GÉNESIS 7:13 - Dios Rimashca Shimicunami

¹³ Chai punllallatajmi Noeca Sem, Cam, Jafet shuti paipaj churicunandij, paipaj huarmindij, paipaj quimsa churicunapaj huarmicunandij huambuj huasiman yaicurca.

GÉNESIS 7:13 Iomraidhean Croise

GÉNESIS 10:21

Jafetpaj punta huauqui Sempish churicunata charircami. Semca, Heberpaj huahua huahuacunapaj ñaupa yayami.

GÉNESIS 10:6

Campaj churicunaca: Cus, Mizraim, Fut, Canaán shuticunami carca.

GÉNESIS 5:32

Noeca, 500 huatacunayuj cashpami Sem, Cam, Jafet shuti churicunata charirca.

GÉNESIS 6:10

Noeca Sem, Cam, Jafet quimsa churicunatami charirca.

GÉNESIS 6:18

Ashtahuanpish canhuanca shuj ruranatami callarichigrini. Chaimanta canpish, cambaj churicunapish, cambaj huarmipish, cambaj churicunapaj huarmicunapish chai jatun huambuj huasiman yaicunguichij.

GÉNESIS 7:1

Mandaj Diosca Noetaca cashnami nirca: “Cai punllacunapi causajcunapurapica, canllatami ñuca ñaupajpi cashcata ruraj cashcata ricuni. Chaimanta canpish, cambaj tucui familiacunapish jatun huambuj huasiman yaicuichij.

GÉNESIS 7:14

Paicunahuanca sachapi causaj animalcunapish chaipurallataj caj, charina animalcunapish chaipurallataj caj, llucaj animalcunapish chaipurallataj caj, alasyuj animalcunapish chaipurallataj caj, pajarocunapish chaipurallataj caj tucuicunami yaicurcacuna.

GÉNESIS 8:14

Chai huatapaj ishqui quilla, chai quillapaj ishqui chunga canchis punllapica, cai pacha allpaca ashtahuan chaquishcatajmi carca.

Hebreos 11:7

Crishcamantami Noepish, Dios llaquita cachasha nijpica, chai punllacunapi manaraj ima chashna tiyashcata ricushpapish Diosta manchashpa, huambuj huasita rurarca. Chaipimi paipaj familiandij quishpirirca. Crishpallami cai pachapi causaj millaita rurajcunataca, jatun llaquiman rina cashcata ricuchirca. Crishcamantami, Dioshuan alli tucunatapish chasquirca.

1 Pedro 3:20

Chaicunaca Noé huillacui punllacuna mana cazujcunami. Huambuj huasita Noé tucui rurangacamami Diosca mana utca llaquichishpa shuyashca. Chaipica pusajcunallami yacupi quishpichishca carcacuna.

2 Pedro 2:5

Ñaupa punllacunapi causajcunatapish Diosca mana perdonashcachu. Chai millaicunataca yacu juilluhuanmi chingachishca. Ashtahuanpish cashcata rurashpa causanata huillaj Noellatami, caishuj canchiscunandij huaquichishpa quishpichishca.

JUECES 21:22

Chaimanta paicunapaj yayacuna cashpa, turicuna cashpa ñucanchijman imata ninaman shamujpica, ñucanchijca cashnami nishun: Cancunapaj ushushicunahuan cazarachun saquipaichijlla. Ñucanchijmi macanacuimantaca mana tucuicunapaj pajtata huarmicunata apamurcanchij. Cancunapaj ushushicunata mana cancunataj cushcamantaca, ima juchachina illajllami canguichij nishunmi” nircacunami.