GÉNESIS 9:2 - Dios Rimashca Shimicunami

² Cai pachapi tiyaj tucui animalcunaca huairata purij alasyuj animalcunapish, pambapi purij animalcunapish, mama cuchapi causaj animalcunapish tucuicunami cancunata manchacuj tucungacuna. Tucui chaicunataca cancunapaj maquipimi churani.

GÉNESIS 9:2 Iomraidhean Croise

GÉNESIS 1:21

Taita Diosca yacupi causai tucuipaj tucui laya jatun animalcunatapish, tucui laya uchilla animalcunatapish paicuna ima shina cana cashca shinallatatajmi rurarca. Huairapi purij tucui laya animalcunatapish paicuna ima shina cana cashca shinallatatajmi rurarca. Taita Diosca tucuitami alli cashcata ricurca.

GÉNESIS 1:26

Chai q'uipami Taita Diosca: “Cunanca yacupi causaj animalcunatapish, huairapi purij alasyuj animalcunatapish, charina animalcunatapish, sachapi causaj animalcunatapish mandachunca ñucanchijman rijchaj, ñucanchijtajlla runata rurashun” nirca.

GÉNESIS 1:28

Taita Diosca paicunata alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarishpa cai pachata mandanguichij. Yacupi causaj animalcunatapish, huairapi purij alasyuj animalcunatapish, allpapi purij tucui animalcunatapish cancuna mandanguichij” nircami.

GÉNESIS 2:19

Mandaj Taita Diosca, cai allpamanta rurashca causaj tucui laya animalcunata, huairata purij alasyuj animalcunataca ima shutilla canata Adán ricushpa shutichichunmi paipajman pushamurca. Causaiyuj caj tucui chaicunaca Adán shutichishca shinallataj chai shutimi saquirirca.

GÉNESIS 35:5

Paicuna Bet-elman ña ricujpimi, Taita Diosca chai muyundij llajtacunapi causajcunaman jatun manchaita cujpi Jacobtapish, paihuan caj tucuicunatapish llaquichingapajca mana catishpa rircacuna.

GÉNESIS 9:1

Taita Diosca Noetapish, paipaj churicunatapish alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarichij.

GÉNESIS 9:3

Causaiyuj caj tucui animalcunaca cancuna micunapajmi. Chashnallataj yacu granocunatapish, verdi q'uihuacunatapish tucuitami cancunaman cuni.

JOB 39:11

Pai fuerzasapa cashcamantaca ¿paipi shunguta churanguillachu? ¿Yapunatapish paihuanca tucuchinguimanchu?

EZEQUIEL 34:25

Paicunahuanca sumajta causanatami ari ninacushun. Cai llajtamantaca p'iña animalcunatapish anchuchishami, shitashca pambacunapipish imata mana manchashpami causangacuna, yura ucucunapimi dormingallacuna.

OSEAS 2:18

Chai punllacunapica, paicunapaj allipajmi purij animalcunahuanpish, huairata purij alasyuj animalcunahuanpish, culebracunahuanpish ari ninacushcata rurasha. Cai llajtamantaca arcotapish, espadatapish, macanacuicunatapish anchuchishami. Chashna rurajpica ima manchai illajllami dormingui.

LEVÍTICO 26:22

Millai sacha animalcunatapishmi cancunapaj huahuacunata apachun cancunapajman cachasha. Cancunapaj animalcunatapish chingachingami. Chaimanta cancunapaj ñancunapi purijcunaca ashacunallami tucunga.

LEVÍTICO 26:6

Llajtapica sumaj causaitami cusha. Cancunaca pi mana manchachishcami dorminguichij. Cancunapaj llajtamantaca millai animalcunatapish anchuchishami. Cancunapaj llajtapica macanacuipish mana tiyangachu.

Santiago 3:7

Tucui laya sacha animalcunata, pajarocunata, culebracunata, mama cuchapi causajcunatapish runaca mansoyachi tucunmi. Chaicunataca mansoyachishcami.