GÉNESIS 9:23 - Dios Rimashca Shimicunami

²³ Chaimi Sempish, Jafetpish churanata japishpa paicunapaj rigra jahuapi churashpa, huashaman purishpa paipaj yaya lluchulla cashcataca tapachircacuna. Chashnami paicunapaj yaya lluchulla cashcataca mana ricurcacuna

GÉNESIS 9:23 Iomraidhean Croise

GÉNESIS 9:22

Canaanpaj yaya Cam runaca, paipaj yaya lluchulla siricujta ricushpami, canllaman caj paipaj ishqui huauquicunaman chaita huillarca.

GÉNESIS 9:24

Noeca machai cacharirishpa rijcharishpami, paipaj q'uipa churi Cam imata rurashcata yachaj chayashpa,

ÉXODO 20:12

Mandaj cambaj Dios canman cushca llajtapi unita causangapajca, cambaj yayata cambaj mamata alli ningui.

LEVÍTICO 19:32

Puzujlla uma yuyajcunataca paicunapaj ñaupajpi shayarishpa alli ninguichij. Cambaj Taita Diosta manchanguichij. Ñucami Mandaj Dios cani.

Romanos 13:7

Imallamanta pagana cashcata pagaichij: Tributotaca, tributota japijman, impuestotaca, impuestota japijman, cumurina cajtaca cumurichij, alli nina cajtaca alli nichij.

Gálatas 6:1

Huauquicuna, ima juchapi maijan urmashca cajpica, Diospajlla cajcuna manso shunguhuan ayudaichij. Can chashna tucushcata shina yuyashpa ayudangui. Ñataj canpish chashnallataj tucunguiman.

1 Timoteo 5:1

Yuyajcunataca ama sinchita rimangui, ashtahuanpish quiquin yayata shina yuyachishpa rimangui. Q'uipa huiñaicunatapish quiquin huauquicunata shina yuyachishpa rimangui.

1 Timoteo 5:17

Tandanacushca crijcunata alli mandaj ancianocunaca, ishquiman cuna cashcata japichun. Ashtahuantajca huillana yuyailla, yachachina yuyailla cajcuna chashna japichun.

1 Timoteo 5:19

Shuj ancianota juchachijpi, ishqui cashpa, quimsa cashpa huillajcuna mana tiyajpica, ama chasquingui.

1 Pedro 2:17

Tucuicunahuan alli caichij. Huauquicunata c'uyaichij. Diosta manchaichij. Jatun mandajtapish cazuichij.

1 Pedro 4:8

Tucuimanta yallica, cancunapurapi tucui shunguhuan c'uyaj caichij. C'uyaica, achca juchacunatapish perdonachijmi.