GÉNESIS 8:21 - Dios Rimashca Shimicunami

²¹ Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

GÉNESIS 8:21 Iomraidhean Croise

GÉNESIS 3:17

C'aritapish cashnami nirca: –Cambaj huarmi nishcata cazushcamanta, ñuca amataj micungui nishca yuramanta micushcamantaca, cunanca chai cambaj mana allimantaca allpapish mana alli nishcami saquirin. Cambaj tucui causaipimi allpapi shaicujta trabajashpa micungui.

GÉNESIS 4:12

Chaimanta allpapi tarpujpipish ña mana alli p'ucungachu. Chai allpapica maipi causanata mana charij, caru llajtamanta shina puricunguillami– nircami.

GÉNESIS 5:29

Chai huahuataca: “Mandaj Dios allpata mana alli nishcamanta, ñucanchij maquihuan allpapi imata rurashpapish sinchita trabajashpa llaquita apacunmantaca cai huahuami samachinga” nishpami, Noé shutita shutichirca.

GÉNESIS 6:13

Chaimi Taita Diosca Noetaca: “Cai pachapi causajcuna yallitaj millaita rurana yuyailla millaita rurajpi, cai pachaca yallitaj millanana cashcamanta cai pachapi causaiyuj tucuicunandij, cai pachandijmi chingachinata yuyarircani.

GÉNESIS 6:17

Ñucaca cai pachapi causaiyuj caj tucuicunata chingachingapajca cai pachamanca yacu juillutami cachagrini. Cai pachapi tucui ima tiyajcunami huañunga.

GÉNESIS 6:5

Cai pachapi causajcunapaj ruraicunaca yallitaj millai cashcatami Mandaj Diosca ricurca. Paicunapaj shungupica yallitaj millaita ruracunalla yuyaihuan jundami carca.

GÉNESIS 6:7

Chaimi Mandaj Diosca: “Cai pachapi causachun rurashpa churashcacunataca gentecunatapish, animalcunatapish, llucaj animalcunatapish, huairata purij alasyuj animalcunatapish tucuita chingachisha. Paicunataca mana ruranatami rurashcani” nishpa yallitaj llaquirirca.

JOB 14:4

¿Juchata rurashcataca pi pichari tucuipajchu? Pitaj chaitaca pichari tucungari.

SALMOS 51:5

Ñucaca mamapaj huijsapi tiyarishca pachamantami millai cashcani. Ñuca mamaca juchayujtami chichushca.

SALMOS 58:3

Diosta mana rijsijcunaca, mamapaj huijsamanta pachami Taita Diosmanta anchurircacuna. Huacharipachamantami llullata rimashpa, ñanmanta anchurircacuna.

SALMOS 58:4

Venenotami charincuna. Culebrapaj veneno shinatami charincuna. Mana uyaj culebra paipaj rinrinta huichcashpa mana uyaj shinami mana uyancuna.

ÉXODO 29:18

Mandaj Diosman cushcaca pai munashca shina mishquiman ashnacuj cachun, chai carneropaj aichataca tucuita altar jahuapi rupachingui.

ÉXODO 29:25

Chai q'uipaca paicunapaj maquicunamanta japishpa Mandaj Diosman cushcaca pai munashca shina mishquiman ashnacuj cachun, tucuita cushpa rupachinahuan tandachishpa altarpi rupachingui.

PROVERBIOS 20:9

¿Pitaj: “Ñucaca ñami juchataca saquircani, chuya shungumi cani” ni tucungari?

ECLESIASTÉS 7:20

Cai pachapica cashcata ruraj cashpapish, manataj ima juchata rurashpa, allillata rurashpa causajca, shujllapish mana tiyanchu.

ISAÍAS 47:12

Cunanca brujocunahuan pajtachirinata caticuilla. Canca huambramanta pachami chaihuan pajtachirishpa amañarishca cangui. Chaicunahuanca jarcari tucunguipishchari, fuerzasapa tucunguipishchari.

ISAÍAS 47:15

Brujocunahuan can shaicuita trabajashca cambaj brujocunaca chashnami tucurcacuna. Can huambramanta trabajashca brujocunaca chashnami cangacuna. Paicunaca tucuicunami quiquin ñanta ringacuna. Canta quishpichijca pi mana tiyangachu.

ISAÍAS 48:8

Cancunaca nunca manaraj uyarcanguichijchu, nunca manaraj yacharcanguichijchu. Cancunapaj rinrinca uyanapajca manaraj pascarishcachu carca. Canca imatapish manataj pajtachij cashpa, mana cazuj cajpimi mamapaj huijsamanta pacha cantaca: Caica mana cazujmi nishpa shutichircani.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

ISAÍAS 65:6

Riqui chaicunataca quillcashcatami ñuca ñaupajpi charicuni. Manataj upalla cashachu. Ashtahuanpish pai rurashca shinallatajmi cusha. Pai japina cashcataca paipaj quiquin chuchupimi cusha.

JEREMÍAS 17:9

Runapaj shunguca tucui imatapish yalli, umajlla millai shungumi. Chaitaca pi mana yachai tucunchu.

JEREMÍAS 18:12

Chaita huillajpica paicunaca: “Yangamari chashna rimaringui. Ñucanchijca rurashcalla dioscunatamari catishun. Tucuicunallataj ñucanchij millai shungu yuyachishcatami rurashun” nircacunami.

