JEREMÍAS 10:4 - Dios Rimashca Shimicunami

⁴ Chai q'uipaca cullquihuan, curihuan jahuata churashpami, ama cuyurichun clavohuan martillohuan alli shayachincuna.

JEREMÍAS 10:4 Iomraidhean Croise

SALMOS 115:4

Paicunapaj dios nishcacunaca cullquihuan, curihuan rurashcallacunamari. Runacunapaj maquihuan rurashcallamari.

SALMOS 135:15

Llajtacunapaj dioscunaca cullquimanta, curimanta rurashcallami. Runacunapaj maquicunahuan rurashcallacunami.

ISAÍAS 44:12

Herreroca fierrota ninapi rupachishpa tenazahuan japishpa martillohuan tacashpami allichin. Chaitaca paipaj maquihuan tucui fuerzahuanmi ruran. Chai q'uipaca yaricachishpa fuerza illajmi tucun. Yacuta mana ubyashpaca shaicushpa tontiarinllami.

ISAÍAS 46:6

Curitaca muchilamantami llujshichincuna. Cullquitaca balanzacunapimi pezancuna. Chaicunahuanca cungurishpa adorangapajmi cullquimanta imatapish rurajman shuj diosta rurachin.

ISAÍAS 46:7

Rigra jahuapi aparishpa rishpaca, paita maipi churanapimi churancuna. Chaipica maiman mana cuyurishpa tiyacunllami. Caparijpipish imata mana cutichinchu. Llaquimantapish, mana quishpichinchu.

OSEAS 13:2

Paicunaca ashtahuan ashtahuan chai juchallatataj cunancama rurashpa catishpami, cullquita yacuyachishpa imamanpish rijchaj dioscunata rurancuna. Quiquin yuyaimantami imamanpish rijchaj dioscunata rurancuna. ¡Tucui chaicunaca imatapish ruranata yachaj rurashcallami! Chashna rurashpaca chai dioscunaman animalcunata huañuchishpa cujcunataca chai bizicunata muchaichij nircacunami.

HABACUC 2:19

Caspi diosta: “Rijchari” nijcunalla, mana rimaj rumi diosta: “Puriyari” nijcunalla, ¡aij imachari tucungacuna! ¿Paicunaca cancunamanca imata yachachi tucungachu? Riquichij, chai dioscunaca curihuan cullquihuan jahuataca sumajta churashcallami. Paicunaca samaitaca mana charincunachu.