GÉNESIS 7:1 - Dios Rimashca Shimicunami

¹ Mandaj Diosca Noetaca cashnami nirca: “Cai punllacunapi causajcunapurapica, canllatami ñuca ñaupajpi cashcata ruraj cashcata ricuni. Chaimanta canpish, cambaj tucui familiacunapish jatun huambuj huasiman yaicuichij.

GÉNESIS 7:1 Iomraidhean Croise

GÉNESIS 6:18

Ashtahuanpish canhuanca shuj ruranatami callarichigrini. Chaimanta canpish, cambaj churicunapish, cambaj huarmipish, cambaj churicunapaj huarmicunapish chai jatun huambuj huasiman yaicunguichij.

GÉNESIS 6:9

Noepaj huahua huahua callari yayacunaca caicunami: Noé causai punllacunapica, Noellami cashcata ruraj, ima juchachina illajlla carca. Noeca Taita Dioshuanmi purirca.

GÉNESIS 7:13

Chai punllallatajmi Noeca Sem, Cam, Jafet shuti paipaj churicunandij, paipaj huarmindij, paipaj quimsa churicunapaj huarmicunandij huambuj huasiman yaicurca.

GÉNESIS 7:7

Yacu juillumanta quishpiringapajmi, Noeca paipaj huarmindij, paipaj churicunandij, paipaj churicunapaj huarmicunandij huambuj huasiman yaicurca.

2 SAMUEL 22:24

Mana allita ruranamantaca huaquichirircanimi. Paipaj ñaupajpica ima pandata mana rurarcanichu.

PROVERBIOS 10:9

Ima pandata mana ruraj runaca, imamanta mana manchanchu. Ashtahuanpish mana allita rurashpa purijcunaca, jatun llaquimi tucun.

PROVERBIOS 14:26

Mandaj Diosta manchajcunapajca, ima manchai mana tiyanchu. Paicunapaj huahuacunapish, Diospimi shunguta churancuna.

PROVERBIOS 18:10

Mandaj Diosca jatun torre shinami. Cashcata ruraj runaca paipajman callpashpaca, quishpichishca cangami.

EZEQUIEL 14:14

Noepish, Danielpish, Jobpish, paicunallami cashcata rurajcuna carca. Paicunallami cai llajtamantaca cashcata rurajcuna cashcamanta quishpirinman. Mandaj Jatun Diostajmi chashna nini.

SOFONÍAS 2:3

Cai llajtapi causaj alli shungu runacuna, cancunaca Mandaj Dios imallata rurashcata yuyarishpa paita mashcaichigari. Cashcata ruranata mashcaichigari. Chashna cancuna allita ruranata mashcajpica, Mandaj Dios jatunta p'iñarishpa llaquichicui punllaca huaquichingapishchari.

Lucas 1:6

Paicunaca ishquindijtajmi Taita Diospaj ñaupajpica, cashcata rurajcuna carca. Jatun Dios tucui mandashcacunata, rurai nishcacunataca chaitataj rurashpa pi mana juchachipajcunami carca.

Lucas 17:26

Noé causai punllacuna ima shinami carca, chashnallatajmi Runa Aichayuj shamunapajpish canga.

Hechos 2:39

Taita Dios cusha nishcaca cancunapajpish, cancunapaj huahuacunapajpish, tucui cai pachapi cajcunata ñucanchij Jatun Dios maijanllata quishpichisha nishcacunapajpishmi– nircami.

Hebreos 11:7

Crishcamantami Noepish, Dios llaquita cachasha nijpica, chai punllacunapi manaraj ima chashna tiyashcata ricushpapish Diosta manchashpa, huambuj huasita rurarca. Chaipimi paipaj familiandij quishpirirca. Crishpallami cai pachapi causaj millaita rurajcunataca, jatun llaquiman rina cashcata ricuchirca. Crishcamantami, Dioshuan alli tucunatapish chasquirca.

1 Pedro 3:20

Chaicunaca Noé huillacui punllacuna mana cazujcunami. Huambuj huasita Noé tucui rurangacamami Diosca mana utca llaquichishpa shuyashca. Chaipica pusajcunallami yacupi quishpichishca carcacuna.