GÉNESIS 7:4 - Dios Rimashca Shimicunami

⁴ Cunanmanta canchis punlla q'uipaca, ñucaca cai allpapica chuscu chunga punllata chuscu chunga tutatami tamyachisha. Chashnami cai pachapi causaj tucui imallata ñuca rurashcataca chingachigrini” nircami.

GÉNESIS 7:4 Iomraidhean Croise

GÉNESIS 2:5

allpapica ima yuracuna manaraj tiyarcachu. Verdijlla q'uihuapish manaraj huiñarcachu. Mandaj Dios cai pachapi manaraj tamyachishcamanta, allpapi imata rurajpish manaraj tiyashcamantami chashna carca.

GÉNESIS 6:13

Chaimi Taita Diosca Noetaca: “Cai pachapi causajcuna yallitaj millaita rurana yuyailla millaita rurajpi, cai pachaca yallitaj millanana cashcamanta cai pachapi causaiyuj tucuicunandij, cai pachandijmi chingachinata yuyarircani.

GÉNESIS 6:17

Ñucaca cai pachapi causaiyuj caj tucuicunata chingachingapajca cai pachamanca yacu juillutami cachagrini. Cai pachapi tucui ima tiyajcunami huañunga.

GÉNESIS 6:3

Chaimi Mandaj Diosca: “Ñuca espirituhuan causashpa huiñaipaj millaita ruracuchunllaca mana saquigrinichu. Paicunaca huañujlla aichayujmi. Chaimanta cunanmantaca, 120 huatayujcamallami causangacuna” nirca.

GÉNESIS 6:7

Chaimi Mandaj Diosca: “Cai pachapi causachun rurashpa churashcacunataca gentecunatapish, animalcunatapish, llucaj animalcunatapish, huairata purij alasyuj animalcunatapish tucuita chingachisha. Paicunataca mana ruranatami rurashcani” nishpa yallitaj llaquirirca.

GÉNESIS 7:10

Ña canchis punlla tucujpimi cai pachapica, yacu juillu callarirca.

GÉNESIS 7:12

Cai pachapica chuscu chunga punllata, chuscu chunga tutatami tamyacurcalla.

GÉNESIS 7:17

Cai pachapica chuscu chunga punllata yallitaj tamyajpimi, yacucuna yallitaj jundashpa huambuj huasitaca huambuchirca.

GÉNESIS 7:3

Huairata purij alasyuj animalcunatapish canchis c'arita canchis huarmita yaicuchingui. Chaimi cai pachapica paicunaca chaipurallataj mirarishpa causangacuna.

GÉNESIS 8:10

Noeca shujtaj canchis punllacunata shuyashpami, huambuj huasimantaca palomata cutinllataj cacharishpa cacharca.

GÉNESIS 8:12

Noeca shujtaj canchis punllahuan shuyashpami, palomataca cutinllataj cacharirca. Chai palomaca ña mana tigrarcachu.

GÉNESIS 8:2

Ucujmanta llujshicuj jatun yacucunatapish huichcarcami. Jahua pacha lliquirishcatapish huichcajpimi, jahua pachamanta tamyacujca usyarirca.

JOB 22:16

Chaicunaca manaraj punlla pajtajpimi, p'itishca carca. Callari rumicunandijta jatun yacu apashca shinami tucurcacuna.

JOB 28:25

Paica huairata pizashpa churacushpa, yacucunatapish medishpa churacushpa,

SALMOS 69:28

¡Causajcunapaj libromantaca p'ichashca cachun. Cashcata rurajcunahuanca ama quillcashca cachun!

JEREMÍAS 28:16

Chaimanta Mandaj Diostajmi cashna nin: Canca paicunamanca ñucata c'ariyashpa shayarina yuyaitamari cushcangui. Chaimanta cantaca cai pachamanta anchuchigrinimi. Cai huatallatajmi huañungui ninmi– nircami.

AMÓS 4:7

“Shinallataj granocunata tandanapaj quimsa quilla illajpirajmi, tamyatapish mana cacharcani. Maijan pueblota tamyachishpapish, maijan pueblotaca mana tamyachircanichu. Chaimantami maipi tamyashcapica, alli grano p'ucurca. Maipi mana tamyashcapica, tucui chaquirirca.

Apocalipsis 3:5

Tucuita mishajca, yuraj churanata churachishcami canga. Paipaj shutitapish huiñaita causanapaj libromantaca mana p'ichashachu. Ñuca Yayapaj ñaupajpi, paipaj angelcunapaj ñaupajpimi paicunaca ñucapajmi nishpa huillasha.