GÉNESIS 8:1 - Dios Rimashca Shimicunami

¹ Chai q'uipami Taita Diosca Noetapish, paihuan caj animalcunatapish huambuj huasipi cashcata yuyarirca. Chaimi Taita Diosca huairata cachashpa cai pachapi junda tiyacuj yacutaca chaquichishpa catirca.

GÉNESIS 8:1 Iomraidhean Croise

GÉNESIS 19:29

Chai pueblota chashna chingachigrishpaca, Taita Diosca Abraham mañashcata yuyarishpami Lottaca chai pambapi tiyaj pueblocunata chingachigrishca chaupimanta llujshichirca.

GÉNESIS 30:22

Taita Diosca Raquelta yuyarishpa, paita uyashpami, huahuacunata curca.

GÉNESIS 9:10

“Cancunahuan caj causaiyujcunahuanca: Huambuj huasimanta llujshishpa cancunahuan caj huairata purij alasyuj animalcunahuanpish, sacha animalcunahuanpish, charina animalcunahuanpish shuj ruranatami ruragrini.

NEHEMÍAS 13:14

Taita Dioslla, canta c'uyashpa cambajta rurangapaj cambaj huasipi imallata rurashcataca ama cungarishpa ñucata yuyaripangui.

NEHEMÍAS 13:22

Chaimi levitacunataca: “Samana punllata ama mapayachingapaj, cancunaraj chuyayashpa Jerusalenman yaicuna pungucunapi samana punllapi cuidaichij” nircani. Ñuca Dioslla, caicunata rurashcamantapish ñucataca yuyaripangui. Canca ima shina llaquij cashca shinallataj ñucata llaquihuai.

NEHEMÍAS 13:29

Ñuca Dioslla, curacunapish levitacunapish mana allitamari rurashcacuna. Paicuna imata ruranata ari nishcatapish yangatami rurancuna. Paicuna chashna rurashcamanta llaquichinataca ama saquichu.

NEHEMÍAS 13:31

Diosman cuna yantata maijanlla ima horalla apamunatapish, punta p'ucushca granota apamuna cashcatapishmi mandarcani. Ñuca Dioslla, ñucapaj allita ruranatapish ama cungaripangui.

JOB 12:15

Yacucunata pai charijpica, tucui chaquirinllami. Tamyata yalli cacharijpipish, allpata apanllami.

JOB 14:13

Maijanpish cantaca Seolpi ñucata pacachun nijpichari. P'iñarishcamanta can alli tucungacamaca, chaipi pacashpachari alli canguiman. Ashacama shuyashpapish, ñucataca cutin yuyarishpachari alli canguiman.

SALMOS 105:42

Paipajta ruraj Abrahamman, paipaj jucha illaj shimihuan cushani nishcatami yuyarirca.

SALMOS 106:4

Mandaj Dioslla ñucata yuyarihuayari. Quiquin agllashcacunapaj allita ruracushpaca ñucatapish yuyaripanguiyari. Paicunapaj quishpichinata apamushpaca ñucapajpish apamupanguiyari.

SALMOS 115:12

Mandaj Diosca ñucanchijta yuyarishcamari. Ñucanchijtaca alli ningamari. Israelcunataca alli ningamari. Aaronpaj huahua huahuacunataca alli ningamari.

SALMOS 132:1

Mandaj Dioslla, Davidta yuyariyari. Tucui llaquita pai apashcata yuyariyari.

SALMOS 136:23

Ñucanchij llaquihuan cajpipish ñucanchijta yuyarijta alabaichigari. Pai llaquij canaca huiñaipajmari.

SALMOS 137:7

Mandaj Dioslla, Jerusalenta urmachicui punlla edomitacuna imata nishcata yuyariyari. Urmachichij, urmachichij, callari rumicunacama urmachichij nircacunami.

SALMOS 29:10

Mandaj Diosca yacu juilluta mandajmi. Mandaj Diosca huiñaita mandashpami paipaj mandanapi tiyacun.

SALMOS 36:6

Mandaj Dios quiquin cashcata ruraj cashcaca Diospaj urcucuna shinami. Quiquin llaquichinacunaca ucujta jutcu shinami. Mandaj Dioslla, runacunatapish quiquinmi huaquichingui. Animalcunatapish quiquinmi cuidangui.

