GÉNESIS 8:22 - Dios Rimashca Shimicunami

²² Cai pacha tiyashcacamaca tarpui punllacunapish, cozicha punllacunapish manataj illangachu. Chiri punllacunapish, rupaj punllacunapish tiyangami. Tamya punllacunapish, usya punllacunapish tiyangami. Punllapish tutapish tiyangami” nircami.

GÉNESIS 8:22 Iomraidhean Croise

GÉNESIS 45:6

Ñamari ishqui huatacunata cai pachapica jatun yaricai tiyan. Pichca huatacunahuan yaricai tiyangarajmi. Tucui chaipimari yapuipish, cozichaipish illanga.

ÉXODO 34:21

Sujta punllacunata trabajangui. Tarpui punllacunapipish, cozicha punllacunapipish samana punllapica samaringui.

JEREMÍAS 31:35

Mandaj Diosca punllata achijyachichun intita churajmi, tutaca achijyachichun lunata, luzerocunata mandajmi, mama cucha yacucunata jatarichishpa manchanayajta huajiachijmi. Paica tucuita Mandaj shutimari. Paica cashnamari nin:

JEREMÍAS 5:24

Cancunapaj shungupica: Cunanca ñucanchijta Mandaj Diosta manchashpa causashunchij. Paimari punta tamyatapish, q'uipa tamyatapish tamyana punllacunapitaj cachan. Chagracuna tandana tucuchunpish paimari usyachin ninallatapish mana yuyaringuichijchu.

Santiago 5:7

Chaimanta huauquicuna, Mandaj Jesús shamungacama ama p'iñarishpalla shuyaichij. Chagraj runa ima shina shuyajta ricuichij. Paica allpamanta sumaj granota japingapajca mana p'iñarishpami, ñaupa tamya, q'uipa tamya p'ucuchijta shuyan.