GÉNESIS 8:2 - Dios Rimashca Shimicunami

² Ucujmanta llujshicuj jatun yacucunatapish huichcarcami. Jahua pacha lliquirishcatapish huichcajpimi, jahua pachamanta tamyacujca usyarirca.

GÉNESIS 8:2 Iomraidhean Croise

GÉNESIS 7:11

Noeca, 600 huatayujmi carca. Chai huatapaj ishqui quillapi, chai quillapaj chunga canchis punllapimi ucujman caj jatun yacucunapish t'imburishpa llujshirca. Jahua pachapish lliquirijpimi, yallitaj tamyarca.

GÉNESIS 7:12

Cai pachapica chuscu chunga punllata, chuscu chunga tutatami tamyacurcalla.

GÉNESIS 7:4

Cunanmanta canchis punlla q'uipaca, ñucaca cai allpapica chuscu chunga punllata chuscu chunga tutatami tamyachisha. Chashnami cai pachapi causaj tucui imallata ñuca rurashcataca chingachigrini” nircami.

JOB 38:16

¿Canca, mama cucha yacu llujshicunman yaicushcanguichu? ¿Chai tucui amsa ucuta ricushpa purishcanguichu?

JOB 38:37

Jahua pachapi tiyaj p'uyucunataca ¿maijan alli yuyaiyujtaj yupashpa churashca canga? Chai p'uyucunamantaca ¿pitaj

PROVERBIOS 8:28

P'uyuta huairapi churacujpi, mama cucha yacu tiyanatapish sinchita churacujpi,

JONÁS 2:3

Ñucataca mama cucha chaupipimari shitahuarcangui. T'imburicuj yacumari millpurca. Cambaj yacucunaca caiman chaiman cuyurishpamari, ñuca jahuata pasarca.

Mateo 8:9

Ñucapish mandajpaj ucupimi cani. Chashnallataj soldadocunata mandajmi cani. Maijanta: “Ri” nijpica, rinllami. Shujtajta: “Shamui” nijpipish, shamunllami. Shinallataj ñucapajta rurajta: “Caita rurai” nijpipish, chaita ruranllami– nircami.