GÉNESIS 6:9 - Dios Rimashca Shimicunami

⁹ Noepaj huahua huahua callari yayacunaca caicunami: Noé causai punllacunapica, Noellami cashcata ruraj, ima juchachina illajlla carca. Noeca Taita Dioshuanmi purirca.

GÉNESIS 6:9 Iomraidhean Croise

GÉNESIS 10:1

Noepaj huahua huahua callari yayacunaca: Sem, Cam, Jafet shuticunami carca. Paicunami yacu juillu tiyashca q'uipaca huahuacunata charircacuna.

GÉNESIS 17:1

Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

GÉNESIS 2:4

Jahua pachatapish, cai pachatapish chaipi imalla tiyajcunatapish callaripi Taita Dios rurashcacunaca chaicunami. Jahua pachata, cai pachata ña rurashca cajpipish,

GÉNESIS 48:15

Chaipimi Josetaca alli cashca cachun nishpaca: “Ñuca yaya Abraham, yaya Isaac paipaj ñaupajpi purishca Taita Dios. Ñuca tiyashca pachamanta cunancama ñucata cuidaj Taita Dios,

GÉNESIS 5:1

Adanpaj huahua huahua callari yayacunapaj shuticunata quillcashcaca caicunami: Taita Diosca runata ruracui punllaca, paiman rijchajtami rurarca.

GÉNESIS 5:22

Enocca, Matusalén churita charishca punllamantaca, 300 huatacunahuanmi Taita Dioshuan purirca. Churicunatapish ushushicunatapish charircarajmi.

GÉNESIS 5:24

Enocca Taita Dioshuanmi purirca. Taita Dios apajpimi paica ñapish chingarircalla.

GÉNESIS 6:10

Noeca Sem, Cam, Jafet quimsa churicunatami charirca.

GÉNESIS 7:1

Mandaj Diosca Noetaca cashnami nirca: “Cai punllacunapi causajcunapurapica, canllatami ñuca ñaupajpi cashcata ruraj cashcata ricuni. Chaimanta canpish, cambaj tucui familiacunapish jatun huambuj huasiman yaicuichij.

2 SAMUEL 22:24

Mana allita ruranamantaca huaquichirircanimi. Paipaj ñaupajpica ima pandata mana rurarcanichu.

1 REYES 3:6

Shina nijpi Salomonca: “Cambajta ruraj ñuca yaya Davidca cambaj ñaupajpica mana nij tucushpalla, cashcatataj rurashpa, mana caita chaita yuyashpami cambaj ñaupajpi causarca. Chaimantami paitaca yallitaj c'uyashcangui. Chashna llaquij cashcataca pai mandashpa tiyanapi paipaj shuj churi tiyarichun saquishpami ricuchishcangui. Chaica cunan punllami pajtashca.

2 CRÓNICAS 15:17

Ashtahuanpish Israel llajtamantaca, lomacunapi tiyaj altarcunataca mana anchuchircachu. Asaca paipaj tucui causaipimi, Mandaj Diosta tucui shunguhuan cazushpa causarca.

2 CRÓNICAS 25:2

Amasiasca, Mandaj Diospaj ñaupajpica, ima pandata maan rurarcachu. Shina cashpapish, mana tucui shunguhuantaj allita rurarcachu.

JOB 1:1

Uz llajtapimi Job shuti runa causarca. Paica, ima pandata mana ruraj, allita ruraj, Diostapish manchaj, millaita ruranatapish p'iñajmi carca.

JOB 1:8

Chashna nijpimi Mandaj Diosca, Satanastaca: –Allpa pachapica ñucata servij Job shinaca pi shujtaj mana tiyanchu. Paica ima pandata mana ruraj, allita ruraj, ñucatapish manchaj, millaita ruranatapish p'iñajmi– nircami.

JOB 12:4

Ñucaca, ñucahuan alli apanacujllataj chanzata rurashpa asishcami cani. Taita Diosta mañajpica, paica cunllami. Cashcata ruraj cajpipish, ima pandata mana ruraj cajpipish, chanzata ruranllacunami.

SALMOS 37:37

Tucuita allita rurajtaca yuyariyari. Cashcata rurajtaca ricuhuayari. Sumaj causaiyuj runapajca, q'uipataca cushicunami tiyanga.

