JEREMÍAS 10:1 - Dios Rimashca Shimicunami

¹ Israelcuna, Mandaj Dios cancunata ima nishcata uyaichij.

JEREMÍAS 10:1 Iomraidhean Croise

1 REYES 22:19

Chaimi Micaiasca: –Mandaj Dios imata nishcata uyayari. Mandaj Diostaca paipaj jatun tiyarinapi tiyacujtami ricurcani. Jahua pachapi paipajta rurajcunapish alli ladomanpish, lluqui ladomanpish paipaj c'uchupi cajtami ricurcani.

SALMOS 50:7

Paica cashnami ninga: “Ñuca agllashcacuna uyaichij. Cancunamanmi rimagrini. Israelcuna, uyaichij. Cancuna mana allita rurashcatami huillagrini. Ñucaca Taita Diosmi cani, cancunapaj Diosmi cani.

ISAÍAS 1:10

Sodoma pueblota mandajcuna Mandaj Dios rimashcata uyaichigari. Gomorra pueblo, ñucanchij Taita Diospaj mandashcata uyaichigari.

ISAÍAS 28:14

Cai Jerusalenpi causajcunata mandaj chanzata ruraj c'aricuna, Mandaj Dios rimashcata uyaichij.

ISAÍAS 40:18

Taita Diostaca ¿imahuantaj ch'imbapurai tucunguichigari? Mana cashpaca paiman rijchajtapish imata mana rurai tucunguichijchu.

ISAÍAS 44:6

Israelcunata Jatun Mandajca, israelcunata quishpichijca, tucuita Mandaj Diosca cashnami nin: “Callarichijpish ñucami cani, tucurichijpish ñucami cani. Shujtaj Diosca mana tiyanchu.

JEREMÍAS 10:2

Mandaj Diosca cashnami nin: “Caishuj llajta runacuna ima rurashcataca ama catichijchu. Jahua pachapi ima ricurijpipish, ama caishuj llajta runacuna shina manchaichijchu.

JEREMÍAS 2:4

Yaya Jacobopaj huahua huahua tucui israelcuna, Mandaj Dios rimashcata uyaichigari.

JEREMÍAS 22:2

cashna huillagri: Davidpaj jatun tiyanapi tiyarishpa Judá llajtata mandacuj jatun mandajpish, can churashca mandajcunapish, cai punguta yaicuj tucui Judá runacunapish, Mandaj Dios rimashcata uyaichij.

JEREMÍAS 42:15

Cai ashacunalla saquirishca Judá runacuna, cancuna chashna yuyacushpaca, Mandaj Dios rimashcata uyaichij. Tucuita Mandaj, israelcunapaj Diosca cashnami nin: Cancuna Egipto llajtaman rinata yuyarishpa, chai llajtapi causagringuichijllatajchari.

JEREMÍAS 9:26

Egiptopi, Judapi, Edompi, Amonpi, Moab llajtapi causajcunata, shinallataj shitashca pambapi tucui causajcunatapishmi llaquichisha. Chai tucui runacunaca, charishca aicha mirga carata mana p'itichishcacunami. Israelcunacarin shungumanta millai yuyaita mana p'itishcacunami.

OSEAS 4:1

Israelcuna, Mandaj Dios rimashcata uyaichij. Mandaj Diosca cai llajtapi causajcunataca p'iñarishpami rimacun. Cai llajtapica cashcata rurajcunapish, llaquijcunapish, Diosta rijsijcunapish mana tiyanchu.

AMÓS 7:16

Cunanca Mandaj Dios imalla nishcata alli uyai. Canca ñucataca: Isaacpaj huahua huahua israelcunata llaquichina cashcataca ama huillaichu nishpami jarcangui.

1 Tesalonicenses 2:13

Taita Diospaj Shimita cancunaman ñucanchij huillajpi uyashpaca, mana runacunapaj shimita shinallachu chasquircanguichij. Ashtahuanpish Taita Diospaj Shimitaj cashcatami chasquircanguichij. Chaimi crij cancunapica rurachicun. Chaimantami ñucanchijca mana samashpa, Taita Diostaca pagui nicunchijlla.

Apocalipsis 2:29

Rinrinta charijca, tandanacushca crijcunaman Diospaj Espíritu huillashcata uyachun nishpa quillcai” nircami.