GÉNESIS 9:15 - Dios Rimashca Shimicunami

¹⁵ Chaita ricushpami ñucaca cancunapajpish, cancunahuan caj causaiyuj tucui laya animalcunapajpish ñuca rurasha nishpa ari nishcataca yuyarisha. Causaiyuj caj tucuicunata chingachingapajca yacu juilluca ña nunca mana tiyangachu.

GÉNESIS 9:15 Iomraidhean Croise

GÉNESIS 8:21

Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

GÉNESIS 9:10

“Cancunahuan caj causaiyujcunahuanca: Huambuj huasimanta llujshishpa cancunahuan caj huairata purij alasyuj animalcunahuanpish, sacha animalcunahuanpish, charina animalcunahuanpish shuj ruranatami ruragrini.

GÉNESIS 9:11

Ñuca cancunaman ari nishcaca caimi: Cai pachapi causaiyuj caj tucuicunataca ña mana cutinca yacu juilluhuan chingachishachu. Cai pachapi imalla tiyajcunata chingachingapajca yacu juilluca ña mana ashtahuan tiyangachu”.

GÉNESIS 9:14

Cai pachaman p'uyuta ñuca cachajpica, cashnami tucunga. Ñuca churashca cuichimi chai p'uyupica ricuricungalla.

1 REYES 8:23

cashna nirca: “Israelcunata Mandaj Taita Dios, canhuan ari ninacushca shina causaj, cambajta rurajcunata llaquishpa chaitataj pajtachijca jahua pachapipish cai pachapipish can Dios shinaca pi mana tiyanchu.

NEHEMÍAS 9:32

Ñucanchij Taita Dioslla, jatun Dioslla, tucuita rurai tucuj, manchana Diosmi cangui. Quiquin cusha nishcataca chaitataj pajtachij llaquij Diosmi cangui. Ñucanchij jatun mandajcunapish, llajtata mandajcunapish, curacunapish, profetacunapish ñucanchij ñaupa yayacunapish, can agllashca tucuicunapish Asiria llajtata jatun mandajcuna mandacushca punllamanta cunan punllacama tucui laya llaquita apacujtaca ama mana llaquita apacuj shinata ruraichu.

SALMOS 106:45

Paicunahuan ari ninacushcatapish paica yuyarircami. Pai yallitaj llaquij cashca shinallatajmi paicunataca llaquirca.

ÉXODO 28:12

Chai rumicunataca israelcuna yuyarina cachun, efod churana ishqui lado rigra jahuapi sirashpa churangui. Aarón ñuca ñaupajpi cajpipish paipaj ishqui lado rigracunapi chai shuticunata ricushpami israelcunataca yuyarisha.

JEREMÍAS 14:21

Can imata ari nishcata yuyarishpa, ñucanchijtaca ama shitahuaichu. Can sumaj jatun Dios mandashpa tiyana pueblotapish ama yangata ruraichu. Cantaca jatunyachishunmari, amataj shitahuaichu.

EZEQUIEL 16:60

Ashtahuanpish can solteraraj cajpi ari ninacushcataca yuyaricushallami. Canhuanca huiñaipajmi ari ninacurcanchij.

Lucas 1:72

Ñucanchij ñaupa yayacunata llaquishpa, paica pajtachishatajmi nishcata mana cungarishpami quishpichishca.

DEUTERONOMIO 7:9

Mandaj Diosca Diostaj cashcata, imatapish pajtachij Dios cashcata, pai ari nishcatapish pajtachij cashcata, pai mandashcacunata c'uyashpa chaitataj pajtachijcunataca huaranga huaranga huahua huahuacunacama c'uyaj cashcatami paitaca yachana canguichij.