS 89:6

Jahua pachapipish quiquin Mandaj Dioshuan ch'imbapuraipajca, pi mana tiyanchu. Diospaj churipuracunapica quiquin Mandaj Dioshuan ch'imbapuraipajca ¿pitaj tiyangari?

ÉXODO 8:10

Shina nijpi faraonca: –Cayataj mañapangui– nijpimi, Moisesca: –Ñucanchij Mandaj Dios shinaca, pi shujtaj mana tiyashcata can yachachunca can nishca punllapitajmi ruranga.

ÉXODO 9:14

Ñuca tucui llaquichinacunatami cambaj shungutapish, cambajta rurajcunapaj, can mandacun gentecunapaj shungutapish nanachichun cachasha. Tucui cai pachapi ñuca shinaca pi shujtaj mana tiyashcata can yachachunmi cachasha.

ISAÍAS 2:4

Llajtacunataca Mandaj Diosmi mandanga. Achca llajtacunatami rimashpa cazuchinga. Paicunapaj espadacunaca yapuna rejami tucunga. Paicunapaj lanzacunaca hocesmi tucunga. Caishuj llajtapi causajcunahuan, chaishuj llajtapi causajcunahuan macanacuica ña mana tiyangachu. Macanacuipaj yachachinapish, ña mana tiyangachu.

JEREMÍAS 10:6

Mandaj Dioslla, can shina tucuita rurai tucujca, pi shujtaj mana tiyanchu. Canca jatun Diosmari cangui.

JEREMÍAS 5:22

Mandaj Diosca cashnami nin: Ñucataca manamari manchanguichijchu, manamari ñuca ñaupajpica chujchunguichijchu. Ñucamari mama cucha maicama canatapish churarcani. T'iyullatamari huiñaita yacu muyundijta tiyachun churarcani. Shina cajpipish, ñuca mandashcamantaca mana pasanchu. Jatun huairahuan yacu huajiashpa jatarishpapish, mana maitapish rinllachu. Mana chai t'iyumanta pasanchu.

DANIEL 2:27

Shina nijpimi, Danielca jatun mandajtaca cashna nirca: –Jatun mandaj can tapushcaca pi mana huillai tucuipajmi. Chaimi jatun yachajcunapish, luzerocunamanta yachajcunapish, brujocunapish, adivinocunapish can jatun mandajmanca mana huillai tucuncuna.

DANIEL 2:28

Shina cajpipish pi mana yachai tucuipajcunata ricuchij Taita Diosmi jahua pachapi tiyan. Paimari can jatun mandaj Nabucodonosormanca, q'uipa punllacuna imalla tucunata ricuchishca. Jatun mandaj cambaj camapi cashpa can muscushpa, muscuipi shina imallata ricushcaca caimi:

HABACUC 3:2

Mandaj Dioslla, cambaj shimicunata uyashpaca mancharircanimi. Mandaj Dioslla, ñaupa huatacunapi can imalla rurashcata ricuchihuayari. Ñaupa huatacunapi rurashcacunata rijsichihuayari. Can p'iñarishca cashpapish, ñucata llaquinataca yuyaripangui.

ZACARÍAS 2:11

Chai punllapica, Mandaj Dios ñucapajmanca, achca llajtacunamantami tandanacumungacuna. Chaimantaca ñucapajllami tucungacuna, ñucapish paicunahuanmi causasha” ninmi. Chashna rurashcata ricushpami, tucuita Mandaj Diosllataj ñucata cancunapajman cachashcataca yachanguichij.

MALAQUÍAS 1:11

Ñucaca inti llujshinpi tiyaj llajtacunamantaca, inti huashicunpi tiyaj llajtacunapi causajcunacama rijsishcami cani. Chaimantami tucuipi ñucamanca inciensotapish, imalla cuna cashcatapish mapa illajllata cuncuna. Chaimanta ñucaca tucui llajtacunapi rijsishcami cani. Tucuita Mandaj Diostajmi chashna nini.

Lucas 12:5

Pita manchana cashcata yachachisha: Cancunaca causaita quichushpa ucu pachaman cachai tucuj Taita Diosta manchaichij. Paitatajca manchanami canguichij.

1 Corintios 8:6

Shina cajpipish ñucanchijpajca, shujlla Taita Diosmi tiyan. Pai Yayamantami tucui imapish shamun, ñucanchijpish paipajmi tiyanchij. Mandaj Jesucristopish shujllami. Paihuanmi tucui ima tiyajtapish rurarca, paimantami ñucanchijpish tiyanchij.

JOSUÉ 4:24

Cai tucuita yachashpaca, tucui cai pachapi causajcunami Mandaj Diosca tucuita rurai tucuj cashcata yachangacuna. Shinallataj cancunapish cancunata Mandaj Diostaca, cancunapaj tucui causaipi manchashpa causachunmi chashna rurarca” nircami.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 15:4

Jatun Dioslla ¿pitaj cantaca mana manchangari? ¿Pitaj Cambaj shutitaca mana jatunyachingari? Canllamari jucha illaj cangui. Cantaca ima shina rurashca shinataj ricuchij cajtami ricushcacuna. Chaimantami tucui llajtacunamanta shamushpa adorangacuna” nircami.