GÉNESIS 9:21 - Dios Rimashca Shimicunami

²¹ Chai uva vinota ubyashpa machashpami Noeca, paipaj carpa huasi chaupi ucupi lluchulla siricurca.

GÉNESIS 9:21 Iomraidhean Croise

GÉNESIS 6:9

Noepaj huahua huahua callari yayacunaca caicunami: Noé causai punllacunapica, Noellami cashcata ruraj, ima juchachina illajlla carca. Noeca Taita Dioshuanmi purirca.

GÉNESIS 9:20

Noeca allpapi cutinllataj trabajai callarishpaca uvatami tarpurca.

PROVERBIOS 20:1

Vinopish, sidrapish mana cazushpa asijta, caparirishpa rimarijta ruranllami. Panda yuyaita japishpa chashna machashpalla purijca, yachaisapa cashcataca mana ricuchinchu.

ECLESIASTÉS 7:20

Cai pachapica cashcata ruraj cashpapish, manataj ima juchata rurashpa, allillata rurashpa causajca, shujllapish mana tiyanchu.

Romanos 13:13

Punllapi shina alli purishunchij. Jatun micui ubyaitapish ama rurashunchij, ama machashunchij, aicha munailla canata jarcarishunchij, cacharishcacuna ama cashunchij, ama macanacushunchij, ama envidiashunchij.

1 Corintios 10:12

Maijanpish sinchi cashcata yuyajca, ama urmangapajca alli ricurangui.

Gálatas 5:21

envidiaicuna, huañuchicuna, machaicuna, maipish cachun fiestacuna, imapish chai shina ruraicunapishmi tiyan. Chaicunamantaca ñaupaman ña huillashca shinallatajmi, cancunataca mandani. Chaicunata rurajcunaca, Dios mandacujpi cana cajca mana cai tucunchu.

Tito 2:2

Yuyaj c'aricunataca, alli yuyaiyuj, mana pugllarij, yuyaisapa, tucui shunguhuan crij, c'uyaj, mana p'iñarijcuna cachun yachachingui.

Apocalipsis 3:18

Chaimantami cantaca cashna cunani. Charij casha nishpaca, ninapi rupachishca ima mapa illaj curita ñucaman randiyari. Cambaj lluchulla pinganayaj aichata taparingapajpish yurajlla churanata ñucaman randishpa churariyari. Ñahuicuna alli ricuchunpish ñahui jambita ñucaman randishpa churariyari.