GÉNESIS 7:21 - Dios Rimashca Shimicunami

²¹ Chaimi cai pachapi causaiyuj caj tucuicunaca huairata purij alasyuj animalcunapish, charina animalcunapish, sacha animalcunapish, llucaj tucui animalcunapish, tucui gentecunapish huañurcacuna.

GÉNESIS 7:21 Iomraidhean Croise

GÉNESIS 1:25

Taita Diosca sacha animalcunatapish paicuna ima shina cana shinallatataj, charina animalcunatapish paicuna ima shina cana shinallatataj, llucashpa purij animalcunatapish paicuna ima shina cana shinallatatajmi rurarca. Taita Diosca tucuitami alli cashcata ricurca.

GÉNESIS 6:13

Chaimi Taita Diosca Noetaca: “Cai pachapi causajcuna yallitaj millaita rurana yuyailla millaita rurajpi, cai pachaca yallitaj millanana cashcamanta cai pachapi causaiyuj tucuicunandij, cai pachandijmi chingachinata yuyarircani.

GÉNESIS 6:17

Ñucaca cai pachapi causaiyuj caj tucuicunata chingachingapajca cai pachamanca yacu juillutami cachagrini. Cai pachapi tucui ima tiyajcunami huañunga.

GÉNESIS 7:4

Cunanmanta canchis punlla q'uipaca, ñucaca cai allpapica chuscu chunga punllata chuscu chunga tutatami tamyachisha. Chashnami cai pachapi causaj tucui imallata ñuca rurashcataca chingachigrini” nircami.

JOB 34:15

tucuicunami huañunman, runaca allpallatajmi tucunman.

ISAÍAS 24:19

Cai pachaca ñuturingami. Cai pachaca tucuimi mirga mirga tucunga. Tucui cai pachaca yallitajmi chujchunga.

ISAÍAS 24:6

Chaimantami llaqui tucushca canman nishcaca tucui cai pachata tucuchirca. Chaipi causajcunatapish tucuicunatami jatunta llaquichirca. Chaimi cai pachapi causajcunaca tucui tucuchishca carca. Cai pachapi causajcunaca ashacunallami tucurca.

OSEAS 4:3

Chaimantami cai llajtaca achca jatun llaquilla canga. Cai llajtapi causajcunaca tucuicunami fuerza illajlla tucungacuna. Sacha animalcuna, huairata purij alasyuj animalcunaca huañungami. Mama cuchapi causaj chalhuacunacamami huañunga.

JOEL 2:3

Paicuna manaraj chayamujpimi, ninaca tucuita rupachishpa tucuchinga. Paicuna rishca q'uipapish, ninallatajmi tucui ima tiyajta rupachinga. Paicuna chayamunapajca, cai llajtaca, Edén huerta shinami canga. Paicuna rishca q'uipaca, shitashca pamba shinami llaquinayaj saquiringa. Paicunapaj maquimantaca, pipish mana quishpiri tucungachu.

SOFONÍAS 1:3

Runacunatapish, animalcunatapish, huairata purij alasyuj animalcunatapish, mama cuchapi causaj chalhuacunatapish, Diosta mana manchaj runacunatapishmi chingachisha. Cai pachapi causaj runacunataca, tucuicunatami chingachisha” ninmi Mandaj Diosca.

Mateo 24:39

Paicunaca yacu juillu shamushpa, tucuicunata chingachingacama mana entendircacunachu. Runa Aichayuj shamunapajpish chashnallatajmi canga.

Lucas 17:27

Chai punllacunapica huambuj huasiman Noé yaicungacamami, micucurcacuna, ubyacurcacuna, cazaracurcacuna, cazarachicurcacuna. Ña pai huambuj huasiman yaicujpica, yacu juillu shamushpami tucuita chingachirca.

Romanos 8:20

Dios rurashcacunaca, mana paicunallataj yangalla canapi huatashca tucurcacunachu. Ashtahuanpish Diosllatajmi shuyana yuyaillapi huatashca cachun chashna rurarca.

Romanos 8:22

Huachana nanaihuan huarmi aij nicuj shinami, Dios rurashca tucuicunaca shuj shinalla cunancama aij nicujta yachanchij.

2 Pedro 2:5

Ñaupa punllacunapi causajcunatapish Diosca mana perdonashcachu. Chai millaicunataca yacu juilluhuanmi chingachishca. Ashtahuanpish cashcata rurashpa causanata huillaj Noellatami, caishuj canchiscunandij huaquichishpa quishpichishca.