JEREMÍAS 10:11 - Dios Rimashca Shimicunami

¹¹ Israelcuna, cashna nichigari: “Manapish cai pachata, jahua pachata ruraj dioscunaca allpamanta anchuchishca cachun. Chaipica shujllapish ama saquirichun” nichigari.

JEREMÍAS 10:11 Iomraidhean Croise

SALMOS 96:5

Tucui shujtajcunapaj dioscunaca, maquihuan rurashca dioscunallamari. Ashtahuanpish Mandaj Diosca jahua pachata ruraj Diosmari.

ISAÍAS 2:18

Rurashcalla dioscunataca, tucuitami anchuchinga.

ISAÍAS 57:12

Cashcatami rurashpa causacuni, alli ruranacunatami ruracuni nishcataca imapajpish mana alli cashcatami ricuchigrini.

JEREMÍAS 10:15

Chaicunaca yangallami, imapaj mana valinchu. Dios llaquichi punllapica chingaringallami.

JEREMÍAS 43:12

Cai Egipto llajta dioscunapaj huasicunataca, ninata japichishpami tucui rupachinga. Chai dioscunataca llujshichishpa paipaj llajtamanmi apanga. Chashna rurashpami cai Egipto llajtataca, michij runa paipaj jahua churanata chaspij shina, tucuita tucuchishpa ima illajta saquinga. Chashna rurashpaca paica ima mana tucushpa, paipaj llajtaman sumajta tigrangallami.

JEREMÍAS 43:13

Shinallataj cai Egipto llajtapi caj Bet-semes pueblopi tiyaj suni jatun rumicunatapish tucuimi ñutunga. Tucui cai Egipto llajta dioscunapaj huasicunatami rupachishpa saquinga ninmi ni” nircami.

JEREMÍAS 50:2

“Llajtacunapi huillashpa yachaj chayachichigari. Banderacunatapish ricunallapi churashpa cashna huillaichigari: Babilonia puebloca shujtajpaj maquipi urmanca. Bel shuti diosca yallitaj pingai tucunca, Merodac diospish ñuturishcamari. Paicunapaj rurashcalla tucui dioscunamari ñutushca siricun nishpa caparichigari. Imata ama upalla saquirichijchu.

JEREMÍAS 51:18

Chai dioscunaca chanzata rurashpa asina yanga dioscunallami. Jatun llaqui chayamui punllacunapica chingarinllami.

LAMENTACIONES 3:66

Mandaj Dioslla, jatunta p'iñarishpa llaquichiyari. Cai pachamanta chingachiyari.

EZEQUIEL 30:13

Mandaj Jatun Diosca cashnapishmi nin: “Egipto llajtapi tiyaj rurashcalla dioscunatapish, Menfis pueblopi tiyaj dioscunatapish chingachishami. Egipto llajtata jatun mandajca, mana ashtahuan tiyangachu. Chai llajtapica, jatun mancharinatami rurasha.

SOFONÍAS 2:11

Mandaj Diosca, paicunahuanca jatuntami p'iñaringa. Chaimanta cai pachapi tiyaj dioscunataca tucuitami chingachinga. Tucui llajtacunapi causajcunaca, tucuicunallatajmi paicuna maipi cashcallapitaj Diostaca cunguringacuna.

ZACARÍAS 13:2

Tucuita Mandaj Diosca cashnami nin: “Chai punllapica, tucui cai llajtapi tiyaj rurashcalla dioscunapaj shuticunatapish chingachishami. Chashna rurajpimi chai dioscunataca, manataj cutin yuyaringacuna. Shinallataj llulla huillajcunatapish, mapayachij espiritutapish chingachishami.

Apocalipsis 20:2

Chai angelmi dragón nishca ñaupa culebra, diablo, Satanastaca japishpa huaranga huatapaj huatarca.

1 SAMUEL 5:4

Cayandij tutamantapish cutinllataj ricunapajca, Dagón diosca cungamanta urimanca Mandaj Diospaj arca ñaupajpimi urisinga siricushca carca. Dagonpaj umapish, paipaj ishqui maquipish p'itishcami pungu chaquipi quinriman churashca caspi jahuapi siricushca carca.