JEREMÍAS 1:10 - Dios Rimashca Shimicunami

¹⁰ Riqui, cunantajmi cantaca llajtacunata jatun mandajcunatapish, llajtacunapi causajcunatapish sapimanta llujshichichun, urmachishpa chingachichun, cutin shayachichunpish, llajtacunata cutin tigrachichunpish cantaca churani” nircami.

JEREMÍAS 1:10 Iomraidhean Croise

1 REYES 17:1

Galaadpi causajcunapuramanta tisbita Eliasca jatun mandaj Acabtaca: “Israelcunata Mandaj Taita Diosca causajmi. Ñucaca paipajtami rurani. Ñuca cutin tamyachun ningacama cai huatacunapica manataj tamyangachu, shullallapish manataj tiyangachu” nircami.

1 REYES 19:17

Hazaelpaj espadamanta quishpirijtaca, Jehumi huañuchinga. Jehupaj espadamanta quishpirijtaca, Eliseomi huañuchinga.

ECLESIASTÉS 3:3

Huañuchingapajpish, jambingapajpish, imata shayachingapajpish, imata urmachingapajpish punllami chayan.

JEREMÍAS 1:5

“Manaraj cambaj mamapaj huijsapi huiñachishpami, cantaca ña ricushcata charicurcani. Manaraj huacharijpimi, cantaca ñucallata servichun agllarcani. Cantaca tucui llajtacunapi causajcunaman ñuca ima nishcata huillajtami rurarcani” nircami.

JEREMÍAS 24:6

Paicunapaj allita rurangapajmi, paicunapaj jahuapi ñuca ñahuita churasha. Cutintaj cai llajtaman tigrachimushpami, cutin shayachisha. Chashna shayachishcataca, cutinca manataj chingachishachu. Ñuca shayachishca yurataca, manataj cutinca sapimanta aisashachu.

JEREMÍAS 25:13

Chai llajtapajca, imalla llaquicunata cachanata huillachishcatami cachasha. Chai llajtatapish, tucui shujtaj llajtacunatapish ñuca ima shinalla llaquichinata Jeremías huillashca shimicunaca, pai huillashcata quillcashca cai libropimi tiyacun.

JEREMÍAS 31:28

Ñucaca paicunataca sapimanta aisashpa shitanata, tucui urmachinata, jatun llaquita ruranata, tucui ima tiyajta chingachinata huanachinata yuyarishpaca, rurangacama chai yuyaimi carcani. Q'uipataca, chai shinallataj chai yuyaimi cutin tigra shayachimushpa tarpusha.

JEREMÍAS 31:40

Shinallataj huañushca aichacunata pambana, ushpata shitana pugru pambapish, chai tucui lado pambapish cedrón shuti huaicucama, inti llujshin ladoman caj caballocuna yaicuna pungucamami ñuca, Mandaj Diospajlla ch'icanchishca pueblo tucunga. Chaimanta cai pueblopi causajcunaca, ña mana llujshichishpa cachashca cangacunachu, cutinca mana urmachishca cangachu” ninmi.

JEREMÍAS 36:2

“Quillcana cara pillushca tiyacujta japi. Chaipica israelcunapajpish, Judá runacunapajpish, tucui shujtaj llajtacunapajpish, imalla llaquicunata cachanata Josías causacui punllacunamantapacha cunancama ñuca imallata huillashca shimicunata quillcai.

JEREMÍAS 44:27

Ñuca paicunapaj ima allita ruranapaj randica, jatun llaquita rurangapajmi paicunataca chaparacuni. Cai Egipto llajtapi caj Judá runacunaca tucuicunami espadahuanpish, yaricaihuanpish chingachishca cangacuna.

JEREMÍAS 45:4

Chaimanta paitaca cashna ningui ninmi: Mandaj Diosca cashnami nin: Ñuca shayachishcacunatami urmachicuni, ñuca tarpushcacunatami aisashpa shitacuni. Tucui cai llajtapi causajcunatami chashna rurasha.

EZEQUIEL 21:19

“Huañujlla aichayuj runalla, Babilonia llajtata jatun mandajpaj espada shamunapajca, ishqui ñanta rurashpa ricuchi. Chai Babilonia llajtallamantataj ishquindij ñanta llujshichingui. Shinallataj chai ñan callaricunapica, maijan puebloman rina cashcata ricuchij señaltapish churangui.

EZEQUIEL 23:36

Mandaj Diosca ñucataca cashnami nirca: “Huañujlla aichayuj runalla, Ahola huarmimanpish Aholiba huarmimanpish caicunataca canmi ricuchina cangui. Millananata paicuna rurashcamanta llaquichina cashcataca canmi huillana cangui.

EZEQUIEL 32:18

“Huañujlla aichayuj runalla, Egipto llajtapi causajcunamanta yupashpa yupashpa huacangui. Paitapish jatun tucushca llajtacunapi causaj huarmicunatapish, pambana jutcuman uriyajcunandij allpa ucuman cachangui.

EZEQUIEL 36:36

Shinallataj cancunapaj muyundij llajtacunapi causajcunaca tucui urmashcatapish ñuca cutin shayachishcata, tirashpa shitashcatapish ñuca cutin tarpushcatami ricungacuna. Caicunataca Mandaj Dios ñucatajmi chashna nini, chashna nishcataca rurashatajmi.

EZEQUIEL 43:3

Jerusalenta chingachinaman shamunata muscuipi ricushca shinallatatajmi, chaipipish ricurcani. Quebar jatun yacu c'uchupi cashpa muscuipi ricushcacunata shinallatajmi, chaipipish ricurirca. Chaita ricushpaca, pambaman tupajtami cumurircani.

OSEAS 6:5

Chaimantami ñuca cancunata tucuchinataca profetacunata huillachircani. Ñuca shimimanta llujshishca shimicunapi nishca shinallatajmi huañuchichircani. Ñuca cachashca llaquicunaca rayo shinami canga.

AMÓS 3:7

Mandaj Jatun Diosca pai ima nishcata huillaj paita servijcunaman ima tucunata manaraj huillachishpaca, mana llaquichinllachu.

AMÓS 9:11

Shamuj punllapica, Davidpaj shayachishca carpa huasitaca cutin shayachishami. Paicunapaj pata t'unishcatapish allichishpa shayachishami. Tucui imalla urmashcatapish shayachishami. Paicunataca ñaupa punllacunapi cashca shinallatajmi allichisha.

ZACARÍAS 1:6

Ashtahuanpish cancunapaj yayacunamanca ñuca shimicunatapish, ñuca mandashcacunatapish ñuca ima nishcata huillaj runacunatami huillachun mandarcani. Ñuca mandashcacunaca, paicunapajmanmi chayarca. Chaimantami ñucapajman cutirircacuna. Paicunaca cashnapishmi nircacuna: Mandaj Diosca, ñucanchijtaca mana alli ñancunapi puricushcamantapish, millaita rurashcamantapishmi, chashna llaquichinataca yuyarirca. Pai rurasha nishca shinallatajmari ñucanchijtaca llaquichin nircacunami nishpa huillai” nircami.