GÉNESIS 6:6 - Dios Rimashca Shimicunami

⁶ Mandaj Diosca runata rurashpa cai pachapi churashcamantaca, shungu nanarishpami llaquirirca.

GÉNESIS 6:6 Iomraidhean Croise

GÉNESIS 6:7

Chaimi Mandaj Diosca: “Cai pachapi causachun rurashpa churashcacunataca gentecunatapish, animalcunatapish, llucaj animalcunatapish, huairata purij alasyuj animalcunatapish tucuita chingachisha. Paicunataca mana ruranatami rurashcani” nishpa yallitaj llaquirirca.

2 SAMUEL 24:16

Llaquichichun pai cachashca ángel Jerusalentapish chingachingapaj maquita chutagrijpica, Mandaj Diosca llaquichingapaj cachashcamanta llaquirishpami, chai runacunata huañuchicuj angeltaca: “Ña chailla, saqui” nirca. Mandaj Diospaj angelca, jebuseo Arauna runapaj parba c'uchupimi carca.

1 CRÓNICAS 21:15

Mandaj Diosca, Jerusalenpi causajcunata ñutuchingapajca angeltami cacharca. Chai ángel ñutucujta Mandaj Dios ricushpaca, yallitaj llaqui cajpimi, ñutucuj angeltaca: “Ña chailla, saqui” nirca. Mandaj Diospaj angelca, jebuseocunapura caj Ornán runapaj parba c'uchupimi carca.

SALMOS 106:45

Paicunahuan ari ninacushcatapish paica yuyarircami. Pai yallitaj llaquij cashca shinallatajmi paicunataca llaquirca.

SALMOS 110:4

Mandaj Diosca paipaj shimihuantajmi: “Melquisedec cura cashca shinallataj, quiquinca huiñaipaj curami cangui” nirca. Chaitaca mana p'aquingachu.

SALMOS 119:158

Huashalla llaquichijcunata ricushpamari p'iñanachircani. Quiquinpaj shimipi nishcacunata mana pajtachijpimari p'iñanachircani.

SALMOS 78:40

Mashnatajshi cutinmi c'ariyarcacuna. Shitashca pambapimi c'ariyarcacuna. Imapish mana tiyan pambapimi paitaca p'iñachircacuna.

SALMOS 81:13

¡Ñucapajlla cajcunaca ñucata uyashca cajpica, israelcunaca ñuca yachachishca shina causashca cajpica!

SALMOS 95:10

Chaimi tucui paicunahuan chuscu chunga huatata p'iña carcani. Chaimantami paicunataca: Cai runacunaca q'uilla shungucunami, ñuca ñantapish mana rijsincunachu nircani.

ÉXODO 32:14

Chaimi Mandaj Diosca, pai agllashca israelcunata llaquichisha nishca cashpapish mana llaquichina tucurca.

ISAÍAS 48:18

¡Ñuca mandashcacunata can cazushca cajpica, tucuipi can ima shinalla canaca jatun yacu shinami canman! Can cashcata ruranaca mama cucha yacu jataricuj shinami canman.

ISAÍAS 63:10

Ashtahuanpish paicunaca c'ariyashpami paipaj jucha illaj Espirituta p'iñachircacuna. Chaimantami Mandaj Diosca paicunahuan p'iñarishpa macanacurca.

JEREMÍAS 18:7

Ñucaca, huaquinpica maijan runacunata cashpa, maijan llajtata cashpapish ña tucui chingachinata, tucuchinata yuyarishpami huillachini.

JEREMÍAS 26:19

Chashna huillajpipish, Miqueastaca jatun mandaj Ezequiaspish, cai tucui Judá llajtapi causajcunapish mana huañuchishcacunachu. Ashtahuanpish pai jatun mandajca, Mandaj Diosta manchashpami, Mandaj Diospaj ñaupajpi mañashca. Chashna mañajpica, Mandaj Diosca paicunata llaquichishami nicushca cashpapish, jarcarishpa mana llaquichircachu. Chashna cashcamantaca ñucanchijca ¿imamantataj cai runataca yanga huañuchishpa, ñucanchijllataj jatun llaquipi yaicushunri?” nircacunami.

