JEREMÍAS 10:12 - Dios Rimashca Shimicunami

¹² Mandaj Diosmari tucuita rurai tucuj cashpa cai pachata rurarca. Jatun yachaj cashpamari, tucui cai pachata alli churarca. Alli yuyaiyuj cashpamari, jahua pachatapish linsota shina churarca.

JEREMÍAS 10:12 Iomraidhean Croise

GÉNESIS 1:1

Jahua pachata, cai pachata callarichijca Taita Diosmi.

GÉNESIS 2:5

allpapica ima yuracuna manaraj tiyarcachu. Verdijlla q'uihuapish manaraj huiñarcachu. Mandaj Dios cai pachapi manaraj tamyachishcamanta, allpapi imata rurajpish manaraj tiyashcamantami chashna carca.

1 CRÓNICAS 16:26

Tucui pueblocunapaj dioscunaca, mana diostajchu. Ashtahuanpish Mandaj Diosca, jahua pachatapish ruraj Diosmari.

JOB 26:7

Paica jahua pachataca huairapimi churarca. Cai pachatapish imapi mana huarcurcachu.

JOB 37:18

¿Yacuyachishpa mana p'aquirij espejota ruraj shinachu canca Diostaca jahua pachata rurashpa ayudarcangui?

JOB 9:8

Paillami jahua pachataca, linsota chutaj shina churarca. Paica caiman chaiman cuyucuj mama cucha jahuata purijmi.

SALMOS 104:2

Jahua churanata shinaca luzhuan pillurishcami cangui. Jahua pachatapish shuj linsota shina chutajmi cangui.

SALMOS 104:24

¡Mandaj Dioslla, quiquin rurashcacunaca mana yupai tucuipajmari! Tucui chaicunataca quiquinpaj yachaihuanmari rurashcangui. Cai pachaca quiquin rurashcacunahuan jundamari.

SALMOS 119:90

Quiquin pajtachij cashcaca huahua huahuacunata caticungallami. Cai pachaca quiquin maipi churashcallapitajmi sinchita tiyacun.

SALMOS 24:2

Paimari allpataca mama cucha jahuapi callarichirca, jatun yacucuna jahuapimari sinchita shayachirca.

SALMOS 33:6

Mandaj Diosca rimashcallahuanmi jahua pachacunataca rurarca. Chaipi imalla tiyajcunatapish p'ucushpallami rurarca.

SALMOS 65:7

Mama cucha huajiacujtapish parachijmi cangui. Mama cucha yacu jatarishpa huajiacujtapish, casijllata rurajmi cangui. Llajtacuna bullanacucujtapish upallachijmi cangui.

SALMOS 78:69

Paipajlla huasitami shayachirca. Tucuita yalli jatuntami shayachirca. Cai pachata huiñaipaj sinchita churashca shinallatajmi churarca.

SALMOS 93:1

¡Mandaj Diosmi mandacun! Paica mandaj cashcahuan churarishcami. Mandaj Diosca churarishcamari. Tucuita rurai tucuj cashcahuan chumbillirishcamari. Paimi tucui cai pachataca sinchita churarca. Manataj pi cuyuchishcami canga.

PROVERBIOS 3:19

Mandaj Diosca alli yachaj cashpami, cai pachataca rurarca. Alli yuyaiyuj cashpami, jahua pachatapish sinchita churarca.

PROVERBIOS 30:4

¿Pitaj jahua pachaman rishpa cutin tigramushcari? ¿Pitaj huairataca maquipi lutsashpa chari tucungari? ¿Pitaj mama cucha yacutapish paipaj jahua churanapi pillushpa chari tucungari? ¿Pitaj cai allpa maicama canatapish alli ricushpa churarcari? ¿Tucui chaita rurajtaca, pi cashcata yachanguichu? ¿Paipaj churitapish rijsinguichu?

ISAÍAS 37:16

“Tucuita Mandaj Dios, israelcunata Mandaj Dios, querubincunapaj chaupipimi causangui. Canllamari tucui cai pacha llajtacunapaj Dios cangui. Jahua pachatapish cai pachatapish canmi rurarcangui.

ISAÍAS 40:22

Taita Diosca, cai pachata muyunchishcapaj jahuapimi tiyacun. Chai jahuamanta ricujpica cai pachapi causajcunaca langostacuna shinallami. Paica jahua pachataca, shuj linsota shinami chutashca. Causanapaj carpa huasita shayachij shinami churashca.

