JEREMÍAS 1:17 - Dios Rimashca Shimicunami

¹⁷ Quiquinca alli chumbillirishpa shayarishpa, paicunataca ñuca imallata rimachun nishca shina rimanguilla. Paicunapaj ñaupajpi shayarinataca ama manchanguichu. Ñataj paicuna manchachichun, paicunapaj ñaupajpi quiquinllata saquiman.

JEREMÍAS 1:17 Iomraidhean Croise

1 REYES 18:46

Mandaj Diospaj maquica Eliaspaj jahuapimi carca. Chaimi paica alli chumbillirishcahuan rishpaca Jezreel pueblomanca Acab manaraj chayajpi chayarca.

2 REYES 1:15

Shina nijpi Mandaj Diospaj angelca Eliastaca: –Ama manchashpa paihuan uriyailla– nijpimi Eliasca, jatarishcahuan chai soldadohuan jatun mandajpajman uriyarca.

2 REYES 4:29

Shina nijpi Eliseoca, Giezi runataca: –Chumbillirishpa, ñuca taunata japishpa chai huarmipaj huasiman ri. Ñanpi pi tupajpipish ama allillachu cangui ningui. Pi canta allillachu cangui nijpipish, upalla ringui. Ña chayashpaca huambrapaj ñahui jahuapi ñuca taunata churangui– nirca.

2 REYES 9:1

Profeta Eliseoca, profeta canata yachacujcunapuramanta shujta cayashpaca: –Chumbillirishpa, cai botella aceiteta apashpa Galaadpi caj Ramotman ri.

JOB 38:3

Cunanca, chumbillirishpa c'ari c'ari shayari. Ñucami cantaca tapugrini, ñuca tapushcacunatami cutichina cangui.

ÉXODO 3:12

Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

ÉXODO 7:2

Tucui imalla ñuca mandashcataca Aaronmanca canmi huillangui. Israelcunata paipaj llajtamanta richun saquichunca cambaj huauqui Aaronmi faraonhuanca rimanga.

JEREMÍAS 1:18

Cunan punllatajmi, cantaca muyundijta jatun pircayuj pueblota shina, fierro pilarta shina, bronce patata shina pi mana cuyuchipaj cachun churani. Cai Judá llajtapi causajcunaca quiquintaca, jatun mandajcuna cashpapish, paicuna churashca mandajcuna cashpapish, curacuna cashpapish, tucui cai llajtapi causajcuna cashpapish, mana imata rurai tucungachu.

JEREMÍAS 17:18

Ñucata manchachinapaj randica, ñucata p'iñajcunata manchachiyari. Ñucata pingachinapaj randica, paicunata pingachiyari. Paicunapajca jatun llaqui punllata apamuiyari. Yuyarishpa, yuyarishpa llaquichiyari.

JEREMÍAS 23:28

Maijan huillaj muscushpaca muscunillami nishpa parlachun. Ñuca shimicunatataj chasquishpa huillajpish, ñuca shimi cashcallata huillachun. Ujshaca trigohuanca, mana chai shinallatajchu” ninmi Mandaj Diosca.

JEREMÍAS 26:12

Chashna nijpimi, Jeremiasca tucui mandajcunatapish, tucui chaipi tandanacushcacunatapish cashna nirca: “Mandaj Diosmari cai huasipish, cai pueblopish llaqui tucunataca huillachun cacharca. Pai imallata nishcallatami cancunamanca tucuita huillarcani.

JEREMÍAS 26:2

“Mandaj Diostajmi cashna mandani: Ñuca huasimanca tucui Judá llajtapi tiyaj pueblocunamantami adorangapaj shamuncuna. Tucui shamujcunaman ñuca imallata huillachun nishcata, ñuca huasi ñaupajpi shayarishpa huillagri. Imata mana saquishpa tucuitataj huillangui.

JEREMÍAS 36:8

Shina nijpica Neriaspaj churi Barucca, Dios huillachishcata huillaj Jeremías mandashca shinatajmi rurarca. Mandaj Diospaj huasiman rishpami, Diospaj shimicunata carapi quillcashca tiyacujtaca, chaipi cajcunaman tucuita rezashpa uyachirca.

LAMENTACIONES 3:57

Ñuca canta mañai punllamari ñucapajman c'uchuyashpaca: “Ama manchaichu” nihuarcangui.

JONÁS 3:2

“Jatari, Nínive puebloman ri. Chai jatun pueblopi causajcunaman ñuca imallata huillai nishcata huillagri” nircami.

Lucas 12:35

Cancunaca ña chumbillirishca, lamparatapish japichishca caichij.

Hechos 20:20

Chashna cashpapish ñucaca cancunaman huillanatapish, yachachinatapish manataj saquircanichu. Cancunapaj allipajllatajmi tucuicunapaj ñaupajpipish, cancunapaj huasin huasintapish huillashpa purircani.

Hechos 20:27

Taita Dios imallata munashcataca, mana pacashpami tucuita huillarcani.

1 Corintios 9:16

Alli huillaita huillashpaca, imamanta mana jatun tucunachu cani. Ashtahuanpish huillanataj cashcamantami huillani. ¡Alli huillaita mana huillashpaca aij ñucalla!

1 Tesalonicenses 2:2

Ñaupaman Filipospi cajpi ima shina c'amishpa llaquichishcataca, cancunallataj yachanguichijmi. Chaipica sinchi llaquicuna chaupipi cajpipish, Taita Diosmi paipaj alli huillaita huillachun ñucanchijmanca fuerzata curca.

1 Pedro 1:13

Chaimanta alli yuyaihuan chumbillirishca shina caichij, alli yachaj caichij. Jesucristo shamujpi mana c'uyaipajta c'uyashcata chasquishcaman chayana yuyailla caichij.