JEREMÍAS 1:12 - Dios Rimashca Shimicunami

¹² Shina nijpica Mandaj Diosca: “Allimi ricushcangui. Ñuca canta imallata huillachishcataca utcami pajtachigrini” nircami.

JEREMÍAS 1:12 Iomraidhean Croise

ISAÍAS 55:11

Ñuca shimimanta llujshij shimicunapish chai shinallataj ñucapajmanca, mana chushajlla tigrangachu. Ñuca munashcata rurashpatajmi tigranga. Ñuca imallaman cachashcataca rurashpa catingatajmi.

JEREMÍAS 1:13

Chai q'uipapish, Mandaj Diosca cutinllatajmi ñucataca: “¿Imatataj ricungui?” nishpa tapujpi, ñucaca: “Janajpi shuj manga t'imbushpa, ñalla jicharigrijtami ricuni” nircanimi.

JEREMÍAS 24:3

Chaita ricuchishpami Mandaj Diosca: “Jeremías, ¿imatataj ricungui?” nishpa tapujpi, ñucaca: “Higocunatami ricuni. Alli higocunaca sumaj higocunami, ismushca higocunapish mana micui tucuipaj, yallitaj ismushca higocunami” nircanimi.

JEREMÍAS 31:28

Ñucaca paicunataca sapimanta aisashpa shitanata, tucui urmachinata, jatun llaquita ruranata, tucui ima tiyajta chingachinata huanachinata yuyarishpaca, rurangacama chai yuyaimi carcani. Q'uipataca, chai shinallataj chai yuyaimi cutin tigra shayachimushpa tarpusha.

EZEQUIEL 12:25

Imalla tucunata Mandaj Dios ñuca huillashcataca, mana uniyashpami pajtachisha. Mana cazuj israelcunalla, cancunaman huillashca shimicunataca pajtachishatajmi ninmi Mandaj Jatun Diosca ningui” nircami.

EZEQUIEL 12:28

Chashna nicujcunamanca cashna nishpa huillai: Mandaj Jatun Diosca cashnami nin: Ñuca imalla huillashca shimicunaca ña mana ashtahuan uniyangachu, ashtahuanpish ñuca imalla huillashca shimicunaca pajtangatajmi ninmi Mandaj Jatun Diosca nishpa huillai” nircami.

AMÓS 8:2

Chashna ricuchishpaca: –Amós, ¿imatataj ricungui?– nijpica ñucaca: –Usya punllacuna p'ucushca granocunatami, taza junda tiyacujta ricuni– nircanimi. Chashna nijpica, Mandaj Diosca cashnami nirca: –Ñuca agllashca israelcuna tucurinami ña chayamushca. Cunantajca mana uniyashachu.

Lucas 10:28

Chaimi Jesusca: –Allitami nishcangui. Chaicunata pajtachishpaca huiñai causaita charinguimi– nirca.

Lucas 20:39

Mandashcacunata quillcajcunamanta maijancunaca Jesustaca: –Yachachij, allitamari ningui– nishpaca,

DEUTERONOMIO 18:17

Chaimantami Mandaj Diosca ñucataca: Paicuna nishcaca allimari.

DEUTERONOMIO 32:35

Chai tucuimantaca ñucami paicunatapish llaquichisha. Paicuna rurashca shinallatajmi cusha. Paicunapaj llaqui punllaca ñallami chayamugrin. Paicunaman cunataca allichishcatami charicuni.

DEUTERONOMIO 5:28

Cancuna chashna nijta uyashpami, Mandaj Diosca ñucamanca cashna nirca: Cai gentecuna canta imalla nishca shimicunataca uyanimi. Tucui chai nishcacunaca allimi.