GÉNESIS 6:8 - Dios Rimashca Shimicunami

⁸ Shina cajpipish Mandaj Diospaj ñahuipica, Noellami allita ruraj cashca ricurirca.

GÉNESIS 6:8 Iomraidhean Croise

GÉNESIS 19:19

Cancunapajta ruraj ñucaca cancunapaj ñahuipi alli ricurijpimari ñucataca achcata c'uyashpa huañunallapi cajpi quishpichingapaj shamushcanguichij. Shina cajpipish chai urcupi miticugrinamanca mana ri tucushaca. Chai urcuman manaraj chayajpi jatunta llaquichicui japijpica huañushamari.

SALMOS 145:20

Mandaj Diosca tucui paita c'uyajcunatami huaquichin. Ashtahuanpish tucui millaicunataca chingachingami.

SALMOS 84:11

Mandaj Taita Diosca ñucanchijta achijyachij intimari. Ñucanchijta huaquichij escudomari. Mandaj Diosca alli nishca canata, sumaj canatamari cunga. Tucuipi mana juchachipaj cajcunamanca paicunapaj cuna cashataca mana anchuchingachu.

PROVERBIOS 12:2

Alli shungu runamanca, Mandaj Diosllataj allicunata cunmi. Ashtahuanpish millai yuyaihuan causajtaca, jatun llaquiman cachangami.

PROVERBIOS 3:4

Chashna alli cajpimi Taita Diospish, runacunapish c'uyashca, alli nishca tucungui.

PROVERBIOS 8:35

Ñucata japijca causaita japingami. Mandaj Dios c'uyashcapishmi tucunga.

JEREMÍAS 31:2

Israelcunaca espadamanta quishpirishpami, samarinata mashcashpa tigracurcacuna. Shitashca pambata chashna puricujpimi, ñucaca llaquircani” ninmi Mandaj Diosca.

EZEQUIEL 14:14

Noepish, Danielpish, Jobpish, paicunallami cashcata rurajcuna carca. Paicunallami cai llajtamantaca cashcata rurajcuna cashcamanta quishpirinman. Mandaj Jatun Diostajmi chashna nini.

Mateo 24:37

Noé causai punllacuna ima shinami carca, chashnallatajmi Runa Aichayuj shamunapajpish canga.

Lucas 1:30

Chaimi angelca: –María, ama manchaichu. Taita Diosmari canmanca mana c'uyaipajta c'uyajta cungapaj agllashca.

Lucas 17:26

Noé causai punllacuna ima shinami carca, chashnallatajmi Runa Aichayuj shamunapajpish canga.

Hechos 7:46

Davidca Taita Dios yallitaj c'uyashca cashpami, paitaca Jacobpaj taita Dios ñucaca cambaj huasita rurasha ninimi nishpa mañarca.

Romanos 11:6

Imata mana rurajpipish, mana c'uyaipajta c'uyashpami agllan. Rurashcacunamanta agllashca cajpica, mana c'uyaipajta c'uyashpa agllashca mana canmanchu. Rurashcacunamanta agllashca cajpica, mana c'uyaipaj cajpipish c'uyashcaca mana canmanchu. Chashna cajpica rurashcacunahuan mana c'uyaipajta c'uyaihuanca mana chai shinallatajchu.

Romanos 4:4

Trabajajmanca cuna cashcataca c'uyashcallamanta mana cunchu, ashtahuanpish cuna cashcamantatajmi cun.

1 Corintios 15:10

Ashtahuanpish Diospaj mana c'uyaipaj c'uyaimantaca ima shinami cani, chaimi cani. Diospaj mana c'uyaipajta c'uyaica, ñucapajca mana yanga cashcachu. Ashtahuanpish ñucaca, tucui caishujcunata yallimi trabajashcani. Chaitaca mana ñucallatajchu, ashtahuanpish Diospaj mana c'uyaipajta c'uyai ñucahuan cashpami chashna rurachishca.

Gálatas 1:15

Ashtahuanpish mamapaj huijsapi cajpirajmi, Diosca pai munashcamanta ch'icanchirca. Paipaj mana c'uyaipajta c'uyaihuanmi ñucataca cayarca.

2 Timoteo 1:18

Efesopipish, ñucanchijtaca achcatami ayudarca. Chaitaca allimi yachangui. Chaimanta Mandaj Jesusca, paitaca shamuj punllapi llaquishca cachun.

Tito 2:11

Diosca tucui cai pachapi causajcunata quishpichingapajmi paipaj mana c'uyaipajta c'uyaitaca ricuchirca.

Tito 3:7

Chashnami Diosca mana c'uyaipaj cajpipish c'uyashpa, justificashpa chasquirca. Chaimantami ñucanchij japina cashca huiñai causaitaca, chai yuyailla shuyacunchij.

Hebreos 4:16

Ima llaquipi cajpi llaquishpa, mana c'uyaipajta c'uyaihuan ayudashca cangapajca, mana c'uyaipajta c'uyaj Dios tiyacunman mana manchashpa c'uchuyashunchij.

1 Pedro 3:20

Chaicunaca Noé huillacui punllacuna mana cazujcunami. Huambuj huasita Noé tucui rurangacamami Diosca mana utca llaquichishpa shuyashca. Chaipica pusajcunallami yacupi quishpichishca carcacuna.

2 Pedro 2:5

Ñaupa punllacunapi causajcunatapish Diosca mana perdonashcachu. Chai millaicunataca yacu juilluhuanmi chingachishca. Ashtahuanpish cashcata rurashpa causanata huillaj Noellatami, caishuj canchiscunandij huaquichishpa quishpichishca.