ÉXODO 14:21

Moisesca jatun cucha jahuatami paipaj maquita chutarca. Mandaj Diosca tucui tutami inti llujshin lado sinchi huairata cacharca. Chai huaira tucui tuta p'ucujpimi, jatun cucha yacuca ishquipi chaupirirca. Chai cucha yacu cada ladoman chaupirijpimi chaquishca allpa tucurca.

ÉXODO 15:10

Ashtahuanpish cambaj huairahuan p'ucushpami, yacuhuan tapachircangui. Jatun yacupica plomo shinami huashicurcacuna.

ÉXODO 2:24

Paicuna aij nishpa caparishcata uyashpami, Taita Diosca Abrahamman, Isaacman, Jacobman ari nishcata yuyarirca.

PROVERBIOS 25:23

Janaj huaira shamushpaca, tamyata carcunllami. P'iña ñahuita ricushpaca, llullashpa parlarijcunapish rinllami.

ISAÍAS 44:27

Allpa ucupi caj yacucunata chaquirichij nijca ñucami cani. Cancunapaj jatun yacucunatapish ñucami chaquichisha.

JEREMÍAS 50:38

Mana tamyajpimi, paicunapaj jatun yacucunapish tucui chaquiringa. Chai llajtapica rurashcalla dioscunatami jundachishpa charincuna. Chaimantami upa shina causashcamanta, chashna llaqui tucunga.

AMÓS 8:7

Jacobpaj huahua huahuacunata sumajyachij ñucatajmi cashna nini: “Paicunata llaquichinataca manataj cungarishachu” ninmi Mandaj Diosca.

JONÁS 4:11

Nínive pueblotacarin maitataj mana llaquishari. Chai jatun pueblopica, 120.000 runacunami causancuna. Paicunaca maijan alli maqui cashcata, maijan lluqui maqui cashcatapish mana yachashca shinami causancuna. Shinallataj achca animalcunapishmi tiyan– nircami.

NAHUM 1:4

Paica mama cucha yacutapish, jatun yacucunatapish chaquichinllami. Basán llajtatapish, Carmelo urcutapish, Libanopi tiyaj sumajcunatapish chingachircami.

HABACUC 3:2

Mandaj Dioslla, cambaj shimicunata uyashpaca mancharircanimi. Mandaj Dioslla, ñaupa huatacunapi can imalla rurashcata ricuchihuayari. Ñaupa huatacunapi rurashcacunata rijsichihuayari. Can p'iñarishca cashpapish, ñucata llaquinataca yuyaripangui.

ZACARÍAS 10:11

Jatun llaquica mama cuchatami ch'imbanga. Caiman chaiman cuyuricuj yacupish, chai jatun mama cuchallapitajmi chingaringa. Jatun yacupish tucuimi chaquiringa. Asiria llajtapi causajcuna jatun tucunapish urmangami. Egipto llajtapi causajcunata mandana varapish chingaringami.

NÚMEROS 10:9

Cancunapaj llajtapi cajpi cancunata p'iñajcuna cancunahuan macanacunaman shamugrijpi, paicunahuan macanacunaman llujshigrishpaca yallitaj sinchita trompetacunapi tocachinguichij. Chashna rurajpimi Mandaj Dios cancunapaj Dios cancunata yuyarishpa, cancunata p'iñajcunamanta quishpichishca canguichij.

NÚMEROS 22:32

Chaipimi Mandaj Diospaj angelca Balaamtaca: –¿Ima nishpataj cambaj burrotaca azotishpa quimsa cutin macangui? Ñucami cantaca jarcanaman shamurcani. Can millaita ruranaman ricujpimi chashna jarcarcani.

Apocalipsis 16:19

Chashna t'imburijpica, jatun puebloca quimsapimi chaupirirca. Tucui llajtacunapi tiyaj pueblocunapish urmarcami. Chashna tucujpica jatun Babiloniamanca pai p'iñarishcahuan caj copamanta vinota ubyachinatami Diosca yuyarirca.

Apocalipsis 18:5

paicunapaj juchacunaca cielocamami chayashca. Paicuna millaita rurashcamantaca Diosca ñami yuyarishca.

1 SAMUEL 1:19

Cayandijta utca jatarishpaca, Mandaj Diosta adorashpami, Ramá pueblopi caj paicunapaj huasiman tigrarcacuna. Elcanaca paipaj huarmi Anahuan chayarinacucujpimi, Mandaj Diosca Ana mañashcata yuyarirca.