JEREMÍAS 1:5 - Dios Rimashca Shimicunami

⁵ “Manaraj cambaj mamapaj huijsapi huiñachishpami, cantaca ña ricushcata charicurcani. Manaraj huacharijpimi, cantaca ñucallata servichun agllarcani. Cantaca tucui llajtacunapi causajcunaman ñuca ima nishcata huillajtami rurarcani” nircami.

JEREMÍAS 1:5 Iomraidhean Croise

SALMOS 139:15

Mamapaj huijsapi pacallapi huiñacushpapish quiquinpica ñuca cuerpoca mana pacallachu carca. Allpa ucujman shina pacalla huiñacushpapish quiquinpica mana pacallachu cashcani.

SALMOS 139:16

Mamapaj huijsapi tiyarishca pachamanta ñuca cuerpopi imalla tiyaj tucui ajushtaricujtami ricucurcangui. Chaicunataca ñuca manaraj tiyajpimi libropi quillcashcata ña charicurcangui. Chaitami ñuca cuerpopica shujllapish mana illajta tucuita churashcangui.

ÉXODO 33:12

Moisesca Mandaj Diostaca: –Riqui quiquinca ñucataca: Cai israelcunata huichiyachi ninguimi. Pita ñucahuan cachanataca manamari huillanguichu. Ashtahuan cashnapish nircanguimi: Cambaj shutitaca rijsinimi. Canca ñuca ñahuipica allimi ricuringui ninguimi.

ÉXODO 33:17

Shina nijpi Mandaj Diosca Moisestaca: –Canca ñuca ñahuipi alli ricurishcamanta, cambaj shutitapish ima shina cajta rijsishcamantaca can nishcataca rurashami– nirca.

ISAÍAS 44:2

Mamapaj huijsamantapacha canta callarichij, canta ruraj, Mandaj Diosca cashnami nin: Ñucapajta ruraj Jacob ama manchaichu. Jesurún canpish ñuca agllashcamari cangui. Ñucami cantaca ayudasha.

ISAÍAS 49:1

Mama cucha c'uchupi causajcuna, caru llajtacunapi causajcuna ñucata uyaichij: Mamapaj huijsapi cajpirajmi, Mandaj Diosca ñucata cayarca. Mamapaj huijsamanta pachami ñuca shutitaca paipaj yuyaipi charirca.

ISAÍAS 49:5

Ñucataca mamapaj huijsamanta pachami Mandaj Diosca paipajta ruraj cachun rurarca. Jacobta paipajman tigrachingapajmi ñucataca agllarca. Israelcunata tandachichunmi chashna rurarca. Mandaj Diospajca c'uyashcami casha. Taita Diosmi ñuca fuerzaca.

JEREMÍAS 1:10

Riqui, cunantajmi cantaca llajtacunata jatun mandajcunatapish, llajtacunapi causajcunatapish sapimanta llujshichichun, urmachishpa chingachichun, cutin shayachichunpish, llajtacunata cutin tigrachichunpish cantaca churani” nircami.

JEREMÍAS 1:4

Mandaj Diosca ñucataca cashnami nirca:

JEREMÍAS 20:15

“Cambaj huahuaca c'arimari huacharin” nishpa ñuca yayata cushichij runaca, llaqui tucushca cachun.

JEREMÍAS 25:13

Chai llajtapajca, imalla llaquicunata cachanata huillachishcatami cachasha. Chai llajtatapish, tucui shujtaj llajtacunatapish ñuca ima shinalla llaquichinata Jeremías huillashca shimicunaca, pai huillashcata quillcashca cai libropimi tiyacun.

JEREMÍAS 36:2

“Quillcana cara pillushca tiyacujta japi. Chaipica israelcunapajpish, Judá runacunapajpish, tucui shujtaj llajtacunapajpish, imalla llaquicunata cachanata Josías causacui punllacunamantapacha cunancama ñuca imallata huillashca shimicunata quillcai.

JEREMÍAS 50:34

Shina cajpipish paicunata mitsaj, tucuita Mandaj Dios ñucatajmi Babilonia llajtataca llaquichisha. Ñucaca tucuita Mandaj shutimi cani. Ñuca shayarishpami, israelcunataca cacharichisha. Chashnamari ñucaca cai llajtataca, Babilonia llajta llaquichicunmantaca samachisha” ninmi.

Lucas 1:15

Paica Dios alli nishcami canga. Vinotapish, sidratapish mana ubyangachu. Mamapaj huijsamanta pachami jucha illaj Espirituhuan junda canga.

Lucas 1:41

Elisabetpaj huijsapi caj huahuaca jaitarircallami. Chaipimi jucha illaj Espirituca Elisabetta japijpi,

Lucas 1:76

Shinallataj can huahuituca, jahua pachapi caj Diospaj profeta nishcami cangui. Canmari Quishpichij purina ñanta allichishpa ñaupashpa ringui.

Juan 10:36

Ashtahuanpish cancunaca: Ñuca Yaya pai munashcata rurachun ch'icanchishpa cai pachaman cachashca cajtaca ¿maitataj Taita Diosta c'amijmi ninguichigari? Ñucaca pai cachashca cashpamari “Taita Diospaj Churimi cani” nircami.

Romanos 1:1

Jesucristopajta ruraj, apóstol cachun cayashca, Taita Diospaj alli huillaita huillachun ch'icanchishca Pablomi cani.

Romanos 8:29

Diosca pai agllasha nishcacunataca, paipaj Churiman rijchajta rurangapajmi ñaupaman ch'icanchirca. Achca huauquicunapurapi Cristoca, punta Churi cachunmi chashnaca rurarca.

1 Corintios 8:3

Ashtahuanpish Diosta maijan c'uyajca, Dios rijsishcami.

Efesios 1:22

Shinallataj tucui imatapish Cristo cazuchichunmi, paipaj chaquicuna ucupi churarca. Tandanacushca crijcunapajpish uma cachunmi, paillatataj churarca.