GÉNESIS 7:11 - Dios Rimashca Shimicunami

¹¹ Noeca, 600 huatayujmi carca. Chai huatapaj ishqui quillapi, chai quillapaj chunga canchis punllapimi ucujman caj jatun yacucunapish t'imburishpa llujshirca. Jahua pachapish lliquirijpimi, yallitaj tamyarca.

GÉNESIS 7:11 Iomraidhean Croise

GÉNESIS 1:7

Ch'icanyachichun churashpaca Taita Diosca chaupi yacutaca cai pachapi, chaupi yacutaca ch'icanyachij huaira jahuapimi churarca. Chaica chashnami saquirirca.

GÉNESIS 6:17

Ñucaca cai pachapi causaiyuj caj tucuicunata chingachingapajca cai pachamanca yacu juillutami cachagrini. Cai pachapi tucui ima tiyajcunami huañunga.

GÉNESIS 7:6

Cai pachapi yacu juillu callarinapajca Noeca, 600 huatayujmi carca.

GÉNESIS 8:14

Chai huatapaj ishqui quilla, chai quillapaj ishqui chunga canchis punllapica, cai pacha allpaca ashtahuan chaquishcatajmi carca.

GÉNESIS 8:2

Ucujmanta llujshicuj jatun yacucunatapish huichcarcami. Jahua pacha lliquirishcatapish huichcajpimi, jahua pachamanta tamyacujca usyarirca.

2 REYES 7:19

Diospaj runa chashna nijpipish jatun mandajpaj alli maqui shina runaca: “Mandaj Dios jahua pacha ventanacunata pascajpipish, can nishca shinaca mana tucuipajchu yuyachin” nircami. Shina nijpica Diospaj runaca: “Ñuca nishca shina tucujta cambaj quiquin ñahuihuan ricushpapish, chaitaca mana micunguichu” nishcami carca.

2 REYES 7:2

Chaimi jatun mandajpaj alli maqui shina runaca, Diospaj runataca: –Mandaj Dios jahua pacha ventanacunata pascajpipish, mana can nishca shinatajca tucuipajchu yuyachin– nijpi Eliseoca: –Ñuca nishca shina tucujta cambaj quiquin ñahuihuan ricushpapish, chaitaca mana micunguichu– nirca.

JOB 12:15

Yacucunata pai charijpica, tucui chaquirinllami. Tamyata yalli cacharijpipish, allpata apanllami.

JOB 28:4

Paicuna causacunmantaca caruta rishpami mashcagrincuna. Shitashca pambacunapi, pipish mana purishcacunapimi mashcagrincuna. Shujtajcunamanta carupimi huarcushpalla huairapi caiman chaiman cuyurincuna.

JOB 38:16

¿Canca, mama cucha yacu llujshicunman yaicushcanguichu? ¿Chai tucui amsa ucuta ricushpa purishcanguichu?

JOB 38:37

Jahua pachapi tiyaj p'uyucunataca ¿maijan alli yuyaiyujtaj yupashpa churashca canga? Chai p'uyucunamantaca ¿pitaj

SALMOS 33:7

Paimi mama cucha yacutapish montonashpa charin. Ucujman huaquichinacunapi churashpami charin.

SALMOS 74:15

Pugyucunatapish, purij yacucunatapish quiquinmari llujshichircangui. Mana chaquiripaj jatun yacutapish chaquichircanguimari.

PROVERBIOS 3:20

Tucuita yachaj cashpami, jatun yacucunatapish ishquipi ch'icanchirca. Paimantami jahua pachamantapish tamya urman.

ISAÍAS 24:18

Manchaihuan callpacujca jutcupimi urmanga. Jutcumanta llujshishpa callpacushpapish linchipimi pillurishpa urmanga. Jahua pacha ventanacunaca pascashcami canga. Cai pachata aparijpish chujchungami.

ISAÍAS 24:19

Cai pachaca ñuturingami. Cai pachaca tucuimi mirga mirga tucunga. Tucui cai pachaca yallitajmi chujchunga.

JEREMÍAS 5:22

Mandaj Diosca cashnami nin: Ñucataca manamari manchanguichijchu, manamari ñuca ñaupajpica chujchunguichijchu. Ñucamari mama cucha maicama canatapish churarcani. T'iyullatamari huiñaita yacu muyundijta tiyachun churarcani. Shina cajpipish, ñuca mandashcamantaca mana pasanchu. Jatun huairahuan yacu huajiashpa jatarishpapish, mana maitapish rinllachu. Mana chai t'iyumanta pasanchu.

JEREMÍAS 51:16

Pai mandajpimi yacucunapish jahua pachapica, culun nishpa uyarin. Huairatapish huaquichishcamantami llujshichin, p'uyutapish cai pacha tucurimantami huichiyachin. Shinallataj paimi achij nichishpa tamyachin.

EZEQUIEL 26:19

Mandaj Jatun Diosca cashnapishmi nin: “Cantaca, pipish mana causaipaj llajtacunata shina shitashcatami saquisha. Cambajmanca manchanayaj yacutami cachasha. Chai yacumi cantaca tucui tapanga.

MALAQUÍAS 3:10

Chungamanta shujta ñucaman cuna cashcataca tucuita ñuca huasiman apamuichij. Cancuna apamujpimi, ñuca huasipica micuna tiyanga. Cancuna chashna cujpica, ñucapish manachu jahua pacha ventanacunata pascashpa, tucui imatapish Cancuna mana huaquichi tucuipajta cuni imamí ricuichigari. Tucuita Mandaj Diostajmi chashna nini.

Mateo 24:38

Yacu juilluta Dios cachanapajpish allita micushpa, ubyashpa, cazarashpa, cazarachishpami causarcacuna. Huambuj huasiman Noé yaicungacamami, chashnallataj catircacuna.

1 Tesalonicenses 5:3

Tucuicuna: “Allitaj, sumajtami causacunchij” ninacucujpica, chichu huarmita nanai japij shinami paicunapajmanca, jatunta llaquichinaca ñapish shamunga. Chaimantaca manataj miticungacunachu.

2 Pedro 3:6

Ñaupaman tiyaj cai pachapi causajcunapish chashnallataj mana crijpimi yacu juillu millpushca chingachirca.