JEREMÍAS 10:18 - Dios Rimashca Shimicunami

¹⁸ Mandaj Diostajmi cashna nin: Cunanca cai llajtapi causajcunataca, huaracahuanmi caruta shitagrini. Chaipi ñacachijpitajca nanachingacunami– ninmi.

JEREMÍAS 10:18 Iomraidhean Croise

ISAÍAS 22:17

Cunanca cantaca Mandaj Diosca shujtajmanmi apagrin. Llaquinayajtami prezu cachagrin. Cantaca cumurichingami.

JEREMÍAS 16:13

Chaimantami cancunataca cai llajtamanta llujshichishpa, cancunapish cancunapaj ñaupa yayacunapish mana rijsishca llajtaman cachagrini. Ñuca cancunata llaquinataca ama yuyaichijchu. Chai llajtapica tutapish, punllapish shujtaj dioscunata servishpa causacunguichijlla ninmi ningui” nircami.

JEREMÍAS 22:26

Chaicunahuanmi cantapish, canta huachaj mamatapish cancuna mana huacharishca shujtaj llajtaman prezu apachisha. Chai llajtapimi huañunguichij.

JEREMÍAS 23:20

Mandaj Diosca jatunta p'iñarishca cashpami, chashna ruragrin. Chaita rurangacama paica manataj alli tucungachu. Pai imata ruranata yuyarishcataca pajtachingatajmi. Q'uipa punllacunaca pai tucui chaicunata rurajpimi, cancunaca pai imallata rurana cashcataca tucuita yachanguichij.

EZEQUIEL 6:10

Cai llaquicunataca, mana yangamantachu cacharcani. Chashna llaquichijta ricushpami ñucataca, Mandaj Diostaj cashcata yachangacuna ninmi ni” nircami.

SOFONÍAS 1:17

“Mandaj Dios ñucata, p'iñachishpa millaita ruraj runacunataca jatuntami llaquichisha. Chaimantami paicunaca ñahui mana ricuj shina musparishpa puringacuna. Paicunapaj yahuarpish allpa shinami jicharinga. Paicunapaj aichapish mapa shinami shitaringa” ninmi.

ZACARÍAS 1:6

Ashtahuanpish cancunapaj yayacunamanca ñuca shimicunatapish, ñuca mandashcacunatapish ñuca ima nishcata huillaj runacunatami huillachun mandarcani. Ñuca mandashcacunaca, paicunapajmanmi chayarca. Chaimantami ñucapajman cutirircacuna. Paicunaca cashnapishmi nircacuna: Mandaj Diosca, ñucanchijtaca mana alli ñancunapi puricushcamantapish, millaita rurashcamantapishmi, chashna llaquichinataca yuyarirca. Pai rurasha nishca shinallatajmari ñucanchijtaca llaquichin nircacunami nishpa huillai” nircami.

DEUTERONOMIO 28:52

Paicunami cancunapaj tucui pueblocunataca muyunchinga. Cancuna shunguta churana jatun pircacunatapishmi urmachingacuna. Mandaj Dios cancunapaj Taita Dios cancunaman cushca tucui pueblocunatami tucui llajtacunapi muyunchingacuna.

1 SAMUEL 25:29

Maijan canta catirashpa llaquichingapaj jatarishpa huañuchinata yuyacujpipish, ñuca amo cantaca Mandaj Diospaj ñaupajpi causajcunahuan tandachishpami tucui cambaj causaipi cuidanga. Canta p'iñajcunapaj causaitaca rumita huaracapi churashpa shitaj shinami Mandaj Diosca chingachinga.