JEREMÍAS 8:6

Ñucaca callarishpamari, tucuita uyacuni. Manamari shujllapish millaita rurashcamanta llaquirishpa cutirinchu. ¿Caitaca imatataj ruracunichu imamí? nishpallapish mana tapurinca. Allitaca pi mana rimanchu. Tucuicunamari paicunapaj quiquin ñantaca, frenota cacharijpi macanacuiman caballo callpashpa yaicuj shina purincuna.

EZEQUIEL 20:41

Cancunataca shujtaj runacunapurapi, shujtaj llajtacunapi caipi chaipi causacujpi tandachishpaca, mishquijllata ashnacuj inciensota shinami chasquisha. Chashnami cancunamantaca shujtaj llajtacunapi causajcunapaj ñahuipica, ima juchachina illaj ricurisha.

LEVÍTICO 1:13

Chunllullicunatapish, changa aichatapish chai cucujllataj yacuhuan maillachun. Curaca altar jahuapi tucuita cushpa rupachichun. Chaimi tucui cushpa tucui rupachishcaca, Mandaj Diospajca sumaj mishquijllata ashnacuj canga.

LEVÍTICO 1:17

Chai animaltaca ishqui alascunapi japishpa cucujllataj chaupichun. P'itirijtaca ama chaupichun. Curaca altarpi yanta rupacun jahuapi rupachichun. Chaimi tucui cushpa tucui rupachishcaca, Mandaj Diospajca sumaj mishquijllata ashnacuj canga.

LEVÍTICO 1:9

Chai huagrata cujllataj chunllullicunatapish, changa aichatapish yacuhuan maillachun. Chaitaca altar jahuapi cura tucuita rupachichun. Chashna tucui cushpa tucui rupachishcami, Mandaj Diospajca sumaj mishquijllata ashnacuj canga.

LEVÍTICO 26:31

Cancunapaj pueblocunatapish shitashcatami saquisha. Diospaj huasitapish shitashcatami saquisha. Cancuna ñucaman cushca mishquijllata ashnacujtapish ña mana ashnachishachu.

LEVÍTICO 4:31

Chai q'uipaca Mandaj Dioshuan alli cangapaj Mandaj Diosman cushca animalpaj huirata tucuita llujshichij shinallataj chai animalpaj huiratapish tucuita llujshichichun. Chaitaca, Mandaj Diospaj sumaj mishquijllata ashnacuj cachun altar jahuapi cura rupachichun. Chai juchallijmantaca cura Mandaj Diosman chashna cushpa rupachichun. Chaipimi paica Mandaj Dios perdonashca canga.

LEVÍTICO 8:28

Chaicunata paicunapaj maquimanta Moisesllataj cutin japishpami, altar jahuapi tucuita cushpa rupachicushca jahuapi churashpa rupachirca. Chashna rurajpimi Mandaj Diospajlla cachun ch'icanyachicushpa Mandaj Diosman cushpa rupachishcacunaca paipajca mishquijllata ashnacuj carca.

NÚMEROS 15:3

Mandaj Diosman cushpa rupachina ofrendata cunguichij. Chaicunataca vacacunata cashpa, ovejacunata cashpa Diosman cushpa tucui rupachina cajpi, Diosman cushpa huañuchina cajpipish, cushami nishcata pajtachishpa cucushpapish, mana cashpaca cuna munaita charishcamanta cucushpapish, mana cashpaca cancunapaj jatun fiestapi Mandaj Diosman cuna cashcata cucushpapish, Mandaj Diospaj mishquiman ashnacuj cachun cunguichij.

Mateo 15:19

Huañuchina, huainayana, apanacushpa causana, shuhuana, llullashpa huillana, Diosta p'iñashpa c'amina, cai tucui millai yuyaicunaca shungumantami llujshin.

Juan 3:6

Aichayujmanta huacharijca, aichayujmi. Pipish Espiritumanta huacharijca, espiritumi.

Romanos 1:21

Taita Diosta chashna rijsishpapish, Taita Diosta jatunyachina shinatajca mana jatunyachircacunachu, mana pagui nircacunallapishchu. Chaipaj randica, paicunapaj yuyaicunapipish yangallatami yuyarircacuna. Chaimantami paicunapaj rumi shungucunapish amsayachishca carca.

Romanos 3:23

Tucuicuna juchallishcamantami, Diospaj sumajmantaca anchuchishca carcacuna.

2 Corintios 2:15

Quishpichishcacunapurapipish, chingarinaman ricujcunapurapipish Cristomantami Diospajca mishquiman ashnajlla canchij.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

Filipenses 4:18

Cunanca tucuitami chasquircani. Yallijtami charini. Epafroditoman cancuna cachashcata chasquishpacarin, achcatami charini. Chaicunaca Diosman cushpa rupachijpi mishquiman ashnacuj shina, Dios chasquinallami.

1 Juan 5:19

Ñucanchijca Diospaj huahuacuna cashcatami yachanchij. Cai pachapi millaita rurajcunaca diablopaj ucupimi.

1 SAMUEL 26:19

Jatun mandaj ñuca amito, cunanca cambajta ruraj ñuca rimashcata uyachunmi rogani. Mandaj Diosllataj can jatun mandajta ñucata llaquichichun chashna rurachicujpica, ñuca cushca ofrendata chasquishpa ñucata perdonachun. Runacunalla chashna rurachicushca cashpaca, paicunaca Mandaj Diospaj ñaupajpica, mana alli nishcacuna cachun. Chashna rurashpaca paicunaca Mandaj Diospajta ñuca japina cashcamantami caruyachishpa, shujtajcunapaj dioscunapajta rurai nicuj shina ruracuncuna.