GÉNESIS 9:7 - Dios Rimashca Shimicunami

⁷ Ashtahuanpish cancunaca huahuacunayuj tucushpa, alli huiñachishpa achcata mirarichij. Cai pachapica achca huahuacunayuj tucushpa tucuipi jundarichij” nircami.

GÉNESIS 9:7 Iomraidhean Croise

GÉNESIS 1:28

Taita Diosca paicunata alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarishpa cai pachata mandanguichij. Yacupi causaj animalcunatapish, huairapi purij alasyuj animalcunatapish, allpapi purij tucui animalcunatapish cancuna mandanguichij” nircami.

GÉNESIS 35:11

Taita Diosca chaillapitajmi cashnapish nirca: “Ñucaca Ñucalla Tucuita Rurai Tucuj Taita Diosmi cani. Canca huahuacunayuj tucushpa achcata mirarilla. Canmantami shuj jatun llajtapish, achca aillucunapish tucunga. Cambaj huijsamanta llujshishca huahua huahuacunaca jatun mandajcunami canga.

GÉNESIS 8:17

Canhuan caj tucui laya animalcunataca, huairata purij animalcunatapish, sacha animalcunatapish, llucaj animalcunatapish tucui cai pachata rishpa mirarishpa jundarichun llujshichi” nirca.

GÉNESIS 9:1

Taita Diosca Noetapish, paipaj churicunatapish alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarichij.

GÉNESIS 9:19

Chai quimsa runacunami Noepaj churicunaca. Paicunamantami tucui cai pachapi mirarishpa catirca.

GÉNESIS 9:8

Taita Diosca Noeta, paipaj churicunataca cashnapishmi nirca:

JEREMÍAS 29:6

Shinallataj casarashpa churicunata, ushushicunata charichijlla. Paicunapish huahuacunayuj tucuchun casarachichijlla. Tucurinapaj randica, chai llajtapi ashtahuan mirarichijlla.