EZEQUIEL 33:11

Cashnapish ningui: Mandaj Jatun Diosca cashnami nin: Ñucaca causacunimi. Ñucata mana manchaj runataca, mana huañuchun munanichu. Ashtahuanpish pai ima shina causacushcata saquishpa causaita charichunmi munani. Chashna cashcamantaca israelcunalla, cancuna millaita ruracushcata saquishpa, ñucapajman cutirichigari, cutirichigari. ¿Maitataj yangamantaca huañunguichigari? ninmi ni.

OSEAS 11:8

Efraín ¿maitataj cantaca saquishari? Israel cantaca shujtajcunapaj maquipica mana churai tucunichu. Cancunataca Adma pueblota shinapish mana llaquichi tucunichu. Zeboim pueblota shinapish mana llaquichi tucunichu. Cancunataca ñuca shungu rupajyashpamari jatun c'uyaihuan c'uyanayanlla.

JOEL 2:13

Ama churanataraj lliquirichijchu, ashtahuanpish cancunapaj shungupi llaquirichigari. Cancunata Mandaj Diospajman cutirichigari. Paica llaquishpa cashcata rurajmari, mana utca p'iñarij, jatunta llaquijmari, llaquichisha nishpapish, llaquishpa jarcarijmi.

JONÁS 3:10

Taita Diosca, Nínive pueblopi causajcunaca millai ruranacunata saquishpa cutirishcatami ricurca. Chaimantami pai p'iñarishpa llaquichisha nishca cashpapish, jarcarishpa mana llaquichirca.

MALAQUÍAS 3:6

Jacobpaj huahuacuna, Mandaj Dios ñucaca manataj shujtajyanichu. Chaimantami cancunaca mana chingachishca canguichij.

NÚMEROS 23:19

Taita Diosca mana runachu. Llullangapajca. Taita Diosca huañujlla runa shina pai rurasha nishcataca mana shujtajyachijchu. Pai rurasha nishcataca ¿manachari pajtachingari? Pai ari nishcataca ¿manachari pajtachingari?

Romanos 11:29

Diosca pai cushcacunataca manataj quichunchu, pai cayashcatapish manataj anchuchinchu.

Efesios 4:30

Diospaj jucha illaj Espirituta ama llaquichichijchu. Tucui imamantapish quishpichishpa pushana punllacama paihuan sellashcacunami canguichij.

DEUTERONOMIO 32:29

Caicunata entendingapaj yachaisapacuna cashpachari alli canman. Tucuripica ima tucuna cashcata yachashpachari alli canman.

DEUTERONOMIO 32:36

Mandaj Diosca pai agllashcacunamanta shayaringami. Paipajta rurajcuna llaquita apacujta ricushpaca llaquiringami. Fuerza illajlla cajta ricushpami llaquiringa. Amopajta rurajcunapish, amopajta mana rurajcunapish tucuricujta ricushpami llaquinga.

DEUTERONOMIO 5:29

Paicunaca cunan ima shinami ñucata manchacun chashnalla ñucata manchaj shungulla cangapishchari. Chashna cashpa ñuca mandashcacunata punllanta huaquichishpami paicunapish, paicunapaj huahuacunapaj huahuacunapish tucuipi alli ringacuna.

Hebreos 3:10

Chaimantami, chai punllapi causajcunahuanca p'iñarircani. Paicunaca: “Yuyaita chingachishca shina tucushpami, ñuca ricuchishca ñanpica mana catishun nircacuna” nircami.

Hebreos 3:17

Diosca ¿picunahuantaj chuscu chunga huatacunata p'iñarishca carca? ¿Manachu juchallishcamanta, shitashca pambapi huañujcunahuan p'iñarishca carca?

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.

1 SAMUEL 15:11

–Jatun mandaj cachun Saulta churashcamantaca, yallitajmi llaquirini. Paica ñucamanta anchurishpamari, ñuca imalla mandashcatapish mana cazun– nijpimi, Samuelca jatunta llaquirishpa chai tutaca Mandaj Diostaca caparishpa mañarca.

1 SAMUEL 15:29

Israelcunapaj tucuita rurai tucuj Diosca, chaitataj pajtachijmi. Pai imata nishcataca pajtachingatajmi. Paica mana runacuna shina yuyaita cambiajchu– nircami.

1 SAMUEL 15:35

Samuelca Saulmanta achcata huacacushpapish chai punllamanta pacha tucui paipaj causaipi Saultaca manataj ricurcachu. Mandaj Diosca israelcunata jatun mandaj cachun Saulta churashcamantaca, achcatami llaquirirca.