SALMOS 37:39

Ashtahuanpish cashcata rurajcunataca, Mandaj Diosmari quishpichinga. Llaqui punllacunapica muyundij pirca shinami paica huaquichin.

PROVERBIOS 4:18

Ashtahuanpish cashcata rurajcunapaj causaica, pacarijpi achijlla inti llujshishpa, chaupi punllayajpi ashtahuan achijlla tucuj shinami.

ECLESIASTÉS 7:20

Cai pachapica cashcata ruraj cashpapish, manataj ima juchata rurashpa, allillata rurashpa causajca, shujllapish mana tiyanchu.

EZEQUIEL 14:14

Noepish, Danielpish, Jobpish, paicunallami cashcata rurajcuna carca. Paicunallami cai llajtamantaca cashcata rurajcuna cashcamanta quishpirinman. Mandaj Jatun Diostajmi chashna nini.

EZEQUIEL 14:20

Noepish, Danielpish, Jobpish cai llajtapi cashpaca, paicunapaj churillatapish, ushushillatapish mana quishpichi tucunmanchu. Ashtahuanpish cashcata rurajcuna cashcamantaca, paicunallami quishpirinmancuna” ninmi causaj Mandaj Jatun Diosca.

HABACUC 2:4

Riqui mana alli shunguta charijca jatun tucunllami. Ashtahuanpish cashcata rurajca, crishcallamantami causanga.

Lucas 1:6

Paicunaca ishquindijtajmi Taita Diospaj ñaupajpica, cashcata rurajcuna carca. Jatun Dios tucui mandashcacunata, rurai nishcacunataca chaitataj rurashpa pi mana juchachipajcunami carca.

Lucas 2:25

Chai punllacunaca Jerusalenpica, Simeón shuti runami tiyarca. Paica cashcata ruraj, Diosta manchaj, israelcunata Dios quishpichinata shuyacujmi carca. Jucha illaj Espiritupish paipaj jahuapimi carca.

Lucas 23:50

Chaipica Judeapi caj Arimatea pueblomanta José shuti cashcata ruraj alli shungu runami tiyarca. Paica mandajcunapuralla tandanacushcamantami carca.

Hechos 10:22

paicunaca: –Ñucanchijca patsaj soldadocunata mandaj Cornelio cachajpimi shamunchij. Paica Taita Diosta manchaj, cashcata rurajmi. Paica judiocuna alli nishcami causan. Paimanmi jucha illaj ángel ricurishpaca: “Pedrota cambaj huasiman pushanaman cachai, pai imalla huillashcata alli uyangui” nishcami– nircacunami.

Romanos 1:17

Taita Diosca crijllapi justificaj cashcatami alli huillaica ricuchin. Crishcallapi catichun. Cashnami quillcashca tiyacun: “Crijpi justificashcamantami causanga” ninmi.

Gálatas 3:11

Caitaca ricunallami. Diospaj ñaupajpica, Mandashcata rurashcamantaca pi mana justificashca tucunchu. Ashtahuanpish: “Cashcata rurajca crishcamantami causanga”.

DEUTERONOMIO 18:13

Chaimanta canca imata mana pandashpa Mandaj Dios cambaj Taita Dios yuyailla cangui.

Hebreos 11:7

Crishcamantami Noepish, Dios llaquita cachasha nijpica, chai punllacunapi manaraj ima chashna tiyashcata ricushpapish Diosta manchashpa, huambuj huasita rurarca. Chaipimi paipaj familiandij quishpirirca. Crishpallami cai pachapi causaj millaita rurajcunataca, jatun llaquiman rina cashcata ricuchirca. Crishcamantami, Dioshuan alli tucunatapish chasquirca.

1 Pedro 2:5

Cancunapish causaj rumicunallatajmi canguichij. Chashna cashpami Diospajlla huasita huasichicuncuna canguichij. Jucha illaj curacunapishmi canguichij. Jesucristomantaca Dios chasquinalla causaita causaichij.

2 Pedro 2:5

Ñaupa punllacunapi causajcunatapish Diosca mana perdonashcachu. Chai millaicunataca yacu juilluhuanmi chingachishca. Ashtahuanpish cashcata rurashpa causanata huillaj Noellatami, caishuj canchiscunandij huaquichishpa quishpichishca.