GÉNESIS 6:7 - Dios Rimashca Shimicunami

⁷ Chaimi Mandaj Diosca: “Cai pachapi causachun rurashpa churashcacunataca gentecunatapish, animalcunatapish, llucaj animalcunatapish, huairata purij alasyuj animalcunatapish tucuita chingachisha. Paicunataca mana ruranatami rurashcani” nishpa yallitaj llaquirirca.

GÉNESIS 6:7 Iomraidhean Croise

GÉNESIS 6:6

Mandaj Diosca runata rurashpa cai pachapi churashcamantaca, shungu nanarishpami llaquirirca.

GÉNESIS 7:21

Chaimi cai pachapi causaiyuj caj tucuicunaca huairata purij alasyuj animalcunapish, charina animalcunapish, sacha animalcunapish, llucaj tucui animalcunapish, tucui gentecunapish huañurcacuna.

GÉNESIS 7:4

Cunanmanta canchis punlla q'uipaca, ñucaca cai allpapica chuscu chunga punllata chuscu chunga tutatami tamyachisha. Chashnami cai pachapi causaj tucui imallata ñuca rurashcataca chingachigrini” nircami.

GÉNESIS 8:21

Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

SALMOS 37:20

Ashtahuanpish Mandaj Diosta p'iñaj, mana rijsijcunaca chingachishcacunami canga. Mandaj Diosta p'iñajcunaca tucuchishcami canga. Carneropaj huira shinami yacuyangacuna. Cushni shinami chingaringacuna.

PROVERBIOS 10:27

Mandaj Diosta tucui shunguhuan manchajpica, uni causaitami cunga. Ashtahuanpish paita mana manchajcunataca, utcami causaita quichunga.

PROVERBIOS 16:4

Mandaj Diosca tucuitamari imapaj cashpapish, shuj yuyaihuan rurashca. Chaimantami Diosta mana manchaj runatapish, llaqui punllapaj charicun.

ISAÍAS 27:11

Chai yura ramacuna chaquijpica, p'aquishcami canga. Huarmicuna shamushpami ninata japichingacuna. Cai Israelcunaca mana yuyaita charijcunami. Chaimanta paicunata rurajca mana llaquingachu. Paicunata rurajca manataj llaquingachu.

OSEAS 4:3

Chaimantami cai llajtaca achca jatun llaquilla canga. Cai llajtapi causajcunaca tucuicunami fuerza illajlla tucungacuna. Sacha animalcuna, huairata purij alasyuj animalcunaca huañungami. Mama cuchapi causaj chalhuacunacamami huañunga.

AMÓS 7:3

Chashna mañajpica, Mandaj Diosca achcata llaquirishpami: –Shinashpaca mana llaquichigrinichu– nirca.

AMÓS 7:6

Chashna mañajpica, Mandaj Jatun Diosca achcata llaquirishpami: –Shinashpaca mana llaquichigrinichu– nirca.

SOFONÍAS 1:18

Mandaj Dios jatunta p'iñarishpa llaquichicui punllapica, paicunapaj cullquipish, curipish mana quishpichi tucungachu. Ashtahuanpish Mandaj Diosca jatunta p'iñarishpami, cai pachataca ninahuan tucuita tucuchinga. Cai pachapi causajcunataca, ñapish tucuita tucuchingallami.

SOFONÍAS 1:2

Mandaj Diosca cashnami nin: “Cai pachapi imalla tiyajcunataca tucuitami chingachisha.

SOFONÍAS 1:3

Runacunatapish, animalcunatapish, huairata purij alasyuj animalcunatapish, mama cuchapi causaj chalhuacunatapish, Diosta mana manchaj runacunatapishmi chingachisha. Cai pachapi causaj runacunataca, tucuicunatami chingachisha” ninmi Mandaj Diosca.

DEUTERONOMIO 28:63

Mandaj Diosca allicunata rurashpa, cancunata achcata mirachishpa cushicuj cashca shinallatajmi, cancunata jatunta llaquichishpa tucuchishpapish cushicunga. Cancuna japigricun llajtamantaca sapimanta aisashpa shitaj shinami anchuchinga.

DEUTERONOMIO 29:20

Chashna ruraj runataca, Mandaj Diosca mana perdonana tucushpa manataj perdonangachu. Ashtahuanpish paihuanca nina lunyacuj shina yallitajmi p'iñaringa. Chaimanta cai libropi tiyaj tucui llaquicunaca paipaj jahuapimi urmanga. Mandaj Diosca chai runapaj shutitaca cai pachamanta anchuchingami.

1 SAMUEL 15:11

–Jatun mandaj cachun Saulta churashcamantaca, yallitajmi llaquirini. Paica ñucamanta anchurishpamari, ñuca imalla mandashcatapish mana cazun– nijpimi, Samuelca jatunta llaquirishpa chai tutaca Mandaj Diostaca caparishpa mañarca.