GÉNESIS 9:5 - Dios Rimashca Shimicunami

⁵ Chashna cashcamanta maijanpish shujtajta huañuchijtaca, llaquichingapaj catishatajmi. Shinallataj maijan animalpish maijan runata huañuchijtaca llaquichingapaj catishatajmi. Runata huañuchijtaca pi cachunpish llaquichingapaj catishatajmi.

GÉNESIS 9:5 Iomraidhean Croise

GÉNESIS 42:22

Chaimi Rubenca: –¿Manachu ñucaca cai huambrata llaquichishpa ama juchallichijchu nircani? Ashtahuanpish cancuna mana uyashcamantami, cunanca paipaj yahuar ñucanchijta llaquichichun mañacun– nirca.

2 SAMUEL 4:11

Manapish ima mana allita rurashpa paipaj huasipi paipaj camapi dormicujta japishpa huañuchij millai runacunatacarin chai yahuarmantaca cancunatacarin ¿manachu huañuchishpa cai pachamanta anchuchinataj cani?– nirca.

1 REYES 2:6

Chashna rurashcamantaca alli yuyarishpa canpi ima shina alli cashcata ricushpa rurangui. Paitaca yuyajcama causashpa sumajta huañushpa Seolman uriyachunca ama saquingui.

2 REYES 11:1

Ocoziaspaj mama Ataliaca paipaj churi huañushcata yachashpa jatarishpaca, jatun mandajpaj tucui huahua huahuacunatami chingachirca.

2 CRÓNICAS 24:22

Zacarías ña huañushpaca: Cashna rurahuashcataca “Mandaj Dios ricuchun, paillataj imatapish nichun” nircami. Jatun mandaj Joasca, Zacariaspaj yaya Joiada paihuan tucuipi alli cashcataca mana yuyarishpa, Zacariastaca huañuchircallami.

2 CRÓNICAS 33:24

Jatun mandaj Amontaca paipajta rurajcunallataj huashalla shujtajcunahuan yuyarinacushpami, paipaj huasillapitaj huañuchircacuna.

2 CRÓNICAS 33:25

Huashalla yuyarinacushpa jatun mandaj Amonta huañuchijcunatapish, Judá llajtapi causajcunaca tucuicunata huañuchishpami, Amonpaj randica paipaj churi Josiasta mandachun churarcacuna.

SALMOS 9:12

Diosca huañuchishcamanta paitapish llaquichinataca mana cungarircachu. Llaquihuan cajcuna caparishpa mañashcatapish, mana cungarircachu.

ÉXODO 20:13

Ama huañuchingui.

ÉXODO 21:12

Maijanpish shujtajta macashpa huañuchijca, paipish huañungami.

LEVÍTICO 19:16

Cambaj llajtapica ama huashalla parlashpa purij cangui. Pita ama huañuchisha nishpa puringui. Ñucami Mandaj Dios cani.

LEVÍTICO 24:17

Maijanpish huañuchijtaca, paitapish huañuchichun.

LEVÍTICO 24:21

Maijanpaj animalta huañuchijca, chai shinallataj animalta tigrachichun. Maijanpish shuj runata huañuchijca paipish huañungami.

NÚMEROS 35:16

Fierromanta rurashca imacunahuan huañuchijca, huañuchina yuyaihuantaj huañuchijmi canga. Paipish huañunatajmi can.

NÚMEROS 35:17

Rumihuan huañuchijpish, huañuchina yuyaihuantaj huañuchijmi canga. Paipish huañunatajmi can.

NÚMEROS 35:18

Jatun caspihuan huañuchijpish, huañuchina yuyaihuan huañuchijmi canga. Paipish huañunatajmi can.

NÚMEROS 35:21

Mana cashpaca p'iñanacushca cashcamanta macanacucushpa huañuchingachari. Chai runaca huañuchijmi canga. Paipish huañunatajmi can. Huañuchijtaca huañujpaj familia maipi tupashpapish huañuchichunlla.

Mateo 23:35

Chaimantaca, cashcata rurashpa causaj ñaupa gentecunata huañuchishca yahuarmanta llaquitaca, cancunami apanguichij. Cashcata ruraj Abelmanta callarishpa, Berequiaspaj churi Zacariastapish huañuchishcacamami, chai llaquitaca apana canguichij. Diospaj huasihuan, altarhuan chaupipimi Zacariastaca huañuchircanguichij.

Hechos 17:26

Taita Diosca tucui cai pachapi mirarishpa causachunpish shuj runallatami churarca. Taita Diosllatajmi llajtacunapish maillata canata, maillapi causanatapish mandarca.

DEUTERONOMIO 19:11

Ashtahuanpish maijanca p'iñacushca cashca cashcamanta, huañuchina yuyaihuantaj puricushpataj chugrichishpa huañuchingachari. Chai runa miticuna maijan pueblopi miticugringachari. Miticushpa rijpica,

DEUTERONOMIO 19:12

Chaipica paitaca chai pueblopi causaj cunaj yuyajcuna chaimanta llujshichinaman cachashpa, huañuchishcamanta paitapish huañuchisha nicujpaj maquipi churachun mandachun. Chaipi paita huañuchichun.

JUECES 9:56

Abimelec paipaj canchis chunga huauquicunata huañuchishpa, paipaj yayata llaquichishcamantaca, Diosca paitapish chashnallatajmi llaquichirca.