ISAÍAS 42:5

Jahua pachata linsota chutaj shina ruraj Dios, cai pachapipish tucuipi granocunata jundachij Dios, tucui cai pachapi causajcunaman causaita cuj Dios, pai nishca shina purijcunaman espirituta cuj Mandaj Diosca cashnami nin:

ISAÍAS 44:24

Mamapaj huijsa ucumantapacha canta cuidaj canta Quishpichij Mandaj Diosca cashnami nin: “Ñucaca tucuita ruraj Mandaj Diosmi cani. Ñucallatajmi jahua pachatapish linsota chutaj shina churarcani. Cai pachatapish ñucallatajmi tucuita rurarcani. Ñucataca pi mana ayudarcachu.

ISAÍAS 45:12

Allpa pachatapish ñucami rurarcani. Runatapish chaipi causachun ñucami rurarcani. Ñucami ñuca maquicunahuan jahua pachatapish linsota chutaj shina churarcani. Chaipi imalla tiyajcunatapish ñucami paicuna maipi cana cashcapi churarcani.

ISAÍAS 45:18

Jahua pachata ruraj Mandaj Diosmi chashna nin. Cai pachata ruraj. Ima shinalla canapi churaj Diosmi paica. Paica cai pachataca mana yanga tiyachun rurarcachu, runacuna causachunmi rurarca. Ñucami Mandaj Dios cani, shujtajca mana tiyanchu.

ISAÍAS 48:13

Cai pachaca ñuca maquihuan rurashcami. Ñuca alli maqui shunguhuanmi, jahua pachatapish medircani. Tucuicunata tiyachun nishpa shutichijpica tiyarcallami.

ISAÍAS 49:8

Mandaj Diosca cashnami nin: Uyana punllapica uyarcanimi. Quishpichina punllapica ayudarcanimi. Cantaca ñucami huaquichisha. Israelcunahuan ari ninacushcata pajtachingapajmi cantaca cachasha. Llajtata cutin shayachichun, shitashca allpacunata japishpa allichichun,

JEREMÍAS 10:13

Pai mandajpimari, jahua pachamantaca achca tamya urman. Paillatajmi p'uyutapish cai allpa tucurimanta huichiyachin. Paimari tamyachingapajpish, ninahuan achij nichin. Paimi huairatapish huaquichishca ucucunamanta llujshichin.

JEREMÍAS 10:16

Ashtahuanpish Jacobpaj Diosca manamari chashnachu. Paica tucui ima tiyajta rurajmari. Paimari israelcunataca, paipajlla cachun agllarca. Pai Diosca “Tucuita Mandaj” shutimari.

JEREMÍAS 14:22

Shujtaj runacuna charishca, rurashcalla dioscunaca pi mana tamyachi tucunchu. Jahua pachapish paillatajca tamyata mana cachai tucunchu. Ñucanchijta Mandaj, can Diosmari tamyata cachaj cangui. Tucui chai ima tiyajcunataca, canmari rurarcangui. Chaimantamari canllata shuyanchij.

JEREMÍAS 27:5

Ñucami cai pachatapish, tucui runacunatapish, animalcunatapish, allpapi tucui imalla tiyajtapish tucuita rurai tucuj ñuca maquihuan rurarcani. Chaimantami llajtacunataca ñuca piman cusha nishpapish cunilla.

JEREMÍAS 32:17

“¡Jatun Mandaj Dioslla, canmari jahua pachatapish, cai pachatapish tucuita rurai tucuj cambaj maquihuan rurarcangui! Cambajca imata ruranapish mana sinchichu.

ZACARÍAS 12:1

Israelcuna imalla tucuna cashcataca, Mandaj Diosllatajmi huillarca. Jahua pachatapish, cai pachatapish ruraj, runacunamanpish espirituta cuj Mandaj Diosca cashnami nirca:

Juan 1:3

Tucui imalla tiyajcunataca, paihuanmi rurarca. Tucui imatapish paillahuantajmi rurarca.

Colosenses 1:16

Diosca jahua pachapi, cai pachapi tucui imalla tiyajta, mana ricuipajcunata, ricuipajcunatapish paipaj Churihuanmi rurarca. Shinallataj jatun mandajcunata, uchilla mandajcunata, ñahuihuan mana ricuipaj mandajcunata, poderyujcunata, tucuicunatami paipaj Churipaj cachun paillahuantaj rurarca.