JEREMÍAS 1:6 - Dios Rimashca Shimicunami

⁶ Shina nijpica, ñucaca cashnami nircani: “¡Mandaj Jatun Dioslla, ama chashna nihuaichu. Ñucaca alli rimanallatapish manaraj yachaj huambramari cani!” nircanimi.

JEREMÍAS 1:6 Iomraidhean Croise

ÉXODO 4:1

Chaimi Moisesca: –Ñuca chashna nijpipish paicunaca mana cringacunachu, ñuca nishcataca mana uyangacunachu. Ashtahuanpish: Mandaj Diosca maitataj canman ricurinman carcari ningacunami– nirca.

ÉXODO 6:12

Chaimi Moisesca, Mandaj Diostaca: –Israelcunapish mana uyancunachu, faraoncarin maitataj uyangari. Ñucaca rimangapajpish c'allu huataricujmari cani– nirca.

ÉXODO 6:30

Shina nijpimi Moisesca: –Mandaj Dioslla, ñucaca rimangapajca c'allu huataricujmari cani. ¿Maitataj faraonca ñucataca uyahuangari?– nirca.

ISAÍAS 6:5

Chaimi ñucaca: “¡Aij, ñucalla ña huañunimi nircani! Ñucaca mapa shimicunata rimaj runamari cani. Mapa shimicunata rimaj runacunapaj chaupipipishmari causani. Chashna runami ñuca ñahuicunahuantaj Jatun Mandajta ricuni. Tucuita Mandaj Diostamari ricuni” nircanimi.

JEREMÍAS 14:13

Chashna nijpimi, ñucaca cashna nircani: “Mandaj Jatun Dioslla, canmanta huillajcunaca paicunamanca: Pi mana espadahuan huañuchinaman shamujta ricunguichijchu. Cancunapajca yaricaipish mana tiyangachu. Ashtahuanpish Diosca: Cai llajtapica mana tucurij sumaj causaitami cusha ninmi nishpami huillancuna” nircanimi.

JEREMÍAS 32:17

“¡Jatun Mandaj Dioslla, canmari jahua pachatapish, cai pachatapish tucuita rurai tucuj cambaj maquihuan rurarcangui! Cambajca imata ruranapish mana sinchichu.

JEREMÍAS 34:6

Dios ima nishcata huillaj Jeremiasca, Jerusalenpimi Judá llajtata jatun mandaj Sedequiasmanca, tucui cai shimicunataca huillarca.

JEREMÍAS 4:10

Chashna nijpimi, ñucaca cashna nircani: “¡Aij, aij! Mandaj Dioslla, cai Judá runacunatapish, Jerusalén pueblopi causajcunatapish: Sumaj causaitami charinguichij nircanguimari. Chashna nishpaca yallitajmari umashcangui. Cunanca ñucanchijtaca, ñamari espadata cungapi churashpa charicuncuna” nircanimi.

EZEQUIEL 4:14

Shina nijpimi ñucaca: “Mandaj Jatun Dioslla, ñucaca mana mapa canica. Ñucaca huambramantapacha cunancamaca ima mapacunatapish, paillataj huañushca aichatapish, sacha animal huañuchishca aichatapish, ima shujtaj mapatapish shuj cutinllapish ñuca shimipica mana churashcanichu” nircanimi.

ZACARÍAS 2:4

Chai tupanaman llujshij angelca, chaishuj angeltaca cashnami nirca: “Callpashpa chai mosoman cashna nigri: Jerusalén pueblopica achca runacunapish, achca animalcunapishmi jundaringa. Jerusalenca, pircacuna illajllami canga.