JEREMÍAS 1:14 - Dios Rimashca Shimicunami

¹⁴ Shina nijpica, Mandaj Diosca cashnami nirca: “Janaj lado llajtamantami cai tucui llajtapi causajcunapajca, jatun llaqui tallirimugrin.

JEREMÍAS 1:14 Iomraidhean Croise

ISAÍAS 14:31

Filisteapi caj pungucuna caparishpa huacaichigari. Chai llajtapi tucui causajcuna caparichigari. Tucui filisteocunami yacuyachishca canguichij. Cushni shinami janaj ladomanta soldadocuna shamucun. Chai soldadocunapurapica, filamanta llujshijca shujllapish mana tiyangachu.

ISAÍAS 41:25

Janaj ladoman cajtami cayarcani. Inti llujshin ladomanta shamushpami, ñuca shutipi mañanga. Paica mandajcunataca lodota shinami sarunga. Mangata ruraj runa, lodota saruj shinami sarunga.

JEREMÍAS 10:22

Judá llajtapi caj tucui pueblocunata shitashcata saquingapajmari, janaj llajtamantaca caparirishpa shamuncuna. Chacal animalcuna causanatamari rurangacuna– nircanimi.

JEREMÍAS 11:17

Canta tarpuj, tucuita Mandaj Diostajmari cantaca llaquichishami nini. Israelcunapish, can Judá runacunapish Baalman inciensota cushpa rupachishpa, millaita rurashpa ñucata p'iñachishcamantami chashna ruragrini” nircami.

JEREMÍAS 25:9

Chaimanta cunanca tucui janaj lado llajtacunapi causaj ch'ican ch'ican aillucunatapish, Babilonia llajtata jatun mandaj ñucata servij Nabucodonosortapishmi caiman pushamugrini. Paitami cai llajtapi causajcunatapish, cai muyundij tucui llajtacunatapish llaquichishpa tucuchichun churagrini. Chashna huiñaipaj shitashcata saquishpami, chanzata rurashpa asinata rurasha. Ñuca Mandaj Diostajmi chashna nini.

JEREMÍAS 31:8

Ñucami paicunataca janaj llajtamanta tigrachimusha, tucui cai pacha llajtacunamantami tandachimusha. Ñahui mana ricujcunatapish, patojocunatapish, chichu huarmicunatapish, llullu huahuayujcunatapish tucuicunatamari tandallata caiman tigrachimunga.

JEREMÍAS 4:6

Sión pueblopi miticunaman callpamuchun banderata alzaichigari. Janaj llajtamantamari jatun llaquita cachagrini, ama uniyaichijchu. Chaica cancunataca tucuchingamari.

JEREMÍAS 46:20

Cunanca Egipto llajtaca, sumaj malta bizi shinamari. Shina cajpipish, janaj llajtamantaca tucuchijmari shamucun.

JEREMÍAS 47:2

Mandaj Diosca cashnami nin: “Janaj llajtamantami jatun yacu jundashpa jicharimunga. Chai yacumari chai llajtapi jundanga, pueblotapish tucui chaipi causajcunandijmi millpunga. Chai tucui llajtapi causaj runacunami caparirishpa huacangacuna.

JEREMÍAS 50:41

Janajman caj caru llajtamantami achca jatun mandajcuna, achca soldadocunahuan shamugrincuna.

JEREMÍAS 50:9

Ñucamari janaj llajtamantaca Babilonia llajtata llaquichichun, tandanacushca c'ari c'ari runacunata pushamugrini. Chai janaj llajtamanta allichirishpa shamushpami, macanacushpa mishangacuna. Macanacunata alli yachaj c'ari c'ari runaca macanacuimantaca, mana chushajlla tigrangachu. Chashnallataj paicunapish puntajlla caspicunataca, shujllatapish mana yanga shitancunachu” ninmi.

JEREMÍAS 6:1

Benjaminpaj huahuacuna, Jerusalenmanta llujshishpa callpaichigari. Ñamari janaj lado llajtamantaca, cancunata tucuchij jatun llaqui shamucun. Tecoa pueblopica, bocinapi tocashpa huillagrichigari. Bet-haquerem pueblo c'uchupi cushnita churashpa ricuchichigari.

JEREMÍAS 6:22

Mandaj Diosca cashnapishmi nin: “Janaj lado llajta runacunami shamugrin. Cai pacha tucuri llajtamantaca huaranga, huaranga runacunami shamugrin.

EZEQUIEL 1:4

Ñucaca, janaj ladomanta jatun acapana shamucujtapish, achca p'uyu jahuata nina pillurishca shamucujtapishmi ricurcani. Chai p'uyu muyundijtaca, achij nicurcami. Shinallataj nina chaupipica, bronceman rijchajmi achij nicurca.

EZEQUIEL 24:3

Chai mana cazuj ch'ahuan runacunamanca, yuyachij parlohuan cashna rimai: Mandaj Jatun Diosca cashnami nin: Tullpapi mangata tiyachishpa yacuta churangui.

JOEL 2:20

Cancunata llaquichijcuna janaj ladomanta shamucujpica, carcushpami cachasha. Paicunataca chaquishca, shitashca pambapimi churasha. Ñaupashpa rijcunataca inti llujshin lado mama cuchapimi shitasha. Huashata catishpa rijcunataca inti huashicun lado mama cuchapimi shitasha. Chai huañushcacunapaj aicha ismushpaca, achcatami ashnanga. Jatun llaquicunata rurashcamantami, chashna rurasha” ninmi.

ZACARÍAS 6:6

Yana caballocunaca carretataca, huichimanmi aisashpa rircacuna. Yuraj caballocunaca caishuj carretataca, chaininijmanmi aisashpa rircacuna. Bayo caballocunahuan caj carretataca, urimanmi aisashpa rircacuna.