GÉNESIS 9:3 - Dios Rimashca Shimicunami

³ Causaiyuj caj tucui animalcunaca cancuna micunapajmi. Chashnallataj yacu granocunatapish, verdi q'uihuacunatapish tucuitami cancunaman cuni.

GÉNESIS 9:3 Iomraidhean Croise

GÉNESIS 9:2

Cai pachapi tiyaj tucui animalcunaca huairata purij alasyuj animalcunapish, pambapi purij animalcunapish, mama cuchapi causaj animalcunapish tucuicunami cancunata manchacuj tucungacuna. Tucui chaicunataca cancunapaj maquipimi churani.

LEVÍTICO 22:8

Huañushca animalta cashpa, sacha animal huañuchishpa mirga mirgata rurashcata cashpapish ama micuchun. Chaicunata micushpaca mapayangami. Ñucami Mandaj Dios cani.

Romanos 14:14

Ñucaca Mandaj Jesuspi shunguta churashcamantaca, imapish paillatajca mana mapa cashcatami yachani. Ashtahuanpish maijan mapa cashcata yuyajpajca mapami.

Romanos 14:17

Dios mandashca cajcunaca, mana micuna ubyana yuyailla canachu. Ashtahuanpish jucha illaj Espiritumantaca cashcata rurana, sumaj causai, cushicuimari.

Romanos 14:20

Dios allichishpa churashcataca, can imatapish micushcahuan ama chingachinguichu. Tucui ima micunapish chuyatajmi. Ashtahuanpish shujtajcunata ñitcachij micuita micunami mana alli.

Romanos 14:3

Tucui imatapish micujca, mana tucuita micujtaca ama yanganchichun. Shinallataj mana tucuita micujpish, tucuita micujtaca ama juchachichun. Diosmi paitapish chasquishca.

1 Corintios 10:23

Tucui imatapish rurai tucunimi, ashtahuanpish chaica mana tucui allichu. Tucui imatapish rurai tucunimi, ashtahuanpish chaica mana tucui sinchiyachinchu.

1 Corintios 10:31

Micushpapish, ubyashpapish, tucui imata rurashpapish, Diosta jatunyachingapaj ruraichij.

DEUTERONOMIO 12:15

Maijanpish micuita charinata munashpaca maipi causacunllapitaj animalcunata huañuchishpa micuchunlla. Paicunaman Mandaj Dios ima shina cushca shinallataj rurachunlla. Chai aichataca cancuna mapa cashpapish, chuya cashpapish gacela, ciervo nishca tarugacunapaj aichata micuj shina micui tucunguichijllami.

Colosenses 2:16

Chaimanta cancunataca ima micunamanta, ima ubyanamanta, fiesta punllacunamanta, llullu luna punllacunamanta, samana punllacunamantapish pi ama imata nishpa juchachichun.