JEREMÍAS 1:8 - Dios Rimashca Shimicunami

⁸ Canca ama pita manchaichu, ñucami canhuan casha. Ñucami cantaca imamantapish quishpichisha” nircami Mandaj Diosca.

JEREMÍAS 1:8 Iomraidhean Croise

ÉXODO 3:12

Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

ISAÍAS 43:2

Yacuta ch'imbacujpipish ñucami canhuan casha. Jatun yacucunata ch'imbacushpapish, mana millpuringuichu. Nina jahuata pasashpapish, mana rupanguichu. Lunyacuj ninapish, canpica mana japiringachu.

ISAÍAS 51:12

Cancunata cushichijca ñucamari cani. ¿Huañujlla runacunata manchangapajca yangallachari canguiyari? ¿Llullu q'uihua shina chaquirijlla runacunapaj churicunata manchangapajca yangallachari canguiyari?

ISAÍAS 51:7

Cashcata ruranaca ima cashcata rijsijcuna uyaichij. Ñuca mandashcaca cancunapaj shungupimari. Runacuna yanganchishcataca ama manchaichu. Paicuna c'amijpipish ama mana catisha nichu.

JEREMÍAS 1:17

Quiquinca alli chumbillirishpa shayarishpa, paicunataca ñuca imallata rimachun nishca shina rimanguilla. Paicunapaj ñaupajpi shayarinataca ama manchanguichu. Ñataj paicuna manchachichun, paicunapaj ñaupajpi quiquinllata saquiman.

JEREMÍAS 1:19

Quiquinhuan macanacungapaj shayarishpapish, quiquintaca manataj mishangacunachu. Ñucami quiquinhuan casha, ñucami quiquintaca imamantapish quishpichisha” nircami Mandaj Diosca.

JEREMÍAS 20:11

Shina cajpipish Mandaj Dioslla, canmari alli macanacuj jatun soldado shina ñucataca cuidacungui. Ñucata p'iñajcunaca mana mishai tucushpa urmangacunami. Huiñaita mana cungaripajtamari pingai tucushpa saquiringacuna.

JEREMÍAS 30:11

Ñucaca cancunata quishpichingapaj cancunahuanmi cani. Ñuca cancunata mai llajtallaman prezu cachashca cashpapish, chai llajtacunataca tucuchishami. Ashtahuanpish cancunataca mana tucuchishachu. Llaquichinataca llaquichishatajmi. Shina cashpapish cancunataca allichingapajllami llaquichisha” ninmi Mandaj Diosca.

JEREMÍAS 39:11

Nabucodonosorca, paita cuidaj soldadocunata mandaj Nabuzaradantaca, Jeremiasta ricuchun nishpami, cashna mandashca carca:

JEREMÍAS 42:11

Mandaj Diosca cashnapishmi nin: Babilonia llajtata jatun mandajpaj ñaupajpi ricurinataca, ama manchaichijchu. Paitami cancunaca yallitaj manchanguichij. Paipaj maquimanta quishpichingapaj, cacharichingapajca ñucamari cancunahuan casha, ama manchaichijchu.

DANIEL 3:17

Ñucanchij Taita Diosmi, paipajta rurajcunataca nina lunyacuj hornomantapish, jatun mandajpaj maquimantapish quishpichinga.

DANIEL 3:25

Shina nijpimi jatun mandajca: –Ñucaca, chuscu runacuna nina chaupipi huatashcapish cacharirishca ima mana tucushpa puricujtamari ricuni. Chai chuscumanta shujca dioscunapaj churiman rijchajmari– nirca.

Mateo 10:26

Chaimanta ama manchaichijchu. Pacalla cashcacunaca ima pacalla mana saquiringachu, tucuimi yacharishca canga. Shinallataj pacallapi cashcaca ricuchishcami canga.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Hechos 18:10

Ñucaca canhuanmi cani. Chaimanta cantaca pi imata mana rurai tucungachu. Ñucaca cai pueblopica, ñucapaj canacunataca achcacunatami charini” nircami.

Hechos 26:17

Ñucami cantaca judiocunamanpish, mana judiocunamanpish huillachun cachani. Paicuna imata rurachunpish mana saquishachu.

Hechos 4:13

Pedropish, Juanpish mana manchashpa rimajta uyashpami mandajcunaca: –¿Ima shinataj mana jatun yachanaman rishca yanga runacunaca chashna rimanchu imamí?– nishpami achcata mancharircacuna. Chashna nicushpapish paicunataca, Jesushuan purijcuna cashcatami yuyarircacuna.

Hechos 4:29

Jatun Dioslla cunanca paicuna manchachishun yuyashpa jarcashcata ricuhuai. Ñucanchij cambajta rurajcunataca, canmanta huillangapaj imatapish mana manchana yuyaita cuhuai.

Efesios 6:20

Paipaj randi huillachun cachashcamantami cadenacunapi huatashca cani. Paimanta ima shina rimana cashcataca, mana manchashpa rimangapaj mañaichij.

DEUTERONOMIO 31:6

Fuerzarichij, c'ari c'ari caichij, ama manchaichijchu. Paicunataca ama imata manchanguichijchu. Mandaj Dios cancunapaj Taita Diosmi cancunahuanca ringa. Paica cancunataca manataj saquingachu, manataj shitangachu” nircami.

DEUTERONOMIO 31:8

Mandaj Diosmi cantaca ñaupanga. Paica canhuanmi canga. Cantaca mana saquingachu, canmantaca mana anchuringachu. Ama manchanguichu, ña mana valishachu ama ninguichu” nircami.

JOSUÉ 1:5

Moiseshuan cashca shinallatajmi canhuanpish casha. Cantaca manataj saquishachu, canmantaca manataj anchurishachu. Chaimanta tucui cambaj causaipi canhuanca pi mana ch'imbapura shayari tucungachu.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.