JEREMÍAS 10:13 - Dios Rimashca Shimicunami

¹³ Pai mandajpimari, jahua pachamantaca achca tamya urman. Paillatajmi p'uyutapish cai allpa tucurimanta huichiyachin. Paimari tamyachingapajpish, ninahuan achij nichin. Paimi huairatapish huaquichishca ucucunamanta llujshichin.

JEREMÍAS 10:13 Iomraidhean Croise

GÉNESIS 2:5

allpapica ima yuracuna manaraj tiyarcachu. Verdijlla q'uihuapish manaraj huiñarcachu. Mandaj Dios cai pachapi manaraj tamyachishcamanta, allpapi imata rurajpish manaraj tiyashcamantami chashna carca.

1 REYES 18:41

Chai q'uipami Eliasca Acabtaca: –Ñami achca tamya uyarimucun. Micugrilla ubyagrilla– nirca.

JOB 38:22

¿Canca rasu maipi tiyajta ricunaman yaicushcanguichu? ¿Mana cashpaca, rundu ima shina tiyajta ricushcanguichu?

SALMOS 104:13

Paimi urcucunapica paipaj huasimanta tamyachin. Chai tamyahuanmi allpaca sumaj granocunahuan junda tucun.

SALMOS 135:17

Rinrinta charishpapish, mana uyancunachu. Paicunapaj shimipica samaipish mana tiyanchu.

SALMOS 135:7

Paimari cai allpa tucurimanta p'uyutapish huichiyachin. Tamyapaj relampacunatapish paimari ruran. Huairatapish paimari huaquichishcamanta llujshichin.

SALMOS 147:8

Paica jahua pachata p'uyuhuan tapachijmi. Paica tamyata allpapaj allichijmi. Paica urcucunapi q'uihuata huiñachijmi.

SALMOS 18:13

Mandaj Diosca jahua pachapimi c'ulun nirca. Jahua pacha Dios rimashcami chashna uyarirca. Chaica rundumi, lunyacuj nina brazusmi carca.

SALMOS 68:33

Jahua pachamanta ashtahuan jahua pachapi, caballopi tiyarishca puricujta cantaichigari. Jahua pachaca ñaupamanta tiyajmi. Chaipi tiyajmi pai rimashcata uyachinga. Tucuita rurai tucuj rimashcatami uyachinga.

ÉXODO 9:23

Shina nijpi Moisés paipaj caspita jahua pachaman huichi chutajpica, Mandaj Diosca culun nishcahuanmi runduchirca. Ninaca cai pachataca achij nicurcami. Chashnami Mandaj Diosca Egiptopica runduta tamyachirca.

JEREMÍAS 14:22

Shujtaj runacuna charishca, rurashcalla dioscunaca pi mana tamyachi tucunchu. Jahua pachapish paillatajca tamyata mana cachai tucunchu. Ñucanchijta Mandaj, can Diosmari tamyata cachaj cangui. Tucui chai ima tiyajcunataca, canmari rurarcangui. Chaimantamari canllata shuyanchij.

JEREMÍAS 19:12

Ñucaca cai pueblollatataj Tofet huaicuta shina rurashpami, caipi causajcunataca chashna llaquichigrini.

JEREMÍAS 5:24

Cancunapaj shungupica: Cunanca ñucanchijta Mandaj Diosta manchashpa causashunchij. Paimari punta tamyatapish, q'uipa tamyatapish tamyana punllacunapitaj cachan. Chagracuna tandana tucuchunpish paimari usyachin ninallatapish mana yuyaringuichijchu.

JEREMÍAS 51:16

Pai mandajpimi yacucunapish jahua pachapica, culun nishpa uyarin. Huairatapish huaquichishcamantami llujshichin, p'uyutapish cai pacha tucurimantami huichiyachin. Shinallataj paimi achij nichishpa tamyachin.

AMÓS 4:13

Mandaj Diosca urcucunatapish, huairatapish rurajmari, runacunamanpish pai imata yuyashcata huillajmi. Paica tutayachijpish, punllayachijpishmari. Paica tucui urcucunatapish purijmari. Paica tucuita Mandaj Taita Dios shutimari.

ZACARÍAS 10:1

Mandaj Diostaca, q'uipa tamyata cachachun mañaichigari. Mandaj Diosca relampacunata ricuchishpami, cancunamanca manchanayaj tamyata cachanga. Chai tamyahuanmi chagracunapica, tucuicunapajllataj q'uihuacunaca verdijlla huiñanga.