JEREMÍAS 10:5 - Dios Rimashca Shimicunami

⁵ Maipi churajpipish palmera yura shayacuj shina, upalla shayacunllami. Mana purij cajpimi, maimanpish aparishpa apancuna. Chaicunataca ama manchaichijchu. Chaicunaca ima llaquitapish, ima allitapish mana rurai tucunchu” ninmi.

JEREMÍAS 10:5 Iomraidhean Croise

1 REYES 18:26

Chaimi paicunaca Baalman cushca huagrata japishpa allichishpa altar jahuapi churashpa Baalpaj shutipi mañashpaca: “¡Baal ñucanchij mañashcata uyahuai!” nishpa, tutamantamanta chaupi punllacama mañarcacuna. Ashtahuanpish ima rimashca mana uyarircachu, pi imata mana cutichircachu. Paicuna rurashca altar muyundijtami caparishpa saltashpa puricurcallacuna.

2 CRÓNICAS 25:15

Chaimi Mandaj Diosca nina sindirij shina p'iñarishpa, profetataca, Amasiasta cashna nichun cacharca: –¿Ima nishpataj canca chai llajtapi causajcunapaj dioscunataca mañangui? Chai dioscunaca paicunataca cambaj maquimantapish mana quishpichi tucurcacunachu– nircami.

ISAÍAS 16:12

Moabitacuna ricurishpaca lomacunapi tiyaj altarcunapica shaicujtami mañangacuna. Paicunapaj dioscunapaj huasicunaman chayashpapish shaicujtami mañangacuna. Paicuna mañashcaca yangallami canga.

ISAÍAS 45:20

¡Tandanacuichigari, shamuichigari! Llajtacunapi mana huañushpa saquirijcuna tucuicuna c'uchuyamuichij. Caspi dioscunata apashpa purijcuna, manapish dioscunata quishpichihuai nishpa rogajcunaca imata mana yachajcunami.

ISAÍAS 46:1

Bel nishca diosca, uri singamari urmashca. Nebo diosca pambapimari urmashca. Chai dioscunaman rijchajta rurashcacunatapish animalcunamanmi apachishpa apancuna. Aparij animalcunamanmi apachishpa apancuna. Cancuna apashpa purinalla dioscunataca aparij animalcunami shaicuita aparishca rincuna.

ISAÍAS 46:7

Rigra jahuapi aparishpa rishpaca, paita maipi churanapimi churancuna. Chaipica maiman mana cuyurishpa tiyacunllami. Caparijpipish imata mana cutichinchu. Llaquimantapish, mana quishpichinchu.

JEREMÍAS 10:14

Chaita ricushpaca tucui runacunami: “Imata mana yachaj, upami canchij” nishpa yuyarincuna. Diosta rurajcunapish cullquita yacuyachishpa diosta rurashcamantaca, pingai tucunmi. Pai rurashca diosca yangallamari. Causaillatapish mana charincunachu.

HABACUC 2:19

Caspi diosta: “Rijchari” nijcunalla, mana rimaj rumi diosta: “Puriyari” nijcunalla, ¡aij imachari tucungacuna! ¿Paicunaca cancunamanca imata yachachi tucungachu? Riquichij, chai dioscunaca curihuan cullquihuan jahuataca sumajta churashcallami. Paicunaca samaitaca mana charincunachu.

1 Corintios 12:2

Diosta manaraj rijsijcuna cashpa, ima shina cashcataca yachanguichijmi. Cancunaca rurashcalla, upa dioscunapajman apajpimi chingarishca carcanguichij.

1 Corintios 8:4

Rurashcalla dioscunaman rupachinapaj cushca micuicunamantaca caitami yachanchij. Rurashcalla diosca cai pachapica, ima mana canchu. Shujlla Diosmi tiyan.

DEUTERONOMIO 4:28

Chai llajtacunapimi cancunaca caspimanta, rumimanta runacuna rurashca mana ricuj, mana uyaj, mana micuj, mana mutquij dioscunapajta ruranguichij.