JEREMÍAS 1:13 - Dios Rimashca Shimicunami

¹³ Chai q'uipapish, Mandaj Diosca cutinllatajmi ñucataca: “¿Imatataj ricungui?” nishpa tapujpi, ñucaca: “Janajpi shuj manga t'imbushpa, ñalla jicharigrijtami ricuni” nircanimi.

JEREMÍAS 1:13 Iomraidhean Croise

GÉNESIS 41:32

Can faraón ishqui cutin muscushcaca Taita Diosca ruranataj cashcata ña ruragrishcatami ricuchin.

ISAÍAS 55:11

Ñuca shimimanta llujshij shimicunapish chai shinallataj ñucapajmanca, mana chushajlla tigrangachu. Ñuca munashcata rurashpatajmi tigranga. Ñuca imallaman cachashcataca rurashpa catingatajmi.

JEREMÍAS 24:3

Chaita ricuchishpami Mandaj Diosca: “Jeremías, ¿imatataj ricungui?” nishpa tapujpi, ñucaca: “Higocunatami ricuni. Alli higocunaca sumaj higocunami, ismushca higocunapish mana micui tucuipaj, yallitaj ismushca higocunami” nircanimi.

EZEQUIEL 11:3

Paicunaca cashnami nincuna: Llaquicunaca manaraj ñapish chayamungachu, huasicunataca rurashunchijlla. Cai puebloca manga shinami canga, ñucanchijca aicha shinami cashun nincunami.

EZEQUIEL 11:7

Chaimantami Mandaj Jatun Diosca cashna nini: Cai pueblo chaupipi churashca cancunapaj huañushcacunami aichaca canga, mangaca cai pueblomi canga. Ashtahuanpish cai pueblomantaca cancunataca llujshichishami.

EZEQUIEL 12:28

Chashna nicujcunamanca cashna nishpa huillai: Mandaj Jatun Diosca cashnami nin: Ñuca imalla huillashca shimicunaca ña mana ashtahuan uniyangachu, ashtahuanpish ñuca imalla huillashca shimicunaca pajtangatajmi ninmi Mandaj Jatun Diosca nishpa huillai” nircami.

AMÓS 8:2

Chashna ricuchishpaca: –Amós, ¿imatataj ricungui?– nijpica ñucaca: –Usya punllacuna p'ucushca granocunatami, taza junda tiyacujta ricuni– nircanimi. Chashna nijpica, Mandaj Diosca cashnami nirca: –Ñuca agllashca israelcuna tucurinami ña chayamushca. Cunantajca mana uniyashachu.

ZACARÍAS 4:2

Chai angelca ñucataca: “¿Imatataj ricungui?” nishpami tapurca. Shina nijpica ñucaca cashnami nircani: “Curi candelerotami ricuni. Chai candelero jahuapica, aceiteta churanatapishmi ricuni. Shinallataj chai jahuapica, canchis lamparacuna tiyacujtapishmi ricuni. Chai lamparacunaca canchis tubocunatami charin.