GÉNESIS 9:16 - Dios Rimashca Shimicunami

¹⁶ P'uyupi cuichita ricushpaca, causaiyuj caj tucuicunapaj ñuca rurasha nishpa huiñaipaj ari nishcatami yuyarisha”.

GÉNESIS 9:16 Iomraidhean Croise

GÉNESIS 17:13

Cancunapaj huasipi huacharishcacunaca, cancunapaj huahuacuna cashpapish, shujtaj llajtamanta cajcunata randishcacunapaj huahuacunata cashpapish circuncisionta rurachishcami cana can. Cancuna chashna cancunapaj aichapi rurachishcami ñucahuan cancunahuan huiñaipaj ruranata ari nishcata pajtachinataj cashcataca ricuchinga.

GÉNESIS 17:19

Chaimi Taita Diosca: Cambaj huarmi Saramari shuj c'ari huahuata huachanga. Paitaca Isaacta shutichingui. Ñuca ari nishcataca paipi sinchita callarichishpami, paipaj huahua huahuacunahuanpish, paicunapaj huahua huahuacunahuanpish huiñaipaj pajtachicushalla.

GÉNESIS 17:7

Canhuanca shuj ruranatami rurasha. Cambaj huahua huahuacunahuanpish, paicunapaj huahua huahuacunahuanpish huiñaita ruracushallami. Cambajpish, cambaj huahua huahuacunapajpish, paicunapaj huahua huahuacunapajpish huiñaipaj Taita Dios cangapajmi chashna rurasha.

GÉNESIS 9:17

Taita Diosca Noetaca: “Cai pachapi causaiyuj caj tucuicunapaj ñuca rurangapaj ari nishcata ricuchijta churashcaca chaimi” nircami.

2 SAMUEL 23:5

Ñuca huasi familiaca Dioshuanca manamari chashnachu. Chashna cajpipish Mandaj Diosca ñucapajca huiñaipajmari ari nirca. Ñuca quishpirinata ñuca yuyashca shinaca manaraj sisachinchu. Chashna cashpapish tucui imapish ima shinalla canataca chashnataj tucuchun huaquichishcami.

ISAÍAS 55:3

Ñucapajman shamuichij. Cancunapaj rinrinta ñuca ladoman churashpa uyaichij. Uyaichij, cancunapaj almaca causangami. Pi mana cuyuchipaj c'uyaihuan Davidman ari nishcallapitajmi, cancunahuanpish huiñaipaj ari ninacusha.

JEREMÍAS 32:40

Shinallataj paicunahuanca huiñaita paicunapaj allita ruranata manataj saquinatami ari ninacushun. Paicuna ñucamanta amataj anchurichunca, ñucata manchana yuyaitami paicunapaj shungupi churasha.

EZEQUIEL 34:26

Ñuca ovejacunataca ñucapajlla urcu muyundijpimi churasha, paicunamanca achca allicunatami cusha. Shinallataj tamyana punllacunapimi tamyatapish cachasha, chai tamyahuanmi achca allicunata japingacuna.

EZEQUIEL 37:26

Shinallataj sumajta causanatami ari ninacushun, chai ari ninacushcaca huiñaipajmi canga. Paicunataca chaipi causachun churashpaca, yallitaj achcatami mirachisha, ñuca huasitapish huiñaipajmi paicunapaj chaupipi shayachisha.

Hebreos 13:20

Sumaj causaita cuj Taita Diosmi, ñucanchijta Mandaj Jesucristotaca huañushcacunapaj chaupimanta causachirca. Ovejacunata jatun michijca, Dios cushami nishpa mushujta ari nishcatami paipaj yahuarta jichashpa huiñaipaj pajtachirca.