JEREMÍAS 1:19 - Dios Rimashca Shimicunami

¹⁹ Quiquinhuan macanacungapaj shayarishpapish, quiquintaca manataj mishangacunachu. Ñucami quiquinhuan casha, ñucami quiquintaca imamantapish quishpichisha” nircami Mandaj Diosca.

JEREMÍAS 1:19 Iomraidhean Croise

SALMOS 129:2

Ñucataca chairaj cashcamantapachami yallitaj llaquichincuna. Shina cashpapish, ñucataca mana mishai tucurcacunachu.

JEREMÍAS 1:18

Cunan punllatajmi, cantaca muyundijta jatun pircayuj pueblota shina, fierro pilarta shina, bronce patata shina pi mana cuyuchipaj cachun churani. Cai Judá llajtapi causajcunaca quiquintaca, jatun mandajcuna cashpapish, paicuna churashca mandajcuna cashpapish, curacuna cashpapish, tucui cai llajtapi causajcuna cashpapish, mana imata rurai tucungachu.

JEREMÍAS 1:8

Canca ama pita manchaichu, ñucami canhuan casha. Ñucami cantaca imamantapish quishpichisha” nircami Mandaj Diosca.

JEREMÍAS 11:19

Ñucataca: “Cai runataca alli granota aparishca yurata urmachij shina huañuchishunchij. Cai pachapi causajcunapuramanta anchuchishunchij. Chashna rurajpica, paitaca pi mana ashtahuan yuyaringachu” ninacushcami carca. Ashtahuanpish ñucaca huañuchinaman apacushca malta c'ari oveja shina, imata mana yachashcachu carcani.

JEREMÍAS 11:21

Anatot pueblopi causajcunaca ñucataca: “Mandaj Dios huillanaman cachashcataca ña ama huillaichu. Mana cashpaca canta huañuchishunmi” nircacunami. Chashna nij runacunatami Mandaj Diosca rimarca.

JEREMÍAS 18:18

Jeremías huillashcata uyashpaca, cashnami ninacurcacuna: “Shamuichij, Jeremiasta huañuchinata yuyarinacushunchij. Mandashcacunata ñucanchijman yachachichunpish curacunaca mana illanchu. Alli yuyaita cungapajpish, yachajcuna mana illanchu. Dios ima nishcata huillajcunapish mana illangachu. Juchachishpa huañuipi churashunchij. Pai huillashcataca imata mana uyashunchijchu” nircacunami.

JEREMÍAS 2:1

Mandaj Diosca ñucataca cashnami nirca:

JEREMÍAS 20:10

Maipipish ñucamantaca achcacunami huashalla parlanacuncuna. “Maipipish manchachishpamari puricun, jacuchij mandajcunaman huillashunchij” ninacushpami, ñucahuan apanacujcunallataj imapi pandarijta chapancuna. “Ima shina umajta saquingapishchari. Chaipitajca japishcahuan huañuchishpa, ñucanchijmi mishashun” ninacuncunami.

JEREMÍAS 20:11

Shina cajpipish Mandaj Dioslla, canmari alli macanacuj jatun soldado shina ñucataca cuidacungui. Ñucata p'iñajcunaca mana mishai tucushpa urmangacunami. Huiñaita mana cungaripajtamari pingai tucushpa saquiringacuna.

JEREMÍAS 26:8

Mandaj Dios tucui chaipi cajcunaman imallata huillachun cachashcataca, Jeremías huillajpica, curacunapish, huillajcunapish, tucui chaipi cajcunapishmi paita japircacuna. Chaimantaca tucuicuna huaicashpami, cashna nircacuna: “Huañunami cangui.

JEREMÍAS 30:11

Ñucaca cancunata quishpichingapaj cancunahuanmi cani. Ñuca cancunata mai llajtallaman prezu cachashca cashpapish, chai llajtacunataca tucuchishami. Ashtahuanpish cancunataca mana tucuchishachu. Llaquichinataca llaquichishatajmi. Shina cashpapish cancunataca allichingapajllami llaquichisha” ninmi Mandaj Diosca.

JEREMÍAS 39:17

Shina cajpipish chai llaqui punllacunapica, ñucami canta quishpichisha. Cantaca can manchacushca runacunapaj maquipica, mana churashachu ninmi Mandaj Diosca.

JEREMÍAS 42:11

Mandaj Diosca cashnapishmi nin: Babilonia llajtata jatun mandajpaj ñaupajpi ricurinataca, ama manchaichijchu. Paitami cancunaca yallitaj manchanguichij. Paipaj maquimanta quishpichingapaj, cacharichingapajca ñucamari cancunahuan casha, ama manchaichijchu.

JEREMÍAS 46:28

Jacobopaj huahuacunalla, cancunaca ñucata servijcunamari canguichij, ama manchaichijchu. Ñucamari cancunahuan casha. Ñuca llujshichishpa cachajpi, cancunata apashca llajtacunata tucuchishpapish, cancunataca mana tucui chingachishachu. Ashtahuanpish cancunataca llaquichina shinallatami llaquichisha. Shina cashpapish, cancunataca llaquichinatajmi cani ninmi Mandaj Diosca” nircami.

DANIEL 3:25

Shina nijpimi jatun mandajca: –Ñucaca, chuscu runacuna nina chaupipi huatashcapish cacharirishca ima mana tucushpa puricujtamari ricuni. Chai chuscumanta shujca dioscunapaj churiman rijchajmari– nirca.

NÚMEROS 14:9

Shina cashcamanta Mandaj Diosta c'ariyashpa ama p'iñachichijchu. Chai llajtapi causajcunataca ama manchaichijchu. Paicunataca ñucanchijca tandata micuj shinallami chingachishun. Paicunata ayudajca paicunamanta anchurishcami. Ashtahuanpish Mandaj Diosmari ñucanchijhuanca. Chaimanta ama manchaichijchu– nircacunami.

Hechos 26:17

Ñucami cantaca judiocunamanpish, mana judiocunamanpish huillachun cachani. Paicuna imata rurachunpish mana saquishachu.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.