JEREMÍAS 1:3 - Dios Rimashca Shimicunami

³ Shinallataj Josiaspaj churi Joacim shuti jatun mandaj Judá llajtata mandacui huatacunapishmi huillachirca. Josiaspaj caishuj churica, Sedequías shutimi carca. Paica Judá llajtataca, ñami chunga shuj huatata mandacurca. Chai huatapaj pichca quillapimi, Jerusalenpi causajcunataca prezu aparcacuna. Chai huatapi pai mandana tucuringacamami, Diosca Jeremiastaca huillachirca.

JEREMÍAS 1:3 Iomraidhean Croise

2 REYES 23:34

Necao faraonca, Josiaspaj randi mandaj cachunca, Josiaspaj churi Eliaquimtami jatun mandaj cachun churarca. Eliaquimtaca, Joacim shutitami shutichirca. Joacaztaca Egiptomanmi aparca. Chaipimi paica huañurca.

2 REYES 24:17

Chai q'uipaca, Babilonia llajtata jatun mandajca, Joaquinpaj tío Mataniastami Joaquinpaj randi jatun mandaj cachun churarca. Mataniastaca, Sedequiastami shutichirca.

1 CRÓNICAS 3:15

Josiaspaj churicunaca. Punta churica Johananmi, q'uipa churica Joacimmi. Ishquipaj q'uipa churica Sedequiasmi, quimsapaj q'uipa churica Salummi carca.

JEREMÍAS 1:4

Mandaj Diosca ñucataca cashnami nirca:

JEREMÍAS 34:1

Babilonia llajtata jatun mandaj Nabucodonosorca, pai mandacushca tucui llajtacunamanta ch'ican ch'ican runacunapuramanta tandachishca paipaj tucui soldadocunandijmi Jerusalenpi causajcunahuanpish, tucui caishuj pueblocunapi causajcunahuanpish macanacurca. Mandaj Dios chai punllacunapi Jeremiasta huillachishca shimicunami caipica tiyacun.

JEREMÍAS 35:1

Josiaspaj churi jatun mandaj Joacim, Judá llajtata mandacujpimi, Mandaj Diosca Jeremiastaca cashna mandarca:

JEREMÍAS 36:2

“Quillcana cara pillushca tiyacujta japi. Chaipica israelcunapajpish, Judá runacunapajpish, tucui shujtaj llajtacunapajpish, imalla llaquicunata cachanata Josías causacui punllacunamantapacha cunancama ñuca imallata huillashca shimicunata quillcai.

JEREMÍAS 39:2

Chai macanacui punllacunami Sedequías mandanaca, chunga shuj huata tucurca. Chai huatapaj chuscu quilla iscun punllapimi, Jerusalén pueblo muyundij jatun pircataca shuj mirgata t'unircacuna.

ZACARÍAS 7:5

“Cai llajtapi causajcunatapish, curacunatapish cashna ni: Cancunaca canchis chunga huatacunataca, pichca quillapi, canchis quillapi ayunashca cashpapish, huacashca cashpapish mana ñucata yuyarishpatajchu chashna rurarcanguichij.

ZACARÍAS 8:19

“Tucuita Mandaj Dios ñucaca, cashnami nini: Judá llajtapi causajcunapajca chuscu quillapi, pichca quillapi, canchis quillapi, chunga quillapi ayunanaca jatun micuita rurashpa cushicuna punllacunami tucunga. Shinallataj jatun fiestata rurashpa micuna punllapishmi tucunga. Shina cajpica cancunaca cashcata ruranatapish, sumajta causanatapish c'uyashpa causaichijlla ninimi” nircami.