GÉNESIS 9:6 - Dios Rimashca Shimicunami

⁶ Maijanpish shuj runapaj yahuarta jichajtaca, paitapish shujtaj runami yahuarta jichanga. Runataca Taita Dios paiman rijchajta rurashcamanta pi mana yahuarta jichanallachu.

GÉNESIS 9:6 Iomraidhean Croise

GÉNESIS 4:14

Ñucata cai allpamanta llujshichishpa cachajpica, cunanca quiquinpaj ñaupajmanta miticushpa rishallami. Cai allpapica maipi causanata mana charij, caru llajtamanta shina puricushallatajchari. Chaipica ñucataca pipish japishpa huañuchingallatajchari– nirca.

GÉNESIS 42:22

Chaimi Rubenca: –¿Manachu ñucaca cai huambrata llaquichishpa ama juchallichijchu nircani? Ashtahuanpish cancuna mana uyashcamantami, cunanca paipaj yahuar ñucanchijta llaquichichun mañacun– nirca.

GÉNESIS 5:1

Adanpaj huahua huahua callari yayacunapaj shuticunata quillcashcaca caicunami: Taita Diosca runata ruracui punllaca, paiman rijchajtami rurarca.

2 SAMUEL 4:11

Manapish ima mana allita rurashpa paipaj huasipi paipaj camapi dormicujta japishpa huañuchij millai runacunatacarin chai yahuarmantaca cancunatacarin ¿manachu huañuchishpa cai pachamanta anchuchinataj cani?– nirca.

1 REYES 2:9

Ashtahuanpish paita llaquichinataca amataj saquingui. Canca yachaj runa cashcamanta paita imata rurana cashcataca yachanguimi. Pai puzujlla uma tucungacama causajpipish yahuaryachishpataj Seolman uriyachun saquingui” nircami.

2 REYES 11:1

Ocoziaspaj mama Ataliaca paipaj churi huañushcata yachashpa jatarishpaca, jatun mandajpaj tucui huahua huahuacunatami chingachirca.

2 REYES 11:16

Chaimi Atalía huarmita japishpa jatun mandajpaj caballocunahuan chayana punguman chayachishpa chaipi huañuchircacuna.

2 REYES 11:20

Chaipica tucui chai llajtapi causajcunami jatunta cushicurcacuna. Atalía huarmitaca jatun mandajpaj huasi c'uchupimi huañuchircacuna. Pai huañujpica, tucui chaipi causajcunami sumaj causaita charircacuna.

2 CRÓNICAS 33:24

Jatun mandaj Amontaca paipajta rurajcunallataj huashalla shujtajcunahuan yuyarinacushpami, paipaj huasillapitaj huañuchircacuna.

SALMOS 51:4

Quiquintaca p'iñachishcanimari. Juchallishpaca p'iñachishcanimari. Quiquinpaj ñaupajpica millaitamari rurashcani. Chaimanta rimashpaca rimana cajllapitajmi rimashcangui. Manapish rimana cajpica mana rimashcanguichu.

ÉXODO 20:13

Ama huañuchingui.

PROVERBIOS 28:17

Huañuchij runaca huañuna punllacama miticushpallami purin. Chai runataca huañunamanta pi mana jarcaipajmi.

ECLESIASTÉS 3:3

Huañuchingapajpish, jambingapajpish, imata shayachingapajpish, imata urmachingapajpish punllami chayan.

LEVÍTICO 17:4

Mandaj Dioshuan tupana carpa huasiman Mandaj Diospaj ñaupajman mana apashpa chaipi mana cungaraicu paicuna causacunpi huañuchishpaca chai yahuarmantaca mandashcata mana pajtachishcamanta juchayujmi canga. Chai yahuarmantaca chai runaca israelcunapuramanta anchuchishcami canga.

LEVÍTICO 24:17

Maijanpish huañuchijtaca, paitapish huañuchichun.

NÚMEROS 35:16

Fierromanta rurashca imacunahuan huañuchijca, huañuchina yuyaihuantaj huañuchijmi canga. Paipish huañunatajmi can.

NÚMEROS 35:25

Tandanacushca israelcunaca chashna rurashpa huañuchijtaca huañuchishcamanta paitapish huañuchisha nicujpaj maquimanta quishpichichun. Chai huañuchijtaca tandanacushca israelcunaca pai miticushpa tiyacushca llajtaman tigrachichun. Chai huañuchijca, Diospajlla aceitehuan churashpa curacunata mandaj cachun churashca cura huañungacama chai pueblollapitaj causachun.

NÚMEROS 35:33

Cancuna causacun llajtataca ama mapayachinguichijchu. Yahuarta jichachishpa chai llajtata mapayachijpica, llajtaca yahuarta jichashpa mapayachishcamantaca mapa illajca mana cai tucunchu. Huañuchijtapish huañuchijllapimi mapa illajlla tucunga.

Mateo 26:52

Jesusca: –Cambaj espadata huaquichinapi huaquichi. Espadahuan macanacujcunataca, espadallahuantaj huañuchishcami canga.

Romanos 13:4

Mandajca cambaj allipajllataj Diospajta rurajmi. Chaimanta millaita rurashpaca manchanami cangui, espadataca mana yanga apanchu. Mana allita rurajta cashcatataj ricuchishpa llaquichingapajmi apan.

1 Corintios 11:7

C'arica, Diosman rijchaj, Dios sumaj cashcata ricuchij cashcamantami, umataca mana ch'ungurina. Ashtahuanpish huarmica, c'ari sumaj cashcata ricuchijmi.

DEUTERONOMIO 19:11

Ashtahuanpish maijanca p'iñacushca cashca cashcamanta, huañuchina yuyaihuantaj puricushpataj chugrichishpa huañuchingachari. Chai runa miticuna maijan pueblopi miticugringachari. Miticushpa rijpica,

DEUTERONOMIO 5:17

Ama huañuchingui.

Santiago 3:9

Chai c'alluhuanmi Dios Yayataca, allimari cangui ninchij. Chaillahuantajmi Diosman rijchajta rurashca gentecunatapish, llaqui tucushca canman ninchij.

Apocalipsis 13:10

“Maijanpish prezu apashca cana cajca, prezu apashcami canga. Maijanpish espadahuan huañuna cajca, espadahuan huañuchishcami canga”. Chaimantami jucha illajcunaca, mana p'iñarij alli shungu, crij caticunalla.

JUECES 9:56

Abimelec paipaj canchis chunga huauquicunata huañuchishpa, paipaj yayata llaquichishcamantaca, Diosca paitapish chashnallatajmi llaquichirca.

1 SAMUEL 15:33

Samuelca Agagtaca: –Ima shinami canpish cambaj espadahuan mamacunataca huahuacuna illajta saquircangui. Chai shinallatajmi cambaj mamapish huarmicunapurapica huahua illajlla saquiringa– nishcahuanmi, Samuelca Gilgalpi Mandaj Diospaj ñaupajpi Agagtaca, mirga mirgapi p'itirca.