JEREMÍAS 10:16 - Dios Rimashca Shimicunami

¹⁶ Ashtahuanpish Jacobpaj Diosca manamari chashnachu. Paica tucui ima tiyajta rurajmari. Paimari israelcunataca, paipajlla cachun agllarca. Pai Diosca “Tucuita Mandaj” shutimari.

JEREMÍAS 10:16 Iomraidhean Croise

SALMOS 119:57

Ñuca charinaca Mandaj Diosmari. Quiquinpaj shimicunataca pajtachishatajmi nircanimi.

SALMOS 135:4

Mandaj Diosmari Jacobtaca, paipaj cachun agllarca. Israelcunataca paipajlla cachunmari agllarca.

SALMOS 142:5

Mandaj Dioslla quiquintaca cashna nishpami mañarcani: “Quiquinllami ñuca shuyana cangui. Cai pachapi causajcunapurapica quiquinmi ñuca charina cangui” nircanimi.

SALMOS 33:6

Mandaj Diosca rimashcallahuanmi jahua pachacunataca rurarca. Chaipi imalla tiyajcunatapish p'ucushpallami rurarca.

SALMOS 73:26

Ñuca aichapish ñuca shungupish urmarinmari. Shina cajpipish ñuca shungu samarina rumica Jatun Diosmari. Huiñaipaj ñuca charinaca Jatun Diosmari.

SALMOS 74:2

Quiquinpaj cajcunataca yuyaripayari. Ñaupamanta quiquin munashcacunataca yuyaripayari. Quiquinpaj aillu cachunmari llaquimanta llujshichircangui. Quiquin causashca cai Sión urcutapish yuyariyari.

ÉXODO 19:5

Ñuca imalla nishcata uyashpa ñucahuan ari ninacushcata pajtachishpaca, tucui cai pachapi causajcunamanta yalli sumaj huaquichishcacunami canguichij. Tucui cai pachaca ñucapajmi.

ÉXODO 34:9

cashna nirca: –Jatun Dioslla, quiquinpaj ñaupajpi ñuca allitaj ricurishca cajpica cunanca Jatun Dioslla ñucanchijhuan jacupai. Cai israelcunaca rumi shungucunami. Shina cajpipish ñucanchij millaita rurashcacunata, ñucanchij juchacunata perdonashpa cambaj huahuacunata rurahuai– nircami.

PROVERBIOS 16:4

Mandaj Diosca tucuitamari imapaj cashpapish, shuj yuyaihuan rurashca. Chaimantami Diosta mana manchaj runatapish, llaqui punllapaj charicun.

ISAÍAS 19:25

Chai punllapica Tucuita Mandaj Diosca: “Egipciocunaca alli nishca ñucapajmi nishca cachun. Asiriocunaca ñuca maquihuan rurashcami nishca cachun. Israelcunaca ñuca agllashcacunami nishca cachun” nishpami paicunataca alli nishcacuna cachun ninga.

ISAÍAS 45:7

Ñucami luztapish callarichij cani. Ñucami amsatapish callarichij cani. Sumaj causaitapish ñucami cuni. P'iñanacuitapish ñucami callarichini. Tucui chaicunata rurajca pi shujtaj mana tiyanchu. Mandaj Dios ñucami tucui chaicunata rurajca cani.

ISAÍAS 47:4

Ñucanchijta Quishpichijmari chashna nin. Paipaj shutica tucuita Mandaj Dios shutimi. Israelcunapaj jucha illaj Diosmi.

ISAÍAS 47:6

Ñuca agllashcacunahuanmi p'iñarircani. Paicunatami yangata rurarcani. Chaimi cambaj maquipi churarcani. Canca manataj llaquishpami llaquichircangui. Yuyajcunamanpish cambaj yallitaj llashaj yugotami apachircangui.

ISAÍAS 51:15

Mandaj Dios ñucami mama cuchatapish caiman chaiman cuyuchini. Chai yacuta jahuajta jatarichishpa huacachijpish ñucami cani. Ñuca shutica tucuita Mandaj Diosmi.

ISAÍAS 54:5

Canta Ruraj Diosmari cambaj cusa, paipaj shutica tucuita Mandaj Diosmi. Paica canta Quishpichij israelcunapaj jucha illaj Diosmi. Tucui cai pachapi causajcunapaj Dios nishcami canga.

JEREMÍAS 10:12

Mandaj Diosmari tucuita rurai tucuj cashpa cai pachata rurarca. Jatun yachaj cashpamari, tucui cai pachata alli churarca. Alli yuyaiyuj cashpamari, jahua pachatapish linsota shina churarca.

JEREMÍAS 10:6

Mandaj Dioslla, can shina tucuita rurai tucujca, pi shujtaj mana tiyanchu. Canca jatun Diosmari cangui.

JEREMÍAS 31:35

Mandaj Diosca punllata achijyachichun intita churajmi, tutaca achijyachichun lunata, luzerocunata mandajmi, mama cucha yacucunata jatarichishpa manchanayajta huajiachijmi. Paica tucuita Mandaj shutimari. Paica cashnamari nin:

JEREMÍAS 32:18

Canca cai tucui huaranga huaranga runacunatami c'uyashpa perdonashcangui. Shina cashpapish yayacuna juchata rurashcamantaca q'uipa huahuacunata llaquichijmi cangui. Tucuita rurai tucuj, tucuita Mandaj Jatun Dios shutimi cangui.

JEREMÍAS 33:2

“Mandaj Diosca cai pachata rurajmi. Tucuita rurashpa sinchita churajmi. Paica Mandaj Dios shutimi, paimi cashna nin:

JEREMÍAS 46:18

Tucuita Mandaj shuti Jatun Mandajca cashnami nin: Ñuca causaj Diostajmi cashna nini: Tucui urcucunata yalli jatun Tabor urcu shina jatunmi shamunga. Mama cucha uripi ricurij Carmelo urcu shina jatunmi chayamunga.

JEREMÍAS 50:34

Shina cajpipish paicunata mitsaj, tucuita Mandaj Dios ñucatajmi Babilonia llajtataca llaquichisha. Ñucaca tucuita Mandaj shutimi cani. Ñuca shayarishpami, israelcunataca cacharichisha. Chashnamari ñucaca cai llajtataca, Babilonia llajta llaquichicunmantaca samachisha” ninmi.

JEREMÍAS 51:19

Jacobopaj Diosca manamari chaicuna shinachu, paica tucuita Rurajmari. Paica tucuita Mandaj Dios shutimari. Israelcunaca pai mandana vara cachun agllashcacunamari.

LAMENTACIONES 3:24

Ñuca tucui almahuanmi: “Ñuca charinaca Mandaj Diosmari” nishpaca, paillata shuyani.

AMÓS 4:13

Mandaj Diosca urcucunatapish, huairatapish rurajmari, runacunamanpish pai imata yuyashcata huillajmi. Paica tutayachijpish, punllayachijpishmari. Paica tucui urcucunatapish purijmari. Paica tucuita Mandaj Taita Dios shutimari.

ZACARÍAS 2:12

Mandaj Diosca, jucha illaj llajtapimi, pai japina cashca Judá llajtataca japinga. Jerusalén pueblotapish agllangami.

DEUTERONOMIO 32:9

Chaimantami Mandaj Diosca paipajlla agllashcacunata rurarca. Jacobca pai munashcami carca.